Efeso 3:18 - Amazwi Yakwe Leza 2013

¹⁸ Nkupepa kuti mwemo nga na antu yakwe Leza yonsi yamanyikisye kutemwa kuu vino kwasalala nu kutalimpa nu kusanzama nga nu kuzika.

Efeso 3:18 ပူးပေါင်းရင်းမြစ်များ

2 Milandu 6:41

“Iye! We Yawe Leza, ale lyene katuka wingile mu cifulo cako, wewe kwene pamwi ni Mbokosi ya Upangano, iili icimanyililo ca maka yako, amuno uwaikalilila amanda pe. Uwapolelela yasimapepo yako umu vintu vyonsi vino yamacitanga. Uwaleka nu kuti antu yako yonsi yakusansamukila pano awewe ukayazanzya cuze.

Masamu 103:17

Lelo icikuuku cino Yawe wakwatila yao amucindika, awe cumi cene icakuyelelela pee, nu usuma wakwe nao usi wakusila umwapelela inkulo zyonsi.

Masamu 116:15

Ala Yawe cikamuwaya sana umuntu wakwe umwi nga wafwa.

Masamu 132:9

Yasimapepo yako kayazwale uololoke. Akaele nayo kayapunde nu luzango.

Masamu 139:6

Amano yako pali nene, akuzunguka nupya nkaposiwa ukutezya, yakulisya intange nkumemo.

Masamu 145:10

We Yawe, iviumbwa vyako vyonsi vilakulumbanya, na yayo akufukilila yalakutaizya.

Ezaya 55:9

Ndi vino iyulu lyatumpuka sana ukuluta insi, ali vino ni nzila zyane zyaluta inzila zinu apakalamba. Ni myelenganyizizye yane nayo yaluta imyelenganyizizye inu.

Zakaliya 14:5

Pakuutuka mwemo mulafyonsya mu ciposi kwene cico ukufika ku lusansa longa mpaka ukulambila ku lusansa luze lwa mwamba ulya. Mulutuka ndi vino ivikolwe vinu vyutwike lino pizile cilundumusi, pa nsita ino umwene Uziya wateekanga mpanga yaku Yuda. Yawe witu aliza aloleke pamwi na angeli yakwe yonsi.

Yoane 15:13

Pasi kutemwa kwa muntu ukwaluta kuu, ukuti umuntu aipeele kufwila yacuza yakwe.

Loma 10:3

Pano yatamanya inzila ino Leza akacitilamo antu kuya aololoke pa manso yakwe. Lelo mu cifulo cakwe cico, yene yezya kuya aololoke umu nzila yao aisikulu. Nupya yatazumila nzila yakwe Leza ino akacitilamo antu kuya aololoke pa manso yakwe.

2 Kolinto 13:13

Antu yakwe Leza yonsi yamulamuka.

Galatiya 2:20

Nemo nafwa, lelo Klistu akaikala munondi. Umi uno ndakai ndi nao, nkaikala pakutaila mu Mwana wakwe Leza, wino uwantemilwe nga nu kupeela umi wakwe pamulandu wane

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

Efeso 1:10

Lyene lino insita ilafika, Leza alacita vyonsi vino wapanga kucita, nga Klistu nawe alakonganika pamwi vintu vyonsi ivya mwiyulu na pano nsi.

Efeso 1:15

Caleka nani kwene kufuma lino nuvwile vya pa utailo uno mukweti mu Mwene witu Yesu nga nu kutemwa kuno mwakwata pa antu yakwe Leza onsi,

Efeso 3:19

Endi! Nkupepa kuti mwensi mumanye kutemwa kwakwe Klistu nanti angala kwene kwayembesya cakuti kutangapimwa. Lyene umi winu ulazuziwa ni miyele yakwe Leza.

Kolose 1:4

Pano tuvwa vya pa utailo winu uno mwakwata muli Klistu Yesu nga nu kutemwa kuno mwakwata pa antu yakwe Leza onsi.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.