Efeso 5:6 - Amazwi Yakwe Leza 2013

⁶ Mutaleka umuntu umwi amusombe na mazwi auwelewele, pano pamulandu wa vintu vii ukali wakwe Leza ukwiza pali yao asyamuyela.

Efeso 5:6 ပူးပေါင်းရင်းမြစ်များ

2 Yamwene 18:20

Uzye ukwelenganya ukuti amazwi yatupu sile ali mano na maka angalwa inkondo? Aweni wino watailamo apakuti unsangukile? Na alakwazwa aweni apakulwa na ina Asilya?

Masamu 78:31

Leza icipyu icimulema, ali pakukoma antu yavimaka, alumendo umu ina Izlaeli!

Yelemiya 27:9

Fwandi, mutezya mwauvwa kuli yakasema inu, kuli yakasapoola inu, kuli yakalota yaviloto, kuli yakapendola na kuli yasing'anga inu yano yakamunena ukuti mutakatumikile umwene waku Babiloni.

Yelemiya 29:31

“Tumila azya yonsi amazwi yano yakumile Syemaya umwina Neelamu ukuti Yawe wavwanga wati, ‘Apamulandu wakuti Syemaya wamupolelela nu usemo wakwe nanti angala ntamutumile, lyene nawe watamulenga ukuzumila intumpu.

Yelemiya 37:9

Yawe wati, “Ala mutaisomba mwe eneco muti aina Asilya yatiyafumilila kunotuli. Ala yatafumililako foo.

Mika 3:5

Yawe wavwanga wati, “Antu yane yasombwa na yakasema yamwi, yano yakapumbola antu. Ndi umwi wayimula, yene yakamulaya umutende, lelo ndi atacisile vivyo, yene yakamunena amazwi ya misindicila a nkondo.”

Mateo 24:24

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

Mateo 24:4

Yesu nawe aasuka ati, “Cenjelini, mutaleka umuntu nanti wenga amuponzye.

Mako 13:22

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo ni vizungusyo kuti yaponzye na asololwe kwene ndi cingaya.

Mako 13:5

Yesu ayanena ati, “Cenjelini, mutaleka umuntu nanti wenga amuponzye.

Loma 1:18

Lyene ukali wakwe Leza wati usokoloka kufuma kwiyulu pamulandu wankota na maifyo ya antu, pano inkota zyao ziipe zikacilikizya icumi kuti citamanyika.

Kolose 2:18

Mutaleka umuntu umwi amucilime ku cilambu. Wene akaitakola pamulandu wakulola vilolwa mu viloto nu kuilanga ukuti umufuke lino akupepa angeli. Antu amusango uu yakailumba pa kwelenganya kwa untunze.

Kolose 2:4

Nkumunena, lyene, mutaleka umuntu umwi amutumpoke na mazwi antumpu, nanti angala yanguvwika kuya acumi.

Kolose 2:8

Mutaleka umuntu nanti umwi amutumpike na mazwi a uwelewele. Mazwi yao yangaloleka kuya a mano, lelo kusambilizya kwao ukwa misango ya vintu vyamu nsi visi vya pali Klistu.

Kolose 3:6

Pamulandu wa vintu vya musango uu, Leza alaya nu ukali pa antu yano asyamuyela.

2 Tesalonika 2:3

Mutaleka umwi amusombe. Pano Umwene atangiza suka antu yace yasangukile Leza, nga nu Mui wilya aloleke, wino uyo wakwe cifulo ca afwe.

Ayebulai 13:9

Mutaleka usambilizyo nanti umwi uwa musango onsi umupumvyanye nu kumufumya umu nzila isuma. Cili cisuma kuti myenzo inu ikomeleziwe ni cikuku cakwe Leza, lelo asi mukuyela malamulo pamulandu wa vyakulya. Yao akayela malamulo yaa citayazwa foo.

Ayebulai 3:19

Lyene twalola vino yene yaposiwe kwingila mu kupuza kuku pano yatakweti utailo.

1 Petulo 2:8

Nupya cili ndi vino malembelo yauze yakati, “Lii, lili iwe ililalenga kuti antu yapumike nu kupona.” Yene yaipumileko pano yatataile mu mazwi ya Mwene. Cii cali ukulonda kwakwe Leza kunoyali.

1 Yoane 4:1

Mwe yacuza akundwe, mutataila yonsi akati yakwata Mupasi Wamuzilo. Lelo muyezye nu kumanya ndi cakuti mupasi uno yakwata wafuma kuli Leza. Pano yakasema yaufi aingi yasalangana konsi muno nsi.