Efeso 3:7 - Amazwi Yakwe Leza 2013

⁷ Nemo Leza wancisile muomvi wi Landwe Lisuma kupitila mu wila wakwe uiyele uno wampile mu kuomba kwa maka yakwe.

Efeso 3:7 ပူးပေါင်းရင်းမြစ်များ

Ezaya 43:13

Endi anene kwene ukufuma na mpiti, nu ku nkolelo kwene avino ndaya namwe pee. Kusi nanti wenga angamfyombotola nupya kusi wino angaalulula vino nemo nkacita.”

Milimo 9:15

Mwene anena Ananiya ati, “Pitanga, pano nati musola kuya muomvi wane, kuti aleke imanyike ku Akulukuwa nu ku ene nga nu ku ina Izlaeli.

Loma 1:5

Kupitila muli Klistu amuno Leza wampeela isyuko lyakuya mutumwa pakuti ntungulule antu amu nko zyonsi kuti yataile nu kuyela Leza na kuti Klistu acindikwe.

Loma 12:3

Pamulandu wa wila uno Leza wampeela mu cikuku cakwe, nkumunena mwensi kuti mutaikuzya kuluta vino mwaya. Lelo muye atekele mu kwelenganya nu kuipima mweisikulu kulingana ni cipimo ca utailo uno Leza wapela cila muntu.

Loma 15:16

lyakuya muomvi wakwe Yesu Klistu uwa kuombela Akulukuwa. Nkatumikila wakwe simapepo pa kukosola Ilandwe Lisuma kufuma kuli Leza, pakuti Akulukuwa yangaya wa mpolelwa iyapokelelwa kuli Leza, apalamikwa kunoli mu maka yakwe Mupasi Wamuzilo.

1 Kolinto 15:10

Lelo ku cikuku cakwe, Leza wancita kuya vino ndi, ni cikuku cakwe citali caula milimo kunondi kuluta atumwa yauze, nanti angala asi anene naombanga, lelo maka yakwe Leza akankomelezya.

1 Kolinto 3:5

Uzye Apolo aweni? Uzye Paulo aweni? Sweswe aomvi sile yakwe Leza, yao amwazwilizye kuti mutaile. Cila wenga uwa munotuli akaomba mulimo uno Leza wamupile kuti acita.

2 Kolinto 3:6

Aliwe kwene akatupeela maka akutumikila mu upangano upya. Upangano uu usi pa masunde yano alembwa, lelo pa Mupasi Wamuzilo. Masunde yano alembwa yene yakaleta imfwa, lelo Mupasi Wamuzilo wene akapela umi.

2 Kolinto 4:1

Leza mu mizu yakwe watupela mulimo uu kuti twaomba. Acino tusyatonta.

Galatiya 2:8

Pano kupitila mu maka yakwe Leza nacisilwe kuya mutumwa ku Akulukuwa, wakwe vino Petulo wacisilwe kuya mutumwa ku Ayuda.

Efeso 1:19

nga na kuti mumanye na maka yakwe aataikulila yano akaomba munotuli swe ya utailo. Maka ya ulamba ali yamwi

Efeso 3:2

Nkutaila muvwile ukuti Leza mu cikuku cakwe wampile mulimo uu uwa kumuombela.

Efeso 3:20

Ndakai lulumbi luye kuli Leza, wino ali na maka akucita munotuli vintu vilusile vino tungalenga nanti vino tungelenganya.

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

Efeso 4:16

wa mwili ukatungulula umwili onsi. Klistu uwalundanya mwili nga nu kuleka kuti cila cilundwa consi ca mwili caomba mu ufumaluke, alino nu kukula nu kukomeleka pamulandu wa kutemwa.

Kolose 1:29

Pakuti cii cicitwe nemo nkuomba nu kulwisya, ala nkuomvya maka yano Klistu akampeela, nupya yano yakuomba munondi.

1 Tesalonika 2:13

Nupya kuli mulandu nauze uno swemo tukataizya Leza lyonsi. Lino twamuletile mazwi yakwe Leza, mwemo mwayuvwile nu kuyapokelela, asi wa mazwi ya muntu lelo wa mazwi yakwe Leza, nu mucumi akwakwe. Ndakai Leza akuomba muno muli mwe muno mwataila.

Ayebulai 13:21

Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.