Efeso 4:6 - Amazwi Yakwe Leza 2013

⁶ Kwaya Leza wenga Isi wa antu onsi. Wene waluta onsi, nupya akaomba kupitila munotuli swensi. Wene akaikala munotuli swensi.

Efeso 4:6 ပူးပေါင်းရင်းမြစ်များ

Utandiko 14:19

Alino apolelela Abulamu, avwanga ati, “Leza wapapelapela uwaumvile insi ni yulu, apolelele Abulamu!

Masamu 95:3

Pano Yawe ali Leza Mukulu, ali Mwene mukulu pali tuleza tonsi.

Ezaya 63:16

Pano wewe kwene wewe uli Tata. Abulaamu atatumanya, Yakobo atatumanya. Lelo wemo we Yawe, wewe uli Tata, wewe uli Katuula witu pee. Ilili zina lyako ilyampiti na mpiti.

Malaki 2:10

Uzye swensi kwene tata asi ali wenga kwene? Uzye asi a Leza ali umwi kwene uwatuumvile? Uzye lyene apacani cino tusifikilizya upangano wakwe Yawe ni vikolwe vitu apa kuntaya acumi, cila muntu ku muze?

Mpendwa 16:22

Lelo Mose na Aaloni yafukama pansi yafupime nga yapunda yati, “Iye we Leza, wewe uli ntendekelo ya umi. Uzye ungasokela iuvi lyonsi lino umuntu wenga umwi uvi wifya?”

Mateo 6:13

Utaleka tuponele mukweziwa kukome lelo ututuule ku Mwipe wilya.’

Mateo 6:9

Acino mwemo mwapepa mukuti, ‘Tata witu uwa mwiyulu, Izina lyako licindikwe,

Yoane 14:23

Yesu amwaasuka ati, “Wino wensi uwantemwa, wene akayela mazwi yane. Wene alatemwikwa na Tata, nga Tata nani tuliza kunoli nu kwikala nawe.”

Yoane 17:26

Nene nalenzile kuti yakumanye, nupya namatwalilila kucita vikwene, kuti kutemwa kuno wakwata panondi kuye panoyali. Na kuti nani ningaya wenga nao.”

Yoane 20:17

Yesu amunena ati, “Utandemamo pano ntali nkwele inje kuli Tata. Lelo yanga ku inane ukayanene vino nkukwela inje kuli Tata, ali So, Leza wane nupya Leza winu.”

Loma 11:36

Pano vintu vyonsi vyaumvilwe na aliwe, nupya vintu vyonsi vyacisilwe pamulandu na aliwe, lulumbi luye kunoli manda pe. Ameni.

1 Kolinto 12:6

Kwaya maka apusane akutumikilamo, lelo Leza ali umwi akapeela maka kuli yonsi akatumikila.

1 Kolinto 8:6

lelo swemo twakwata Leza wenga sile. Wene ali Tata nga aliwe kwene ali kaumba wa vintu vyonsi, nupya swemo tukamutumikila. Yesu Klistu sile ali Mwene witu. Vintu vyonsi vyaumvilwe na aliwe, nga munoli swemo twapelwa umi.

2 Kolinto 6:16

Uzye ng'anda yakwe Leza vingalemana uli nu tuluwi? Sweswe ng'anda ikulu yakwe Leza wa umi, ndi vino Leza umwisikulu walanda wati, “Ndikala pamwi na antu yaa nga nu kupita pakasi kao. Ndaya Leza wao, nao yalaya antu yane.”

Efeso 1:21

Kuku akuno Klistu waya a kateeka papela yakwe yakateeka onsi, intunguluzi zyonsi, maka nga na pa mazina yauze yonsi a utesi wa mukulo uu nu mu mukulo uuliza.

Efeso 2:22

Munoli namwe kwene mukukulwa nu kulundinkanyiwa kuti muye wikalo wakwe Leza mukuomba kwakwe Mupasi Wamuzilo.

Efeso 3:17

Nupya nkupepa kuti Klistu aikala mu myenzo inu pa kutaila kwinu kuti muzyansye nu kwika misisi mu kutemwa kwakwe.

Efeso 6:23

Mutende nu kutemwa nga nu utailo vipelwe ku ina Klistu kufuma kuli Leza Tata nu Mwene Yesu Klistu.

Malango 6:4

“Uvwini, mwe ina Izlaeli! Yawe Leza witu, Yawe wenga sile, ali Leza witu.

1 Yoane 3:24

Wino wensi akayela malamulo yakwe Leza wene wikala munoli, na Leza nawe wikala muli aliwe. Nupya twamanya ukuti Mupasi Wamuzilo wino watupeela wene ali cisininkizyo cakuti Leza wikala munotuli.