Efeso 3:5 - Amazwi Yakwe Leza 2013

⁵ Mu manda yampiti kutali umuntu nanti wenga uwamanyile nkama ii, suka lino Mupasi Wamuzilo waisokolwile ku atumwa na yakasema.

Efeso 3:5 ပူးပေါင်းရင်းမြစ်များ

Ezaya 52:15

Ali vino alalenga ukuti imitundu iingi izunguke, na yamwene kwene yatalalanda apakulola icata cakwe, apakulola cino citatazile cilandwapo, nanti ukulola cino citatazile cuvwike.”

Mateo 13:17

Pano cumi namunena vino yakasema na antu aololoke aingi nao kwene yalondanga kulola vintu vino mukulola, lelo yataviweni, nupya yalondanga ukuuvwa vino mukuuvwa, lelo yatavyuvwile.

Mateo 20:7

Nao yamwasuka yati, ‘Pano kusi umwi wakutulemba incito.’ Nawe ayanena ati, ‘Namwe kwene yangini mukaomba mu calo cane ca matingi.’

Mateo 23:34

Caleka, ndatuma yakasema, na antu yamano na yakasambilizya. Mulakoma nu kutana pa lupanda yamwi munoyali. Yauze nao mulayanyambola nu kuyuma mu mang'anda ya mapepo nu kuyazinganya kufuma mu muzi onga nu uze kwene.

Luka 10:24

Namunena vino yakasema nga na ene aingi nao yalondanga kulola vintu vino mukulola, lelo yataviweni, nupya yalondanga ukuuvwa vino mukuuvwa, lelo yatavyuvwile.”

Luka 11:49

Pamulandu uu, Leza mu mano yakwe wavwanzile ati, ‘Ndayatumila yakasema na atumwa. Na munoyali yamwi yalayakoma na yamwi nao yalayazunya.’

Yoane 14:26

Lelo kaazwa, Mupasi Wamuzilo, wino Tata alatuma mwi zina lyane, wene alamusambilizya vintu vyonsi nu kumwiusya vyonsi vino namunena.

Yoane 16:13

Lelo lino Mupasi wa cumi aliza, wene alamutungulula ku cumi cakwe Leza consi. Pano atalaivwangila. Lelo vintu vyonsi vino alauvwa avino alavwanga, nga alamumanyisya ni vintu ivili nu kwiza.

Milimo 10:28

Alino ayanena ati, “Mwemo mweisikulu mwamanya ningo vino Muyuda, ukulingana ni mipepele yakwe, atazumiliziwa ukulanda nanti ukuminkana na Akulukuwa. Lelo Leza watandanga vino ntalinzile nataka umuntu umwi ukuti wakowela nanti atasanguluka.

Loma 16:25

Ka twalumbanya Leza! Wene ali na maka yakumukomya mu utailo winu kulingana ni Landwe Lisuma lino nkakosola pamulandu wakwe Yesu Klistu nga nu kulingana nu kusokoloka kwa nkama ya cumi icali icifiswe kufuma ku mikulo yampiti na mpiti.

1 Kolinto 2:10

Lelo Leza wasokolola nkama yakwe kunotuli kupitila muli Mupasi Wamuzilo. Mupasi Wamuzilo wamanya vyonsi, vizike vya mapange yakwe Leza.

Efeso 2:20

Mwemo mukoline wa cikulwa cino mufula wakweco atumwa na yakasema, nga Klistu nawe ali iwe lya pitungi.

Efeso 3:9

Nukuleka antu yalole vino kuteyanya kwankama yakwe kulaomba. Leza wino uwaumvile vintu vyonsi walondanga kuti nazwilizye cila muntu kumanya nkama yakwe ino wafisile ku antu amu mikulo yonsi yampiti.

2 Petulo 3:2

Nkulonda kuti mwiusye mazwi yano yakasema amuzilo yavwanzile ku mpiti, nga ni sunde kufuma ku Mwene nupya Katuula witu, lino atumwa yamupile.

Yuda 1:17

Lelo mwe yacuza yane akundwe, iusyini vino Atumwa ya Mwene witu Yesu Klistu yamunenyile.