Efeso 4:24 - Amazwi Yakwe Leza 2013

²⁴ nupya zwalini untu upya, uno waumvilwe mu mwata wakwe Leza. Lyene mulaya aololoke nupya amuzilo.

Efeso 4:24 ပူးပေါင်းရင်းမြစ်များ

Utandiko 5:1

Uu uli utantiko wakwe yao amu mupanda wakwe Adamu. Lino Leza waumvile umuntu wene wamuumvile mu cata cakwe umwisikulu.

Yobo 29:14

Lyonsi nemo nacitanga ivyaololoke, icakuti vyasangwike kwati ali vyakuzwala vyane.

Ezaya 52:1

Zyuka, vwandamuka! Zwala amaka yakwe Zioni! Zwala insalu zyako zyausaka we Yelusalemu, we musumba wamuzilo! Yano yatamanya Leza na yano yakowela yatalatala yingilemo nupya.

Ezaya 59:17

Amazwala uwololoke wa cela cakucinga icisao cakwe. Ufyusi ali cisote ca cela ku mutwe wakwe. Icilanduzi ali mwingila uno amazwala nu kuipombelekezya mwi laya lya ukali.

Luka 1:75

kuti twaikala mu umi wamuzilo nu wololoke pa manso yakwe, mu manda ya umi witu onsi.

Yoane 17:17

Leka icumi ciyacite kuya akwako. Mazwi yako lyonsi acumi.

Loma 12:2

Mutakolana na antu amu nsi mu miyele yao, lelo lekini Leza apindulule myenzo inu kuti myelenganyizizye inu iye ipya. Lyene mulaya na maka akumanya kulonda kwakwe Leza, mulamanya vintu visuma pamwi ni vikamuzanzya.

Loma 13:12

Usiku uli pipi nu kusila, nu wanda uli pipi nu kuca. Caleka tute kucita milimo yamu mfinzi, tuzwale vya kulwila mu luswepo.

Loma 13:14

Lelo lekini Mwene Yesu Klistu aye pipi namwe wa visyangu vinu vino mukazwala. Tiini kusakamala musango wa untunze nu kuzanzya vilondwa vyauko.

Loma 6:4

Caleka lino twawatiziwe, cali ungati twafwa nu kuzikwa pamwi na Klistu, pakuti, ndi vino Klistu wazyukwilwe kufuma ku afwe mu maka yalulumbi yakwe Isi, avino naswe kwene tulinzile kuya nu umi upya.

Loma 7:6

Lelo pali ndakai, sweswe antungwa kufuma ku kuteekwa na Masunde, pamulandu wakuti tukoline wa afwe kuli cino icatutesile uzya. Lyene tusyakutumikila Leza mu musango wakulondela Masunde, lelo mu musango upya wakulondela Mupasi Wamuzilo.

Loma 8:29

Pano yano Leza wasolwile calimwi ayano wapaatula kuti yaye wa Mwana wakwe, pakuti Mwana aye iyeli lya ina aingi.

1 Kolinto 15:53

Mili itu ino ikaola ilinzile kusenulwa pakuti iye mili itangaola. Cikafwa cilinzile kusenulwa pakuti ciye citangafwa.

2 Kolinto 3:18

Caleka mausyu itu yatavimbwa. Yakalanga kuyengesa kwa lulumbi lwa Mwene akatulenga kukolana nawe ndi vino cinso ca muntu cikaloleka mwi galasi. Mwene ali Mupasi akatusenula kuti tukolane nawe nu kuya nawe mu lulumbi.

2 Kolinto 4:16

Swemo tusyanenuka. Mili itu ikucucuka, lelo sweisikulu tukukomeleziwa mu myenzo cila wanda.

2 Kolinto 5:17

Lino umuntu wailundanya kuli Klistu, wene akaya ciumbwa cipya. Vyampiti vyasila, vyonsi vikaya vipya.

Galatiya 3:27

Na lino mwawatiziwe apa kutaila muli Klistu mwazwite Klistu mu musango uli onga ndi vino mukazwala vizwalo vipya.

Galatiya 6:15

Cisi cimwi ndu muntu angasilamulwa nanti foo. Cikalamba ukuya nu umi upya.

Efeso 2:10

Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

Efeso 2:15

Wene wonona ivyalembwa mu mpapulo zyakwe Mose pamwi na Masunde nga ni nkonka zyonsi zyakweyo. Wacisile cii kuti awikizyanye Ayuda nga na Akulukuwa kuti tuye wa mutundu onga upya uno walemana munoli mu mutende.

Efeso 6:11

Mwaipangasya ni vyanzo vyonsi vyakwe Leza vino akumupeela, kuti muye azyansye ku citeyo cakwe Ciwa.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Ayebulai 1:8

Alino pa Mwana wakwe Leza wavwanzile ati, “We Leza, cilimba ca wene wako cilikalilila manda pe! Ulungami ili ntuwa ya wene wako.

Ayebulai 12:14

Ezyini kwikala mu mutende na antu onsi, nu kwikala umi wamuzilo. Pano kusi umwi wino alalola Mwene kwaula kwikala umi wamuzilo.

1 Petulo 2:2

Mukolane nu tunya twacivyalwa tuno twaya nu lusala lwi ziya. Ndi mwakwata lusala lwi ziya lya mpomvu, lyene myenzo inu ilalisiwa nga mulakula suka mukatuulwe.

2 Petulo 1:4

Mu musango uu, wene watupeela upolelelo ukulu cuze uwamutengo ukome, uno walavile. Wene wacisile cii pakuti mutuulwe ku mbunu zyamu nsi zino zikaonona, nga lyene mukumeko ku mwata wakwe Leza.