Efeso 4:1 - Amazwi Yakwe Leza 2013

¹ Caleka nemo, ne munyepwe pamulandu wa kutumikila Umwene, nkumupapata kuti wikazi nu umi winu viye kulingana nu mwata wa lwamo luno mwamilwe.

Efeso 4:1 ပူးပေါင်းရင်းမြစ်များ

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Utandiko 5:24

Enoki watenzi mu utandano na Leza, nga ata kuloleka pano Leza wamusenzile.

Yelemiya 38:20

Yelemiya wamwasuka wati, “Utalapeelwa mu makasa yao foo. Wemo ule uvwe sile izwi lyakwe Yawe ndi muno namakunenela, apakuti cikuzipile, upususye umi wako.

Milimo 9:31

Lyene iuvi lyamu Yudeya monsi, Galile, na Samaliya liya nu mutende, likomeleka nu kukulilako kupitila mu maka ya Mupasi Wamuzilo, pano lyali ni coopo ku Mwene.

Loma 11:29

Pano Leza asyasenuka pali wino wasolola nu kupolelela.

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

1 Kolinto 4:16

Acino ndakai nkumulenga kuti mukolane nani mu micitile.

2 Kolinto 10:1

Ne Paulo, nkumupapata, ne muno antu yakati nene cantete lino ndi namwe, lelo mupame lino nsi namwe. Kupitila mu ufuke nga nu luse lwakwe Klistu nkumupapata

2 Kolinto 5:20

Twatumilwe kuya nkombe zyakwe Klistu, Leza umwisikulu akumupapata kuti mupange mutende pakasi kinu na aliwe.

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

Galatiya 4:12

Inane, nkumupapata kuti muye wakwe nene, ndi vino nani kwene ndi wakwe mwemwe. Mwemo mutancitile ciipe nanti cimwi lino nkolelo nakosozile kunomuli.

Efeso 2:10

Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

Efeso 3:1

Caleka ne Paulo, munyepwe pamulandu wa kutumikila Klistu Yesu nkumupepela kuli Leza mwe Akulukuwa.

Efeso 4:17

Mwi zina lya Mwene, nkumunena kuti mutacita vintu wa antu atataila, yano kwelenganya kwao ukwa uwelewele

Efeso 4:4

Kwaya mwili onga nu Mupasi onga ndi vino kwaya upaalilo onga uno Leza wamwamileko.

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

Filipi 1:27

Acino cintu cicindame kuluta cakuti umi winu ulinzile kuya kulingana na vino Ilandwe lyakwe Klistu likalonda twacita. Kuti lino ndamutandalila nanti foo, ince nuvwe ukuti mwensi mwakwata kwelenganya kuli kumwi. Nupya ndamanya ukuti mukaombela pamwi nu kulwisya kuti nayauze yuvwe Ilandwe Lisuma.

Filipi 3:14

Caleka nkasimwila ulunga ni cikongwani kuti ince mpelwe cilambu kwiyulu, icili ulwamo lwakwe Leza muli Klistu Yesu.

Kolose 1:10

Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

Kolose 2:6

Mwemo mwazumila Klistu kuya Mwene winu. Caleka twalililini ukwikalilila muli aliwe.

Kolose 4:12

Epafula cilundwa cuze ca mwi umba linu, nupya muomvi wakwe Klistu Yesu, nawe kwene wamulamuka. Wene akamupepela lyonsi na maka, ala akulenga Leza kuti aleke muye akomeleke wa ina Klistu atumpuluke nupya afumaluke mukuyela kulonda kwakwe Leza.

1 Tesalonika 2:12

Swemo twamukomelizye, twamutekizye myenzo nu kutwalilila kumupapata kwikala umi uno ukazanzya Leza, wino uwa mwama kuti mukumeko ku Wene nga nu lulumbi lwakwe.

2 Tesalonika 1:11

Uli mulandu uno tukamupepela lyonsi. Swemo tukalenga Leza witu kuti amucite kuya alingane kwikala umi uno wene wamwamako. Lekini Leza mu maka yakwe yonsi, afikilizye kulonda kwinu kwakucita visuma nga nu kuti utailo uleke mucite vivyo.

2 Timoti 1:9

Wene watutuula nupya watwama kuti tuye antu yakwe, asi pamulandu wa vintu vino twacita. Lelo apamulandu wi pange ni cikuku cakwe. Wene wali ni cikuku kwene cii kunotuli muli Klistu Yesu lino kutali kuye kutandika kwa nsita.

Tito 2:10

Yene yatalinzile kwiya vintu vyao. Lelo mu cifulo cakwe cico, yene yalinzile kulangilila yauze ukuti lyonsi yaya asuma akutailwa, pakuti Leza Katuula witu apelwe mucinzi muli vyonsi vino yakucita.

Ayebulai 13:21

Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.

Ayebulai 3:1

Mwe inane aina Klistu, mwe muno Leza waama, nkuti mwaelenganya pali Yesu. Leza wamutumile kuti aye Simapepo Mukulu nu mutumwa wa utailo uno tukulanda.

1 Petulo 2:11

Mwe yacuza yane, mwemwe enyi nupya mbutusi muno nsi. Acino nkumupapata kuti mutalondela nsuna zya mili, zino lyonsi zikalwisyanya nu mupasi winu.

1 Petulo 3:9

Mutawezezyanya viipe nanti ntipu. Lelo ndi umwi wamucitila ciipe, mwemo mumupolelele. Pano kupolelelwa akuno Leza wamulavile lino wamusolwile.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

2 Petulo 1:3

Leza mu maka yakwe watupeela vyonsi vikalondekwa kuti mucumi twikale umi uwa kupepa. Cii cacitika apa kumanya kuno twamanya wiyo uwatwama kuti tukume ku lulumbi nga nu ku usuma wakwe.

2 Yoane 1:5

Acino w e Mangu mukundwe, nkukulenga nkuti twatemwana. Ilamulo lii lino nkumulembela lisi lipya. Lyene ilamulo lino twapilwe kufuma ku utandiko.