Efeso 5:21 - Amazwi Yakwe Leza 2013

²¹ Mwatontelana pamulandu wa kucindika Klistu.

Efeso 5:21 ပူးပေါင်းရင်းမြစ်များ

Utandiko 16:9

Mungeli wakwe Yawe ati, “Swilila kuli Salai nu kuya ikala mwi sunde lyakwe wa muzya.”

1 Milandu 29:24

Intunguluzi zyonsi, ni vita nga na ana aonsi yonsi a mwene Davidi, iyalaya ukuti yamayelanga umwene Solomoni.

2 Milandu 19:7

Acino muye antu ya coopo kuli Yawe. Mwasakamala imilimo inu pasi pano Yawe Leza witu asizumilizya ulufyengo nanti akasoozi nanti amafukakanwa.”

Neemiya 5:15

Lelo alasi ankolelile yacuzyanga antu. Yapokololanga antu ivyakulya na waini ukwika penepo ni mpiya zyakwe siluva, anganyoma ukulingana na citika wakwe kilogalamu. Alino na aomvi yao kwene yatesile antu ukukalili. Nemo palwane intatazile incite icamusango ndi uo, apamulandu nu koopa Leza wane.

Neemiya 5:9

Ali cino nani nkumunena inti, “Cino mukucita citazifile foo. Uzye musikulonda mwapita na antu akwatila Mwene Leza witu coopo apakuti mutaleka intusi zyafuma pakasi ka anisi itu atupata?

Mapinda 24:21

Mwanane, ala mwine uwakwatila Umwene Leza icoopo, uwakwatila na yamwene ya pano nsi umucinzi. Pali yoili kwene, utatalamila nanti wenga, nupya utalemana na yayo akatalamila yamwene yonsi yoili.

1 Kolinto 16:16

londelini utunguluzi uwa antu ali ndi yaa, nga nayauze yano akaomba nu kutumikila pamwi nao.

2 Kolinto 5:11

Twamanya vino cikasenula koopa Mwene, caleka tukaezya kukonkomezya yauze kucita cii. Leza watumanya mu ufumaluke, nupya nkupaalila vino mu myenzo inu naswe kwene mwatumanya.

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

Galatiya 5:13

Lelo mwemo inane, Leza wamwama kuti muye antungwa. Lelo mutaleka untungwa uu, uye ni nsambu yakuleka kuti mutekwe uzya ni vilondwa vinu vya mwili. Mu cifulo cakwe cico lekini kutemwa kumutungulule mu kutumikilana.

Efeso 5:22

Anaci yatontela yaiya yao, wakwe vino yakatontela Mwene.

Efeso 5:24

Caleka anaci yalinzile kutontela yaiya yao mu ufumaluke wakwe vino iuvi likatontela Klistu.

Filipi 2:3

Mutacita cimwi mukuitemwa nanti mu cilumba, lelo muicefye nu kulola auzo ukuya acindame kuluta mwemwe.

1 Timoti 2:11

Anaci lino yakusambilila yalinzile kwikala cele nu kutezya mu ufuke.

1 Timoti 3:4

Wene alinzile kusunga amu ng'anda yakwe ningo nga nu kulolekesya ukuti ana yakwe yaye akuyela nupya amucinzi.

Ayebulai 13:17

Mwayela intunguluzi zinu nu kulondela malamulo yao. Yene yakasopa umi winu kwaula kupuza, pasi pano yalalondolola kuli Leza pa kutumikila kwao. Ndi mukuyayela lyene yamaombanga milimo yao ni nsansa. Lelo ndi musyakuyayela, yamaombanga milimo yao nu ulanda nga namwe citangaya cakumwazwa.

1 Petulo 2:13

Pamulandu wa Mwene mulinzile kuyela antu yonsi yano ali pa utunguluzi, maka maka Kateeka mukalamba.

1 Petulo 2:17

Mwacindika antu onsi. Temwini aina Klistu ataila wakwe mwemwe. Oopini Leza nu kucindika Kateeka mukalamba.

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”