Efeso 4:25 - Amazwi Yakwe Leza 2013

²⁵ Caleka mutatwalilila kutumpoka nupya! Cila muntu alinzile alanda cumi ku muze wino uwataila, pano swensi sweswe vilundwa vya mwili wakwe Klistu.

Efeso 4:25 ပူးပေါင်းရင်းမြစ်များ

1 Yamwene 13:18

Alino kasema wilya umukote amunena ati, “Nani kwene nene kasema wakwe Yawe. Nga api lamulo lyakwe Yawe umungeli waliwanena wati, ‘Uwele nawe nanti iila lyonga ukwako, kuti akalye cakulya nu kumwa amanzi.’ ” Lelo kasema wilya umukote ala akutumpoka sile.

Masamu 119:29

Umfuntusye ku nzila zya ntumpu, lelo uku usuma wako unsambilizye amasunde yako.

Masamu 15:2

Awiyo akapita uwakaele, wiyo akacita ni vilungamane, wiyo akavwanga ivyacumi vyamu mwenzo wakwe.

Masamu 52:3

Wemo watemwa iviipe ukuluta ivisuma, watemwa intumpu ukuluta kulanda icumi.

Kufuma 23:7

Uleuke mu vya ntumpu. Utakoma umuntu wakaele akacita vyawololoke, pano nemo ntalapanya mukakasi.

Mapinda 12:17

Kavwanga wa cumi ali kambone wa cisinka, lelo imboni yaufi ikatumpoka sile.

Mapinda 12:19

Amazwi ya cumi yakaikalilila umuyayaya, lelo ivyantumpu vyene visilengela.

Mapinda 12:22

Antu antumpu yakasosya Yawe, lelo amutaila yene yakamuzanzya.

Mapinda 21:6

Ivyuma vyakulonkela mu ucenjezi vyene visilengela ukulowa. Nupya vikatala visya umuntu ku pipi ni mfwa.

Mapinda 24:28

Utaya nu umboni wakusinila umuzo ndi cakuti utasininkizye umulandu, nupya utezya wavwanga ivintu ivya kumufyengelekezya umulandu.

Mapinda 6:17

Amanso ya cilumba, ululimi lwaufi, iminwe ikazwisya uwazi wakaele,

Mapinda 8:7

Akanwa kane kakulaizya ivyacumi, pano napata ukulanda ivyantumpu.

Ezaya 63:8

Nawe Yawe ali pakuvwanga ati, “Cumi cumi yaa ali antu yakwe nene, ali ana yane yano yatalatala yansangukile foo.” Fwandi ali cino nawe wayapususya kweneko,

Ezaya 9:15

Aikolo na yasimucindikwa ali mitwe. Yakasema akasambilizya ivya ntumpu ali misinda!

Oseya 4:2

Muli sile ukutipwila, ukutumpoka, utazi wa katwe, ukwiya nu kulongozya. Antu yakulunduluka ukwifya, nupya yakalukukomana.

Aina Levi 19:11

“Mutaiya nanti kusomba nanti kutumpoka.

Zakaliya 8:16

Vino mwemo mungacita sile aivi, mwalanzyanya ivyacumi. Mu matengo ya milandu mwaputula imilandu nu ulungami apakuleta ulongo.

Zakaliya 8:19

“Kuizilizya ukulya kuno mwemo mukacita mu mwezi wakwe cini, wakwe cisano, wakwe cinimbali nga nu walenga ikumi, kulaya amanda makulu akuzevya mwenemo nu kuzanga ku antu amu Yuda. Fwandi mwemo mwatemwa sile ivyacumi nu kwikala umutende.”

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Loma 12:5

Mu musango uli onga kwene avino naswe twaya mwili onga muli Klistu, nupya swensi twailundanya kuli cila wenga ndi vino mwili onga waya ni vilundwa vipusanepusane.

1 Kolinto 10:17

Pa kukumako ku kwankana umukate uli onga kwene, swensi tukaya mwili onga, nanti angala tuvuzile.

2 Kolinto 7:14

Namunenyile vino nkailumba pali vino mwaya, nga namwe mutandenga kuya uwa nsonyi. Ndi vino lyonsi tukulanda cumi kuno muli, avino cili pali vino nanenyile Tito ivya pali mwemwe.

Efeso 4:15

Kulanda cumi lyonsi kungalenga ukutemwa, kutemwa kulinzile kwatwazwa kukula mu misango yonsi nu kulolana na Klistu, wino ali umutwe

Efeso 4:22

Caleka tiini kucita micitile iipe iyampiti, ni miyele yakweyo yonsi ino ingamulovya.

Efeso 4:31

Acino tiini kupatana, kuya ni cipyu, nanti kusoka. Tiini kulemanila nanti kutukanana, nanti kwikilana kai mu musango uli onsi.

Efeso 5:30

Pano sweswe vilundwa vya mwili wakwe.

Kolose 3:8

Lelo ndakai mulinzile kufumako ku vintu vii. Mulinzile kutaluka ku kusoka, cipyu, nga nu lupato. Mutatukana nanti kulanda vya winyi.

Kolose 3:9

Mutatumpokana pano mwemo mwafumako ku umi wa mpiti ni micitile yakweo yonsi,

1 Timoti 1:10

Masunde kwene yaa yapeelwa pamulandu wakwe yakalongozya na akaulungana na onsi yauze, akaiya antu, antumpu na akapeela umboni waufi nanti cintu cili consi cino citalingine nu usambilizyo usuma.

1 Timoti 4:2

Masambilizyo ali ndi yaa, yakasalanganyiziwa mu usomvi wakwe yakasambilizya yaufi, yano yakampingu yao yafwa, kwati yocewa ni cela cikaye.

Tito 1:12

Mwina Kulete umwisikulu, wenga uwa muli yakasema yao, uwavwanzile cumi lino wavwanzile ati, “Aina Kulete yene lyonsi antumpu. Yene yakoline wa vilyanyi. Yene yalilikisya nupya akasu.”

Tito 1:2

Utailo uwo nga nu kumanya vikafuma mu upaalilo witu uwa kuya nu umi wape. Leza wino asitumpoka uwatulaya umi kwene uu, kufuma lino kutandika kwa nsita kutali kuyeko.

Ayebulai 12:1

Swemo tukweti iumba likulu lyakwe yakambone, lino litulizizye. Acino lekini tufume ku vintu vyonsi vino vikatuvulunganya, na maifyo yano akatupalama lili lili. Lekini tusimule nu mukozya mu lwilo lwa kucimvya luno lwikwa nkolelo itu.

Yakobo 1:21

Acino lekini kucita vya winyi nu ukakasi onsi. Tontelini Leza nu kuzumila mazwi yano akaika mu myenzo inu, yano angamutuula.

1 Petulo 2:1

Lyene fumini viipe vyonsi munomuli. Mutatumpoka, mutacita usomvi, kuya nu uzuwa, nanti kutukana.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.

Yakapingula 16:11

Nawe amwaasuka ati, “Ndi umwi wanyepa ningo ni myando ipya ino itatala yaomviwa, lyene ntangakwata amaka. Ningaya wa muntu ali wensi.”