Efeso 3:3 - Amazwi Yakwe Leza 2013

³ Nupya kalata wi akumunena pamulandu wakwe vino Leza wasokolola kunondi vya nkama yakwe nga nu kuleka kuti manye.

Efeso 3:3 ပူးပေါင်းရင်းမြစ်များ

Milimo 22:17

“Lyene inswilila ku Yelusalemu, nga lino nkupepa mu Ng'anda ikulu yakwe Leza ndola icilolwa,

Milimo 22:21

Mwene anena ati, ‘Pitanga, Pano namakutuma kutali ku Akulukuwa.’”

Milimo 23:9

Lyene icongo cikulisya cuze, na yamwi amuli yakasambilizya ya Masunde, ali amwi umba lya Afaliseo yakatuka yapazya cuze yati, “Tutazanyile umuntu wii nu mulandu umwi! Nalimwi umupasi nanti mungeli uwavwangile munoli.”

Loma 11:25

Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

Loma 16:25

Ka twalumbanya Leza! Wene ali na maka yakumukomya mu utailo winu kulingana ni Landwe Lisuma lino nkakosola pamulandu wakwe Yesu Klistu nga nu kulingana nu kusokoloka kwa nkama ya cumi icali icifiswe kufuma ku mikulo yampiti na mpiti.

2 Kolinto 12:1

Namaitumika, nanti angala musi cimwi cino ningalonka mukuitumika. Lelo ndakai namalanda pa vilolwa vino Mwene wampile nga ni vintu vino wene waumbula kunondi.

Galatiya 1:12

Ntalipokelile kufuma ku muntu, nupya kusi umuntu umwi uwansambilizye. Yesu Klistu umwisikulu uwalisokolwile kunondi.

Efeso 1:17

nu kuuzya Leza wa Mwene witu Yesu Klistu, Tata uwa lulumbi, kuti amupeele Mupasi Wamuzilo. Wiyo alalenga kuti mwemo muye na mano nupya alasokolola Leza kunomuli, pakuti namwe mungamumanyikisya.

Efeso 3:4

Lino mwawelenga kalata, mulazanamo kumanyikisya kwane kwa nkama yakwe Klistu.

Efeso 3:6

Nkama ii, iyakuti Ilandwe Lisuma lyapali Klistu lyalenga kuti Akulukuwa yakume ku malayo yano Leza walavile Ayuda. Nupya Leza wazumilizye Akulukuwa kuya vilundwa vya mwili onga.

Efeso 3:9

Nukuleka antu yalole vino kuteyanya kwankama yakwe kulaomba. Leza wino uwaumvile vintu vyonsi walondanga kuti nazwilizye cila muntu kumanya nkama yakwe ino wafisile ku antu amu mikulo yonsi yampiti.

Efeso 6:19

Nani kwene mwampepelako kuti Leza ampeele Landwe navwanga nu kupama apa kuleka kuti nkama i Landwe Lisuma imanyikwe.

Kolose 2:2

Nkucita cii kuti nkomelezye myenzo yao yalundana pamwi mu kutemwa, yene yalapolelelwa pa kupelwa kumanyikisya. Alino yalamanya Klistu ningo.

Kolose 4:3

Pa nsita ili imwi kwene naswe kwene mwatupepelako, pakuti Leza atupeele kasita kasuma aka kukosola ilandwe lyakwe ilya nkama yakwe Klistu. Pano uli mulandu uno nemo ndakai nayalilwa mu ng'anda yaminyololo.

Ayebulai 13:22

Inane nkumupapata, uvwini ilandwe lii ilya kumukomelezya, pano kalata wii wino nati mulembela asi na mazwi aingi.

1 Petulo 5:12

Siluvano uwangazwilizye kulemba kalata wii, nupya nkuti wene umwina witu uwakutailwa muli Klistu. Nemo nkulonda kumukomelezya nu kupeela umboni uwakuti cikuku cakwe Leza kunomuli ica cumi. Komelekini muno cili.

2 Petulo 3:15

Mutailila ukuti Leza wateka mwenzo pano wene akalonda kuti antu yatuulwe. Cikwene acino Paulo, cuza witu mukundwe wavwanzile lino wamulembile kulingana na mano yano Leza wamupile.