Efeso 5:18 - Amazwi Yakwe Leza 2013

¹⁸ Mutakoleka waini pano wene angamonona. Lelo muzuziwemo na Mupasi Wamuzilo.

Efeso 5:18 ပူးပေါင်းရင်းမြစ်များ

Utandiko 9:21

Walanga wamwa waini akoleka, azula, alala tupu mwi Taalu lyakwe.

Masamu 69:12

Lyene iyikalila nu kunjambilapo, apa mpongolo zya musumba. Na akolesi iyanjimba nu mu nyimbo.

Mapinda 20:1

Waini akatumfya, nu wengwa ulume ukaleta ulwete. Na wiyo wensi akavilondelela, iciwelewele.

Lwimbo lwakwe Solomoni 1:4

Nsenda sile, tuye tuutuke, tupitisye! We mwene wane njingizya mu muputule wako, uleke swensi tuzange nu kusansamukila munuli. Twawanzya ulukundo lwako luno lwaluta waini. Acino anaci yonsi yakutemelwa.

Lwimbo lwakwe Solomoni 7:9

Imivwangile yako yazipa wakwe waini musuma cuze. Lyene nani nkamwesye umukundwe wane waini, uleke akonkolokele pa mulomo wakwe nu mu mino yakwe.

Ezaya 25:6

Apa mwamba uu uwa Zioni ali pano Yawe Wamaka yonsi alimula antu amitundu yonsi pyu iya pano nsi. Palaya ukuilyokezya ivyakulya visuma na waini umusuma wakwe cimwi, inyama isuma na waini wampomvu wakwe cimwi.

Ezaya 5:22

Kalanda kuno muli mwemuno mukailola ukuti mwemwe yapezyepezye uku kukoleka uwengwa! Mwe muno mukaelenganya ukuti amwemwe mwaposya nanti munguminkanya ivyakumwamwamwa, asi cimwi!

Ezaya 55:1

Mwensi mwemuno mukacula ku lusala izini ku manzi! Nanti mutakweti impiya izini sile. Izini mukale cakulya kwaula impiya, mulye. Mukale ni cakumwa ni ziya ukwaula kulipila.

Aina Levi 10:9

“Wewe pamwi na ana yako aonsi mutalinzile kwingila mwi Taalu lya Ukongano pacisila ca kumwa waini nanti cimwi cikakola. Ndi mulacita cii, mulafwa. Isunde lii, lili nu kusungwa na amu mupanda wako onsi.

Mateo 23:25

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mwemo mukafula ingako ni mbale kunzi, lelo mukasi zizilemo vintu vino mwapoka mu ukakasi nu kuitemwa.

Mateo 24:49

lyene atandika kuuma aomvi yauze, aalya nu kumwa pamwi na akolesi,

Luka 1:15

pano alaya mukulu pa manso ya Mwene. Wene atalamwa waini nanti cikakola lelo alaya na maka ya Mupasi Wamuzilo kufuma lino atali avyalwe.

Luka 11:13

Mwe yaipe mwamanya kupeela vintu visuma ku yana yinu. Uzye So uwa mwiyulu atalalusya kupeela Mupasi Wamuzilo kuli yao akamulenga?”

Luka 12:45

Lelo muomvi wiyo ndi alelenganya mu mwenzo wakwe ati, ‘Mwene wane walengela kwiza,’ lyene atandika kuuma aomvi yauze aonsi na anaci, aalya nu kumwa nu kukoleka,

Luka 21:34

“Cenjelini pakuti imyenzo inu italaukilwa mu kupunuka, mu ukolesi na masakamiko amu umi uu, pano limwi uwanda uwa ungamupumikizya wa citeyo.

Yoane 2:10

nga amunena ati, “Antu yonsi yakatandika kuleta waini musuma, nga pacisila lino antu yamwa cuze, yayaletela waini wino asi musuma. Lelo wemo watusunga waini musuma cuze kufika na ndakai!”

Milimo 11:24

Banaba wali umuntu musuma, uwazuziwe na Mupasi Wamuzilo, nga nu utailo. Antu aingi yataile mu Mwene.

Loma 13:13

Caleka twapita ningo ndi vino antu yakacita musanya. Tutaya mu nsaka zya kuwowota nanti kuya akolesi, nanti kucita vya winyi, nanti ukakasi, nanti lwete, nanti uzuwa.

1 Kolinto 11:21

Pano lino mukulya, cila muntu akatandika kulya vyakulya vyakwe umwine, yauze iikala ni nzala nga na yamwi nao ala yakukoleka.

1 Kolinto 5:11

Nkusenula ukuti mutalinzile kuya mu utandano nu muntu akaitaka vino wene umwina winu, lino wene akacita ulenzyo, nanti uwa lwiswa, nanti akapepa tuluwi, nanti uwa ntumpu, nanti umukolesi, nanti umwivi. Mutaikala pansi nu kulya pamwi nu muntu wa musango uu.

1 Kolinto 6:10

nanti akaiya, nanti a lwiswa, nanti akolesi, nanti akatumpwila auze, nanti aivi, pali yaa yonsi kusi alakumako ku Wene wakwe Leza.

Malango 21:20

Akwasi yalinzile ukunena intunguluzi zizyo yati, ‘Mwana witu wakoma umwenzo nupya acisanguka nga akakana kutuyela. Wene akaonona impiya mu ukolesi.’

1 Tesalonika 5:7

Antu yakakasula usiku, nupya akolesi yakakoleka usiku.

Tito 1:6

uwikolo wino akatungulula iuvi atalinzile kuya uwa mpwelo mbi. Wene alinzile kukwata muci wenga, nupya ana yakwe yalinzile kuya ataila. Yene yatalinzile kuya ni mpwelo ya ononyi nanti kuya autizi.