Efeso 5:25 - Amazwi Yakwe Leza 2013

²⁵ Namwe mwe onsi mutemwe aci inu wakwe vino Klistu watemilwe iuvi nga nu kupeela umi wakwe pamulandu wakwelyo.

Efeso 5:25 ပူးပေါင်းရင်းမြစ်များ

Utandiko 2:24

Pamulandu ukwene umonsi akasya isi na nyina nu kuilundanya ku muci wakwe, nga iyaya umwili onga.

Utandiko 24:67

Lyene Isaki asenda Labeka ukwi taalu ilyali ilyakwe nyina Sala, nga amutwala aya umuci wakwe. Isaki atemwa Labeka cuze cakuti atekeziwa na pa ulanda wa kufwilwa nyina.

2 Samueli 12:3

Lelo umupina wene atakweti cimwi suka sile akana ka mfwele akamusesi konga kano wakazile. Wakasunganga ningo cakuti kakulilanga umu ng'anda umwakwe pamwi na ana yakwe. Kene kalyangako ivyakulya vyakwe, nu kumwela amanzi ku lwako lwakwe, nga nupya wakalelanga mu makasa yakwe. Kunoli, kene kali sile wa mwana wakwe umwanaci.

Lwimbo lwakwe Solomoni 1:11

Lelo ndakupangila umunyololo wakwe zaabu ivikweti ni viyembelo vyakwe siluva.

Mateo 20:28

wakwe vino Mwana wa Muntu atizile kuti atumikilwe, lelo kuti atumikile yauze nu kupeela umi wakwe kuti akulule antu aingi.”

Yoane 6:51

Nene kwene indi cakulya icikapela umi cino ciiza pano pansi kufuma kwiyulu. Muntu ndi walya cakulya cii, wene alaya nu umi wape. Umwili wane uli cakulya ca umi uno nkapela ku antu yonsi amu nsi kuti yaye nu umi.”

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Galatiya 1:4

Klistu waipile mwisikulu wa mpolelwa umulandu wa maifyo itu, pakuti tungakululwa ku mukulo uu, uwipe. Wene wacisile cii, mu kuyela Leza witu ali Tata.

Galatiya 2:20

Nemo nafwa, lelo Klistu akaikala munondi. Umi uno ndakai ndi nao, nkaikala pakutaila mu Mwana wakwe Leza, wino uwantemilwe nga nu kupeela umi wakwe pamulandu wane

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

Efeso 5:24

Caleka anaci yalinzile kutontela yaiya yao mu ufumaluke wakwe vino iuvi likatontela Klistu.

Efeso 5:28

Mu musango uli onga kwene, yaiya yalinzile yatemwa aci yao wakwe vino yatemwa mili yao. Monsi wino watemwa muci wakwe ala waitemwa umwisikulu.

Efeso 5:33

Caleka cila monsi alinzile kutemwa muci wakwe, ndi vino wene waitemwa umwisikulu. Cila mwanaci alinzile kucindika iya wakwe.

Kolose 3:19

Mwe yaiya, namwe temwini aci inu nupya mutayaanola.

1 Timoti 2:6

Wene waipile kuti akulule antu onsi. Cii cali icisininkizyo pa nsita ilingane ukuti Leza akalonda umuntu wensi atuulwe.

1 Petulo 3:7

Mu musango uli onga kwene mwe onsi namwe mulinzile kwikala na aci inu nu kumanya ukuti yene antu atonte kuluta mwemwe. Mwayacindika, pano yene pali pamwi namwe mulapelwa umi wape. Uu, uli wila kufuma kuli Leza. Citini cii pakuti kutaya cintu cimwi cakumuvulunganya mu mapepo inu.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.