Efeso 6:2 - Amazwi Yakwe Leza 2013

² “Cindika so na nyoko” lili sunde lyankolelo ilyakwata ulayo ukati,

Efeso 6:2 ပူးပေါင်းရင်းမြစ်များ

Kufuma 20:12

“Cindika so na nyoko kuti amanda ya umi wako yavule mu nsi ino ne Yawe Leza wako nkukupeela.

Mapinda 20:20

Wino uwatipwila isi nanti nyina, ulukozyo lwakwe lulazima pakafite nafititi.

Yelemiya 35:18

Yelemiya ali pakunena uluko lwa ina Lekabu ati, Yawe Wamaka yonsi, Leza wa ina Izlaeli wavwanga ukuti, “Pamulandu wakuti mukawaka ilamulo lya cikolwe cinu Yonadabu, mukalondela na masunde yakwe yonsi nu kucita vyonsi vino wamunenyile,

Yelemiya 35:7

Mutaezya kukuula amang'anda, nanti kukomela imbezu, mutalema ivilimwa vya matingi nanti kulima vyalo. Mwaikala sile mu mataalu mu umi winu onsi apakuti muce mwikale amanda avule mu mpanga ino mwaya wa alendo.

Ezekelo 22:7

Mu musumba uu mutaya nanti wenga akacindika akwasi yakwe. Wemo ukacenjezya aenyi, nupya ukafyenga yamukamfwila na ana asyale.

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

Loma 13:7

Mupele uteko vyonsi vino muli nu kupeela, kuli kuti musonko wa mwili nu musonko wa vintu vino mwakwata, nupya mwafukila yakateeka yonsi nu kuyacindika.

Efeso 6:3

“Kuti vyonsi vikuzipile nga na manda yako yavule mu nsi.”

Malango 27:16

“ ‘Katipwe kuli Leza wiyo wensi uwasuula isi nanti nyina.’ “Lyene antu yonsi yalande yati, ‘Ee mukwai! Kaciye vivyo kwene!’

Malango 5:16

“‘Cindika so na nyoko wakwe vino Yawe Leza wako wakupeela ilamulo kuti amanda ya umi wako yavule nu kuti vyonsi vikuzipile mu mpanga ino Yawe Leza wako akukupeela.

1 Timoti 5:4

Lelo ndi cakuti mukamfwilwa wakwata ana nanti aizikulu, nkolelo ana yakwe yalinzile kusambilila ivyakwazwa amu ng'anda yao koopa Leza. Mu kucita cii amuno akwasi ni vikolwe yangawezya maka yao. Pano cii, cikazanzya Leza.