Efeso 4:31 - Amazwi Yakwe Leza 2013

³¹ Acino tiini kupatana, kuya ni cipyu, nanti kusoka. Tiini kulemanila nanti kutukanana, nanti kwikilana kai mu musango uli onsi.

Efeso 4:31 ပူးပေါင်းရင်းမြစ်များ

Utandiko 27:41

Esau apata Yakobo pamulandu wakuti isi wamupolelile, nga aelenganya ati, “Insita yakulosya tata yatipalama pipi. Lino insita ya kulosya ilasila, ndakoma Yakobo.”

Utandiko 37:21

Lelo Lubeni auvwa mapange yao, nga aezya ukutuula Yosefu, avwanga ati, “Lekini tutamukoma.”

Utandiko 37:4

Lino aina yalola ukuti isi watemwa Yosefu ukuyaluta, yene pasipakumupata, iyata nu kuvwanga ningo nawe.

Utandiko 4:8

Lyene uwanda umwi Kaini anena muto wakwe ati, “Tuye tulyatoke ku vyalo.” Nga lino yali ku vyalo Kaini akatukila Abeli muto wakwe, amukoma.

2 Samueli 13:22

Abusalomu apata Amunoni sana pa kwifya kuno wene wifizye kuli Tamala kaci wakwe, cakuti atalondanga nu kuvwanga na Amunoni

2 Samueli 19:27

Wene wantumpwilile kunuli, we mwene wakwisaci, lelo wemo ukoline nu mungeli wakwe Leza. Acino cita consi icingakuzipila.

2 Samueli 19:43

Aina Izlaeli nayo yaasuka yati, “Swemo tukweti insambu amaila ikumi izyakwelenganya pa mwene ukuluta zino mukweti. Ukulunda pali cico swemo tulusile mwemwe. Uzye lyene pacani cino mwatusuula? Mutilila ukuti sweswe twali ankolelo ukwelenganya ivyakuwezya umwene!” Lelo aina Yuda yalandikisye icikalale ukuluta aina Izlaeli.

Masamu 101:5

Umuntu akaamba umuze umu umfisolo nemo ndamuvunuka. Wemo ukalolekesya ni misuuli umuntu uwavilumba, nemo nsilonda ukwikala pamwi na aliwe nanti panono.

Masamu 140:11

Leka ukuti kavwanga wa viipe atakafikilizye amapange yakwe, leka ukuti amulomo yatakalengele muno nsi.

Masamu 15:3

Awiyo wino ululimi lwakwe lusitumpoka, wiyo asicita iviipe uku muze nanti ukuletela umuze umuzewanya.

Masamu 37:8

Utacita cipyu utaleka cikupenye! Utasakamikwa! Ala citange cikwavwe nanti cimwi.

Masamu 50:20

Mwikalila sile ukusombezya anyonko nu kulondelezya utumilandu utwakuyazewanya.

Masamu 64:3

Indimi zyao zyala zyononeka, zyanyolwa wa vipanga. Na mazwi yao aipe yakapontomoka nu kuyavwinta wa nceto.

Mapinda 10:12

Ulupato lukakatusya ivikanza, lelo ulukundo lukaleta ukwelelwa kwa maifyo yonsi.

Mapinda 10:18

Umuntu akafisa ulupato lwakwe uwantumpu, lelo uwa lwambo wene iciwelewele.

Mapinda 14:17

Umuntu wa cipyu akacita ivya uwelewele, lelo wino akatala aelenganya akateeka umwenzo.

Mapinda 18:8

Amazwi ya ukwakwa yanunkila wakwe cimwi, yakamilika lwakasi, umunda ya muntu.

Mapinda 19:12

Icipyu ca mwene cakolana ni cilulumo cakwe cisama. Lelo uluse lwakwe lukoline nu lumi ukwi sote.

Mapinda 25:23

Ulwambo lwene lukalenga icipyu, icili conga kwene ndi vino umuza waku katutu ukaleta imvula.

Mapinda 26:20

Ukwaula inkwi, umoto ukazima. Apasi ukwakwa nu lwete kwene lusiyapo.

Mapinda 29:22

Umuntu ndi wasoka, akakatusya ulwete, nu wa cipyu nawe akavuzya amaifyo.

Mapinda 29:9

Umuntu wamano ndi watwala iciwelewele uku cilye, cene cikasekaseka sile nu kuponta. Nga patangaya umutende.

Mapinda 6:19

kambone waufi akalanda ivya ntumpu, nga nu muntu wino akasongelekanya akundwe.

Kasambilizya 7:9

Mutasoka zuwa, pano ukukwata kaikila uwelewele.

Yelemiya 6:28

Yonsi pyu acisanguka atalame wakwe cimwi, nupya yakapitana sile nu kukwakwanya. Yakoma imyenzo wa mukuwa ni cela. Yonsi pyu yakacita iviipe.

Yelemiya 9:4

“Umuntu wensi alinzile wasopa cuza wakwe, nga kusi nu wakutaila umwina. Pano cila mwina umucenjezi ku muze ndi vino Yakobo wali. Nga cila wenga akaamba umuze.

Milimo 21:30

Icimvulunganya cisalangana monsi mu musumba nga na antu yonsi yasimwilila pamwi, yalema Paulo, yamufumya mu Ng'anda ikulu yakwe Leza. Lilyo kwene milyango ya Ng'anda ikulu yakwe Leza iyalwa.

Loma 3:14

Mu milomo yao mwazula intipu zipisye.

1 Kolinto 14:20

Mwe inane, mute kwelenganya wa ance. Mu viipe muye akaele wa tunya. Lelo mukwelenganya muye wa antu aikolo.

1 Kolinto 5:8

Caleka mutazevya Cimulo cii lino mukucita viipe nu ukakasi. Cii cikoline wa kupelwa kwa mukate usi ni citutumusi, uno ukaswefya mwenzo nupya uwa cumi.

2 Kolinto 12:20

Nkoopa kuti lino ndiza limwi ndazana kuti miyele inu ipusane na vino ningatemwa kuti iye, nupya nkoopa kuti limwi namwe kwene mulazana kuti miyele yane ipusane na vino mungatemwa kuti iye. Nkoopa kuti limwi ndazana kulemanila, uzuwa, cipyu, kuitemwa, musaalula, lwambo, cilumba, cimvulunganya muno muli.

Galatiya 5:20

mu kupepa tuluwi nu mu ulozi. Antu yakaya anisi nga nu kulwa. Yene yakazuwilana nu kusokana, nu kupaatukana.

Efeso 4:22

Caleka tiini kucita micitile iipe iyampiti, ni miyele yakweyo yonsi ino ingamulovya.

Efeso 4:25

Caleka mutatwalilila kutumpoka nupya! Cila muntu alinzile alanda cumi ku muze wino uwataila, pano swensi sweswe vilundwa vya mwili wakwe Klistu.

Efeso 4:26

Ndi mwasoka mutaleka kusoka kwinu kumutungulule ku kwifya. Nupya mutikala asoke kufika nu kukuwa kwi lanzi.

Kolose 3:19

Mwe yaiya, namwe temwini aci inu nupya mutayaanola.

Kolose 3:8

Lelo ndakai mulinzile kufumako ku vintu vii. Mulinzile kutaluka ku kusoka, cipyu, nga nu lupato. Mutatukana nanti kulanda vya winyi.

1 Timoti 3:11

Aci yao nao kwene yalinzile kukwata mwata usuma nupya yatalinzile kuya akwakwa. Yene yatalinzile kukuma ku ukolesi nupya yalinzile kuya acumi muli vyonsi vino yakucita.

1 Timoti 3:3

Wene atalinzile kuya mukolesi nanti walwete. Lelo alinzile kuya mufuke nupya asilemanizya antu. Wene atalinzile kutemwa impiya.

1 Timoti 5:13

Nupya yakasumba insita zyao mu kuzeya ku ng'anda ni ng'anda. Lelo icaipisya kuluta cakuti yene yakucita ukwakwa ni cinduvyanya, yala yakulanda vintu vitalinzile kulandwa.

2 Timoti 2:23

Lelo wemo fumako ku vikanza vyauwelewele nupya vyaututu. Wamanya ukuti vikanza kwene vii vikaleta kulemanila.

2 Timoti 3:3

Yene yatalaya nu luse na mizu, yene yalaya akwakwa, alwete nupya akakate. Yalapata visuma.

Tito 1:7

Wikolo wino akatungulula iuvi wene akaangalila mulimo wakwe Leza. Caleka wene atalinzile kuya uwa mpwelo mbi. Wene atalinzile kuya akaitumika nanti musepukilwe, nanti mukolesi nanti uwalwete nanti uwalwiswa lwa mpiya.

Tito 2:3

Mu musango uli onga kwene wakonkomezya anaci aikolo kuti mwata wao waya ndi vino anaci amuzilo yalinzile kuya. Yene yatalinzile kuya nu ukwakwa nanti kutekwa uzya nu ukolesi. Yene yalinzile kusambilizya visuma,

Yakobo 1:19

Mwe inane yakundwe, iusyini cii! Muntu wensi alinzile kuuvwa zuwa, lelo atekele kulanda nu kusoka.

Yakobo 3:14

Lelo ndi cakuti mu mwenzo muli uzuwa, muvimbila, kuitemwa, lyene mutaitumika pa mano inu nanti kufisa cumi mu kutumpoka kwinu.

Yakobo 4:11

Mutapelana milandu, inane. Wino wensi akapeela mwina Klistu muze mulandu nanti kumupingula, ala wene akusula masunde nu kwezya kuyapingula.

1 Petulo 2:1

Lyene fumini viipe vyonsi munomuli. Mutatumpoka, mutacita usomvi, kuya nu uzuwa, nanti kutukana.

1 Yoane 3:12

Tutalinzile kukolana na Kaini. Wene wali kumbali ya Mui, nupya wakomile Abeli mwina wakwe. Uzye pacani cino Kaini wamukomile? Apamulandu wakuti milimo yakwe Kaini yali iipe. Lelo milimo ya mwina wakwe yali iisuma.

1 Yoane 3:15

Wino wensi uwapata umwina wakwe wene inkomi. Mwamanya ukuti inkomi yene itakwata umi wape mu mwenzo wakweyo.

Umbwilo 12:10

Nupya nuvwa izwi likulu mwiyulu likuti, “Ndakai Leza watatutuula! Leza watalanga maka yakwe nu wene wakwe! Ndakai Katuula wino wasolola watalanga maka yakwe! Pano wiyo akapeela aina itu milandu wene wasumbwa pano nsi, wino musanya nu usiku akayapeela milandu nkolelo yakwe Leza witu.