Efeso 4:18 - Amazwi Yakwe Leza 2013

¹⁸ nupya myenzo yao yaya mu mfinzi. Yene yasikuma mu umi uno Leza akapela, pano yakomya imyenzo yao nupya yene atuutu.

Efeso 4:18 ပူးပေါင်းရင်းမြစ်များ

Masamu 74:20

Sungala uwiusye upangano wako, uno wapangine naswe. Pano konsikonsi muno nsi muli ivyongo!

Ezaya 25:7

Apa mwamba kwene uu, ali pano alasisya ikumbi lya ulanda lino lyavimba antu amitundu yonsi, ilyafupilizya antu amu nko zyonsi.

Ezekelo 14:5

Ndacita cii pakuti imbwezye imyenzo ya ina Izlaeli, yayo yonsi yano yamfutatila nu kulondela utuluwi twao.’

Danieli 5:20

Lelo pamulandu wakuti wene wali ni cilumba, atalama, aya umunkalwe, ali cino yamufumizye apa wene nga yamupoka nu mucinzi wa cifulo cakwe.

Aina Levi 11:16

mwankole, mikanga, makolongo, totwe,

Mateo 13:15

pano mano yao yakupwa, nga yacilika na matwi yao, na manso yao yazyata. Pano limwi manso yao yangalola, na matwi yao yanguvwa, nu kumanya yangamanya ningo, nu kuzenzuka yangazenzuka, nani ningayapozya.’

Mako 3:5

Yesu acelecensya pano yali nu ukali, lelo wakweti ulanda pa kuluvyanya kwao panoyali akome myenzo. Alino anena umuntu ati, “Ololola cizanza cako.” Nawe aololola, nga ciya icipuma nupya.

Yoane 12:40

“Leza watapafuzya manso yao, nu kukomya myenzo yao, pakuti manso yao yatalola nanti yakampingu yao iiluke, pano limwi yangiza kunondi ne Leza, nga nane njapozye.”

Milimo 17:30

Caleka nsita zyakuntamanya Leza wasulanga kuli vino antu yacitanga. Lelo ndakai watapela ilamulo ku antu yonsi konsikonsi kuti yazenzuke.

Milimo 3:17

“Acino ndakai, inane, natimanya vino mwemo pamwi ni ntunguluzi zinu mwacisile cii pamulandu wa kuntamanya kwinu.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Loma 11:25

Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

Loma 11:7

Lyene, cili uli? Aina Izlaeli yatazanyile cino yalondanga. Impendwa sile inono yakwe yano Leza wasolwile acizanyile. Asyala yene ayakomya myenzo.

Loma 2:19

Wemo wasininkizya vino wewe katungulula wa mpafu, na vino wewe luswepo kuli yao ali mu mfinzi,

1 Kolinto 1:21

Pano Leza mu mano yakwe walenzile ukuti citacitika ukuti antu yamumanye kupitila mu mano yao. Lelo camuzipile ukuti antu ataila yatuulwe kupitila mwi Landwe lino tukakosola, ilikauvwika lya uwelewele ku antu yamwi.

1 Kolinto 2:8

Kusi kateeka nanti umwi uwamanyile cimwi pa mano yaa. Ndi yakateeka yamanyile mano yaa, yatange yatane Mwene wa lulumbi pa lupanda.

2 Kolinto 3:14

Mu cumi mano yao yali muli kupi. Ni lelo kwene insalu ikayavimba lino yakuwelenga zya mu upangano wa mpiti. Insalu ingavimbuka sile lino muntu waya muli Klistu.

2 Kolinto 4:4

Yene yatataila, pano Satana wino ali leza uwa nsi ii, walesyanya kuti yatalola luswepo ululi Ilandwe Lisuma lya pali Klistu uwa lulumbi.

Galatiya 4:8

Lino mutamanyile Leza mwemo mwali azya ya tuluwi tutali tuleza.

Efeso 2:1

Namwe mpiti mwali afwe ku mupasi pamulandu wa kuntayela kwinu na maifyo inu.

Efeso 2:12

Mu nsita ilya mwemo mwali mutali mumanye vyapali Klistu. Mwemo mwali ainamasi pakasi ka ina Izlaeli, nupya mutali antu asololwe yakwe Leza. Mutakweti mbali imwi mu vipangano vino vimikwe pa malayo yakwe Leza ku antu yakwe. Nupya mwatenzi munonsi kwaula upaalilo nanti Leza.

Kolose 1:21

Pa nsita imwi mwemo mwali kutali cuze kufuma kuli Leza nupya mwali anisi yakwe pamulandu wa vintu viipe vino mwacitanga na vino mwelenganyanga.

1 Tesalonika 4:5

Mutaya azya ku mbunu zinu nanti kwikala wa antu atataila.

Ayebulai 5:2

Simapepo Mukulu wakwata utonte mu misango iingi. Acino wene akaezya ukutontela antu atutu nupya yano akaponga.

Ayebulai 9:7

Lelo mu muputule wakwe ciili mwingila sile Simapepo Mukulu, nupya wene wingilangamo sile lyonga pa mwaka. Wene pakwingilamo wasendanga uwazi uno wapelanga kuli Leza, pa maifyo yakwe umwisikulu na pa maifyo ya antu yauze yano yacitilanga kusi ku mufulo.

Yakobo 4:4

Mwe antu mwe muno musi akutailwa kuli Leza! Uzye mutamanyile ukuti ndi mwaya ucuza ni nsi ala mwapatana na Leza? Wino wensi akalonda kuya cuza wa nsi ala wene waicita mwanisi wakwe Leza.

1 Petulo 1:14

Mwayela Leza. Mutaleka kuti umi winu walondelela vilondwa vinu viipe wakwe lino mwali atutu.

1 Yoane 2:11

Lelo wino wensi uwapata umwina wakwe wene ali mu mfinzi. Wene akapita mu mfinzi nupya atamanya kuno akuya, pano mfinzi yamupafuzya.