Efeso 4:26 - Amazwi Yakwe Leza 2013

²⁶ Ndi mwasoka mutaleka kusoka kwinu kumutungulule ku kwifya. Nupya mutikala asoke kufika nu kukuwa kwi lanzi.

Efeso 4:26 ပူးပေါင်းရင်းမြစ်များ

Masamu 37:8

Utacita cipyu utaleka cikupenye! Utasakamikwa! Ala citange cikwavwe nanti cimwi.

Masamu 4:4

Oopini Leza nga mute ukwifya. Mwaelenganya wakwe cimwi pali cii, lino muizi cele pa misanzi inu.

Kufuma 11:8

Pakusyalikizya Mose avwanga ati, “Yacilolo yako yonsi yaliza kunondi nu kumfukamila. Nga yalampapatila kuti nsende antu yane twapita. Alino pacisila cakwe cico ndapita.” Lyene Mose afuma kuli Falao ala umusoke cuze.

Mapinda 14:29

Wiyo akateeka umwenzo wakwata amano aingi. Lelo akapamviwa, wene iciwelewele wakwe cimwi.

Mapinda 19:11

Amano ya muntu, ali yano yakamuteeka umwenzo, ukucindama kwakwe kwayelako umu kusuula imilandu.

Mapinda 25:23

Ulwambo lwene lukalenga icipyu, icili conga kwene ndi vino umuza waku katutu ukaleta imvula.

Kasambilizya 7:9

Mutasoka zuwa, pano ukukwata kaikila uwelewele.

Mpendwa 20:24

“Aloni atakutala aingile mu mpanga ino nalavile ukupeela aina Izlaeli. Wene amafwa, pamulandu wakuti mweili kwene mwakanyile ukuyela ilamulo lyane pa kupelwa amanzi ku Meliba.

Mateo 5:22

Lelo nemo namunena nati wino wensi amasokela mwina wakwe alinzile atwalwe ku cilye. Na wino wensi amanena mwina wakwe ati, ‘Watumpa!’ Wene alinzile atwalwe kwi Tengo. Na wino wensi amavwanga ati, ‘Ciwelewele we,’ alaya mu uzanzo wakuya mu moto uwamu Gehena.

Mako 10:14

Lino Yesu wacuvwa, akalipa, anena alondezi yakwe ati, “Lekini ana anono iize kunondi, mutayalesya, pano Uwene wakwe Leza uwakwe yao ali ndi yaa.

Mako 3:5

Yesu acelecensya pano yali nu ukali, lelo wakweti ulanda pa kuluvyanya kwao panoyali akome myenzo. Alino anena umuntu ati, “Ololola cizanza cako.” Nawe aololola, nga ciya icipuma nupya.

Malango 24:15

Cila wanda lino ilanzi litali liwe ulinzile kumulipa, pamulandu wakuti wene umupina nupya akupaalila kulipilwa. Pano limwi angailizyanya kuli Yawe nga nawe ungapelwa umulandu wa kwifya.

Yakobo 1:19

Mwe inane yakundwe, iusyini cii! Muntu wensi alinzile kuuvwa zuwa, lelo atekele kulanda nu kusoka.

Yakobo 1:20

Pano kusoka kwa muntu kusyafikilizya kulonda kwakwe Leza.

1 Samueli 20:34

Yonatani pali pakukatuka pa cakulya ala umusoke wakwe cimwi. Pa wanda ulya wakwe ciili uwa mwezi uwalenga iili Yonatani atalile nanti acimwi, pamulandu wakuti wali nu ulanda cuze pa cintu icansonyi cino isi wacisile kuli Davidi.