Efeso 5:3 - Amazwi Yakwe Leza 2013

³ Mwemwe antu yakwe Leza. Acino ulenzyo nanti vya winyi nanti lwiswa vitatakwa munomuli.

Efeso 5:3 ပူးပေါင်းရင်းမြစ်များ

Masamu 10:3

Umwipe akuituumika apa lunkumbwa lwakwe, Umupunuke akutuka nu kuzewanya Yawe.

Masamu 119:36

Umpeele umwenzo uwakulondesya ukuyela amasunde yako ukuluta ukuya umukama.

Kufuma 18:21

Lelo kulunda pali vii, ulinzile kusola aonsi yamwi ampomvu nu kuyasonta kuti yaye wa ntunguluzi zya antu. Mu musango uu, intunguluzi zya antu mazimbi, na yamwi antu imyanda, na yamwi antu amakumi yasano, na yamwi antu ikumi. Yalinzile ukuya antu akaopa Leza. Yalinzile ukuya atailwe nupya atangazumilizya mafukakanwa.

Kufuma 20:17

“Utakumbwa ng'anda ya muzo. Utakumbwa umuci wa muzo, nanti muomvi wakwe umonsi, nanti muomvi wakwe umwanaci, nanti masaye wakwe, nanti punda wakwe, nanti icili consi cino wakwata.”

Kufuma 23:13

Muvwikisye vyonsi vii vino namunena. Mutapepa tuleza tuze, mutalumbula na mazina yatuko.

Mapinda 28:16

Intunguluzi iyaula amano, yakwatisya ulufyengo. Lelo ino yakwata ufumacumi, ilateeka pa nsita ntali.

Yelemiya 22:17

Lelo wemo amanso yako nu mwenzo wako vyalola sile ku kuizanzya we mwisikulu. Wemo ukakoma antu akaele nu kuomvya uluku uluku antu yako.

Yelemiya 6:13

Cila muntu, ukutandikila sile pa munono ukufika napa mukalamba, yonsi kwene yapunuka ku kulondelela ulonsi. Yonsi pyu, ukutandikila kuli kasema mpaka na kuli simapepo, yakacita usomvi umwi uipisye ku antu.

Yelemiya 8:10

Icaleka indapeela aci yao kuli yauze, ni vyalo vyao kuli yakacimvya ya mpanga. Pano yonsi sile, anono na akalamba, ukutandikila kuli yakasema ukufika kuli yasimapepo yacita ucenjezi uwiipisye.

Ezekelo 33:31

Antu yane yakaiza kunuli iumba likalamba, yiza yikala pa nkolelo yako apa kuvwa amazwi yako, lelo yakana ukuyalondela. Mu tunwa twao mwazula intumpu, nu mu myenzo yao mwaya ulwiswa lwa vyuma vino yakalonkela uku ukakasi.

Aina Levi 15:18

Pacisila cakulambalala nu kumanyana, umonsi nu mwanaci yoili yalinzile ukufulala umwili onsi, nupya yaye amifitalila kufika ku manguzi.”

Mika 2:2

Yene yakakumbwa ivyalo nga yavipokolola. Lino yakwata ulwiswa lwa ng'anda, iyaipoka. Kusi umuntu na ang'anda yakwe nanti vino yakwata ivyacingililwa.

Mpendwa 25:1

Pa nsita ilya aina Izlaeli yali ku Syitimu. Ali lino antu iyatandika ukucita uzelele na anaci aina Moabu.

Mateo 15:19

Pano mu mwenzo mukafuma amelenganyo yankota akamutungulula ku kukoma, kulongozya, nu kucita vintu vya winyi, uwivi, umboni waufi, kutumpwila.

Luka 12:15

Lyene watwalilile kuvwanga kuli onsi ati, “Mucenjele nu kuicingilila ku lwiswa lonsi. Pano umi wa muntu utaya mu wingi wa vintu vino wakwata, usi mulandu nanti angaya ni vyuma vingi.”

Luka 16:14

Lyene Afaliseo lino yuvwa vii yasoweka Yesu, pano yatemilwe vyuma.

Milimo 15:20

Mu cifulo cakwe cico, tulinzile kuyalembela kalata wa kuyanena kuti yatalya ivyakulya vikowele pano vyapeelwa ku tuluwi. Yaisunge ku ulenzyo, nga nu kuntalya inyama zino yanyonga, nanti kulya uwazi.

Milimo 20:33

Ntakumbwike impiya nanti vyakuzwala vya muntu ali wensi.

Loma 1:29

Myenzo yao yazulamo uyi wa misango yonsi wakwe vii, ukakasi, kuitemwa, lupato, uzuwa, utazi wa katwe, lwete, ufi, lufyengo, lwambo,

Loma 16:2

Mumupokelele mwi zina lya Mwene, wakwe vino antu yakwe Leza yalinzile kupokelelwa. Mwazwini muli vyonsi vino angalonda kwazwiwa, pano wali a cuza wa antu aingi pamwi nani kwene.

Loma 6:13

Mutapela vilundwa vya mili inu ku maka yi ifyo, kuti viye viombelo vya kucitilako ukakasi. Lelo muipele kuli Leza, wa antu yano azyukulwa kufuma ku afwe nu kuya nu umi. Mupele vilundwa vyonsi vya mili inu kuli Leza, kuti viye viombelo vya kucita vyawololoke.

1 Kolinto 10:8

Tutalinzile kucita ulenzyo, ndi vino yamwi munoyali yacisile nga nu mu wanda onga yene yafwile kulingana mazimbi makumi yaili na yatatu.

1 Kolinto 5:1

Ndakai, cikuvwika vino munomuli, muli ulenzyo uwipisye cuze kuluta uno antu atataila yakacita. Nuvwa ukuti umuntu akamanyana nu muci wakwe isi!

1 Kolinto 6:13

Umwi angavwanga ati, “Cakulya capangilwe kwingila mu nda, nga ni nda nayo yapangilwe kupokelela cakulya.” Endi, lelo Leza alonona vii vyoili. Umwili utalinzile kuomviwa mu kucita ulenzyo, lelo ulinzile kuomviwa mu kutumikila Mwene. Mwene aliwe akasunga mwili.

1 Kolinto 6:18

Leukini ku uzelele. Iifyo lyonsi lino umuntu angacita lisyakowezya mwili wakwe. Lelo umuntu wino akacita uzelele wene akaifya ku mwili wakwe umwisikulu.

2 Kolinto 12:21

Nkoopa kuti lino ndiza limwi Leza alandenga kuya ni nsonyi pa manso inu, ndalonda kulila pano aingi muno muli aifizye mpiti nupya yatazenzwike ku vya winyi vyao, imbunu nga nu uzelele wao.

Efeso 5:12

Nupya cili ica nsonyi cuze ukulanda pali vino antu yaa yakacita mu nkama.

Efeso 5:5

Pano mulinzile kusininkizya ukuti antu akacita vii yatalaya amu Wene wakwe Klistu na Leza.

Filipi 1:27

Acino cintu cicindame kuluta cakuti umi winu ulinzile kuya kulingana na vino Ilandwe lyakwe Klistu likalonda twacita. Kuti lino ndamutandalila nanti foo, ince nuvwe ukuti mwensi mwakwata kwelenganya kuli kumwi. Nupya ndamanya ukuti mukaombela pamwi nu kulwisya kuti nayauze yuvwe Ilandwe Lisuma.

Kolose 3:5

Mutaleka mili inu yamutungulula. Mulinzile kukoma vilondwa viipe vya mwili vino vikuomba munomuli, wakwe vii, kulongozya, vya winyi, nsuna, cipyu, lwiswa (pano lwiswa u musango wa upefi wa tuluwi.)

1 Tesalonika 4:3

Leza akulonda kuti muye amuzilo nupya antungwa cuze kufuma ku ulongozyo.

1 Tesalonika 4:7

Leza atatwama kuti twacita vya winyi, lelo watwama kuti tuye amuzilo.

1 Timoti 2:10

Lelo yene yalinzile kucita vintu visuma vilingine ni vicitwa vya anaci akayela Leza.

1 Timoti 3:3

Wene atalinzile kuya mukolesi nanti walwete. Lelo alinzile kuya mufuke nupya asilemanizya antu. Wene atalinzile kutemwa impiya.

1 Timoti 6:10

Pano kutemwa impiya ili ntulo ya misango yonsi ya viipe. Yamwi akalondesya impiya yakasya inzila ya utailo nga nu kunyomeka myenzo yao na malanda aingi.

2 Timoti 3:2

Antu yalaitemwa, atemwisya impiya, yalaitumika, a cilumba, akanyati, yatalayela akwasi yao, yatalataizya, nupya yatalalonda vyauleza.

Tito 1:11

Cili icalondekwa kulesya mvwango yao, pano yene yakuvulunganya amu ng'anda zyonsi apa kusambilizya vintu vino yatalinzile kusambilizya. Yene yakucita vya nsonyi pamulandu wa kulonda impiya.

Tito 1:7

Wikolo wino akatungulula iuvi wene akaangalila mulimo wakwe Leza. Caleka wene atalinzile kuya uwa mpwelo mbi. Wene atalinzile kuya akaitumika nanti musepukilwe, nanti mukolesi nanti uwalwete nanti uwalwiswa lwa mpiya.

Tito 2:3

Mu musango uli onga kwene wakonkomezya anaci aikolo kuti mwata wao waya ndi vino anaci amuzilo yalinzile kuya. Yene yatalinzile kuya nu ukwakwa nanti kutekwa uzya nu ukolesi. Yene yalinzile kusambilizya visuma,

Ayebulai 12:16

Mutaleka umuntu umwi aye cizelele nanti kusula vya mupasi ndi vino Esau wacisile, wino uwakazizye uyeli wakwe ni cakulya conga sile.

Yoswa 7:21

Pali vino twasamfile naweni ikoti ilisuma sana ilyaku Babiloni, na siluva angalingana impiya zya masyekele amakilogalamu yaili, ni ciulungwa cakwe zaabu icinyome ukucizya pali citika wakwe kilogalamu. Nakumvilwe ivintu vii nu kuvitola. Vyonsi vii mumavizana umwi taalu lyane amuno navifisa, kumwi na siluva umwisika lyaviko.”

1 Petulo 5:2

kuti musunge ningo mauvi yakwe Leza. Citini cii mu musango uli onga na uno yakacema yakasungilamo mfwele. Mwacita cii ndi vino Leza akalonda kuti mucite, kwaula kupatikiziwa. Ombini mulimo winu asi pamulandu sile wa kulipilwa, lelo pamulandu wa kulondesya kutumikila.

2 Petulo 2:10

Mwene alacita cii maka maka kuli yao akalondela imbunu zyao izya winyi, yao akasula maka yakwe. Yakasambilizya yaa aufi, apame nupya acilumba. Yene yasyacindika yao alulumbi mwiyulu. Lelo yakayatuka.

2 Petulo 2:14

Yene yakaelenganya sile kulongozya. Imbunu yao yakwifya itakwata impela. Yene yakasomba antu mu citeyo cao. Myenzo yao yasambilila kuya nu lwiswa nupya yali ni citipu cakwe Leza.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

Umbwilo 2:14

Lelo nkuilizyanya pa vintu vimwi vinono. Munomuli mwaya yamwi akayela usambilizyo wakwe Balamu, wino uwasambilizye Balaki ivya kutungulula aina Izlaeli mu kwifya apa kuyaongola kuti yalya ivyakulya ivyapeelwanga ku tuluwi, nga na kuti yalongozya.

Umbwilo 2:21

Namupeela kasita kuti azenzuke, lelo wene asyalonda kufuma ku ulongozyo wakwe.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.

Umbwilo 9:21

Nupya yene yatazenzwike ku utazi wa katwe, ku ulozi wao, ku ulenzyo nga nu ku wivi.

1 Samueli 8:3

Lelo yene yatatozile imiyele yakwe isi. Yene yalondelile sile ukupanga ulupiya. Avili vino yapokelelanga amafukakanwa nu kuipingula ukwaula ukulondela icisinka.