Efeso 4:10 - Amazwi Yakwe Leza 2013

¹⁰ Nupya cikusenula ukuti wino uwisile pano pansi ali umwi kwene wakwezile papelapela kwiyulu, kuti azule nu kukumana monsi.

Efeso 4:10 ပူးပေါင်းရင်းမြစ်များ

Mateo 24:34

Cumi, namunena vino, vintu vii vyonsi vilacitika lino antu amu mukulo uu onsi yatali yafwe.

Luka 24:44

Lyene ayanena ati, “Vii, vili vintu vino namunenanga lino nali namwe, ukuti vintu vyonsi vino vyalemvilwe pamulandu wane mu mpapulo zyakwe Mose na zyakwe yakasema, nga nu mu Masamu vilinzile kufikiliziwa.”

Yoane 1:16

Pamulandu wakuvula kwa cikuku cakwe twapelwa upolelelo kulunda pa upolelelo uze.

Yoane 19:24

Asilika yavwanzyanya yati, “Lekini tutaulepula. Lekini tupendole kuti tulole wino amautola.” Cii cacitike kuti cifikiliziwe cino calembwa mu malembelo cikati, “Yankine nsalu zyane aisikulu nga na pa mwingila wane yacita usilizi.” Vii avino asilika yacisile.

Yoane 19:28

Alino pa nsita ilya Yesu wamanyile vino vyonsi vyati visila, nga pakuti cifikiliziwe cino calembwa mu malembelo, avwanga ati, “Nuvwa lusala.”

Yoane 19:36

Cii cacitike kuti cifikiliziwe cino calembwa mu malembelo cikati, “Kusi ifupa lyakwe nanti lyonga ililavunwa.”

Milimo 1:11

yati, “Mwe antu amu Galile nga pacani muimi mukulola mwiyulu? Yesu wi uwasendwa kufuma kunomuli nu kuya kwiyulu, alawela mu musango uli umwi kwene uno mwamulolelamo akuya kwiyulu.”

Milimo 1:9

Pacisila lino wavwanga vintu vii, asendwa kwiyulu ala yakulola. Alino ikumbi limuvimba nga nao yata kumulola.

Milimo 2:33

Wene wakwela nu kwikala kwi kasa lilunji lyakwe Leza, nga wapokelile Mupasi Wamuzilo, kufuma kuli Isi, wakwe vino wamulavile. Na ndakai vii vino mukulola nu kuvwa, uwila wakwe Yesu uno watatuma panotuli.

Milimo 3:18

Ku mpiti Leza wavwanzile kupitila muli yakasema yonsi ukuti Klistu wino wasolwile alacuziwa, nga cati cifikiliziwa mu musango kwene uu.

2 Kolinto 12:2

Namanya muntu umwi umwina Klistu wino pa myaka ikumi na ini ino yapita wasenzilwe kupela kwi yulu lyalenga yatatu. Ntamanyile ndi wasenzilwe mu mwili nanti foo. Leza sile awino amanyile ningo.

Efeso 3:19

Endi! Nkupepa kuti mwensi mumanye kutemwa kwakwe Klistu nanti angala kwene kwayembesya cakuti kutangapimwa. Lyene umi winu ulazuziwa ni miyele yakwe Leza.

Kolose 1:19

Leza umwisikulu camuzanzizye kuti u Leza wakwe onsi uye muli Klistu kwene.

Kolose 2:9

Mwata wakwe Leza onsi waya muli Klistu, mu untu wakwe,

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

Ayebulai 4:14

Lyene lekini tulemelele na maka ku utailo uno tukalanda. Pano tukweti Simapepo Mukulu nupya mucindame wino wapita kwiyulu kuli Leza. Wene a Yesu Mwana wakwe Leza.

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

Ayebulai 8:1

Cikalamba cino tukulanda cakuti tukweti Simapepo Mukulu wino wikala kwi lunji lya cilimba cakwe Leza mwiyulu.