Efeso 3:1 - Amazwi Yakwe Leza 2013

¹ Caleka ne Paulo, munyepwe pamulandu wa kutumikila Klistu Yesu nkumupepela kuli Leza mwe Akulukuwa.

Efeso 3:1 ပူးပေါင်းရင်းမြစ်များ

Luka 21:12

Lelo lino vintu vii vyonsi vitali vicitike, yalamulema nu kumuzunya. Yalamupeela ku ntunguluzi zyamu mang'anda ya mapepo nu kumuyalila mu mang'anda yaminyololo. Yalamuleta nkolelo yakwe yakateeka ni ntunguluzi pamulandu wane.

Milimo 21:33

Lyene musika mukalamba aya kuli Paulo, amulema, nga apeela ilamulo kuti yamunyepe mu minyololo iili. Lyene auzya ati, “Uzye umuntu wii, aweni, nupya icani cino watacita?”

Milimo 23:18

Musilika amusenda, amutwala kuli musika mukalamba, amunena ati, “Umunyepwe Paulo wali wangama nu kunguzya kuti indete umulumendo wii kuli wewe, pano ali ni cakuvwanga kunuli.”

Milimo 26:29

Paulo aasuka ati, “Nanti pa kasita kanono nanti nsita ntali, ipepo lyane kuli Leza ilyakuti wewe na yao yonsi asyala, mwe muno mu kuuvwa kunondi ilelo mungaya wakwe vino indi, suka sile kuntanyepwa mu minyololo ii!”

Milimo 9:15

Mwene anena Ananiya ati, “Pitanga, pano nati musola kuya muomvi wane, kuti aleke imanyike ku Akulukuwa nu ku ene nga nu ku ina Izlaeli.

2 Kolinto 1:6

Ndi twacula, ala pamulandu wa kumwazwa kuti namwe mutuulwe. Ndi swemo twazwiwa, ala lyene namwe kwene mwazwiwa nga nu kupelwa maka akuposya nu kuteeka myenzo mu macuzi ali yamwi na yano naswe kwene twacuzile nu kuposya.

2 Kolinto 10:1

Ne Paulo, nkumupapata, ne muno antu yakati nene cantete lino ndi namwe, lelo mupame lino nsi namwe. Kupitila mu ufuke nga nu luse lwakwe Klistu nkumupapata

2 Kolinto 11:23

Uzye yene aomvi yakwe Klistu? Nemo nkuvwanga wakwe cipena, lelo nemo nene muomvi wino alusile yaya. Naombesya kuluta alio, nupya nayalilwe mu ng'anda ya minyololo maila aingi kuluta alio. Nanyambozilwe maila aingi kuluta alio nga lyonsi nali mu uzanzo wa kufwa.

Galatiya 5:11

Inane, ndi ncili nkukosola ukuti kusilamulwa kukulondekwa kucitwa, uzye pacani ncili nkuzunyiwa? Mu cumi nda vino cili, lyene ale kukosola kwane pamulandu wa lupanda lwakwe Klistu kutangaleta intazi.

Galatiya 5:2

Uvwini! Nene, ne Paulo, nkumunena ukuti ndi mwazumilizya kuti musilamulwe, ale cikusenula vino Klistu asi nu mulimo kunomuli.

Galatiya 5:24

Yao ali yakwe Klistu yene yata ivya untunze wao nga ni vilondwa vyauko.

Efeso 3:11

Leza wacita cii, kulingana nu kuteyanya kwa mwi pange lyakwe manda pe, lino wafikilizya muli Klistu Yesu, Mwene witu.

Efeso 3:13

Caleka namupapata mutatovoka pamulandu wa kucula kwane pamulandu winu. Kucula kwane ukwakumulenga kuya nu lulumbi.

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

Efeso 4:1

Caleka nemo, ne munyepwe pamulandu wa kutumikila Umwene, nkumupapata kuti wikazi nu umi winu viye kulingana nu mwata wa lwamo luno mwamilwe.

Efeso 6:20

Pamulandu wi Landwe Lisuma nasololwa kuya nkombe, nanti ndakai indi mu n'ganda yaminyololo. Acino mwampepelako kuti nje mupame pa kukosola Ilandwe Lisuma wakwe vino ndinzile kucita.

Filipi 1:7

Lyonsi nkaelengenya pali mwemwe mu mwenzo wane. Pano namutemwa cuze. Pano mwensi mwakumako pamwi nani muli vino Leza wancitila, pali ndakai lino indi mu ng'anda yaminyololo nga na lilyo lino nali kunzi kuti ncingilile Ilandwe Lisuma nu kulikosola na maka.

Kolose 1:24

Ndakai indi nu luzango pamulandu wa kuculila mwemwe. Pano kupitila mu kucula kwane kwaku mwili nemo nkwazwilizya kumalila kucula kwakwe Klistu ukwasyalapo pamulandu wi uvi, lili mwili wakwe.

Kolose 4:18

Ni kasa lyane nemwisikulu nalemba cii. Ulau kufuma kuli ne Paulo. Mutailila ukuti nemo indi mu ng'anda yaminyololo! Cikuku cakwe Leza ciye namwe.

Kolose 4:3

Pa nsita ili imwi kwene naswe kwene mwatupepelako, pakuti Leza atupeele kasita kasuma aka kukosola ilandwe lyakwe ilya nkama yakwe Klistu. Pano uli mulandu uno nemo ndakai nayalilwa mu ng'anda yaminyololo.

2 Timoti 1:16

Mwene aye na mizu ku amu ng'anda yakwe Onesifolasi, pano wene wansansamusyanga maila aingi. Wene atali ni nsonyi pamulandu wakuti nemo nali mu ng'anda yaminyololo.

2 Timoti 1:8

Acino lyene utuvwa insonyi izya kupeela umboni pamulandu wa Mwene witu. Nupya utuvwa insonyi pamulandu wane, ne munyepwe pamulandu wakwe Klistu. Lelo wakumako ku kuculila Ilandwe Lisuma, lino Leza akukupeela maka akucita cii.

Filimoni 1:1

Kalata kufuma kuli ne Paulo munyepwe pamulandu wa kutumikila Klistu Yesu, nga nu kufuma ku mwina witu Timoti. Kuli Filimoni cuza witu nga nu muomvi unji,

Filimoni 1:23

Epafula, wino ali pamwi nani mu ng'anda yaminyololo pamulandu wa kutumikila Klistu Yesu, akukulamuka.

Filimoni 1:9

Lelo pamulandu wakuti nakutemwa, nkukulenga kuti ucite cino ulinzile kucita. Nemo nkucita cii nanti angala nene Paulo, inkombe yakwe Klistu, nga ndakai nene munyepwe pamulandu wa kutumikila Klistu Yesu.

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.