Efeso 2:3 - Amazwi Yakwe Leza 2013

³ Mu cumi naswe kwene avino twali lino twatungululwanga ni vilondwa vya civyalilwa citu, ala tukucita vintu vino mili na melenganyo itu yalondanga. Swemo twasosya Leza nupya twali nu kuvunukwa.

Efeso 2:3 ပူးပေါင်းရင်းမြစ်များ

Utandiko 5:3

Lino Adamu wali ni myaka 130, umuci wamuvyalile umwana umonsi uwatozile icata cakwe isi. Nga Adamu amutemela izina ati Seti.

Utandiko 6:5

Lino Yawe walola vino inkota zya antu zyavulisya na vino ukwelenganya kwao lyonsi kwaya ukwipe,

Utandiko 8:21

Lyene lino Yawe wanunsya umununko, nga umwisikulu avwanga ati, “Ntalatala ntipe insi nupya, pamulandu wa vicitwa vya muntu. Amelenganyo ya antu yaya ankota ukufuma ku civyalilwa. Ntalonona insi ni vyaumi vyonsi nupya, wakwe vino natincita.”

Yobo 14:4

Aweni fwandi wino ungazana umuswepe apa antu akowele? Kusi nanti wenga!

Yobo 25:4

Uzye kwaya umuntu akacita vyaololoke pa manso yakwe Leza? Uzye umuntu uwavyalwa ku mwanaci angaya uli uwaula imifitalila?

Masamu 51:5

Kwene nemo navyalilwe umu luyembu. Lino mayo wanyomelile indilwa yane, nali umwipe.

Ezaya 53:6

Swensi pyu pano twapela, twazeulukanga wa mfwele, swensi twapulupuntanga sile. Yawe nawe ali pakumutwika uyi witu swensi, uno twali nu kuculilamo.

Mako 4:19

Lelo masakamiko ya wikazi wamu nsi ii, kusombwa nu ukama, nu kulonda kwa vintu vyuze, vikaingila nu kutotola mazwi. Alino yasyaseeka vizao.

Yoane 1:13

Yene yatali ana yakwe Leza kupitila ku kuvyalwa ku akwasi. Lelo Leza umwisikulu uwayalenzile kuya ana yakwe.

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Milimo 14:16

Ku mpiti walesile antu kucita vyonsi vino yakulonda.

Loma 1:24

Acino Leza wayafutatila kuti yangacita vya nkota vya lunkumbwa lwa myenzo yao, yasuke yacitilana ni vya nsonyi vya kusausya miili yao.

Loma 11:30

Namwe mwe Akulukuwa, pa nsita imwi mutayelanga Leza. Lelo ndakai pano Ayuda yasyayela Leza, Leza wamuyela mizu.

Loma 13:14

Lelo lekini Mwene Yesu Klistu aye pipi namwe wa visyangu vinu vino mukazwala. Tiini kusakamala musango wa untunze nu kuzanzya vilondwa vyauko.

Loma 2:14

Pano Akulukuwa yatapilwe Masunde lelo mu mikalile yao ya civyalilwa lino yacita vino Masunde yataka, ala aisikulu yakulanga vino Masunde yaya mu myenzo yao nanti angala yatapilwe Masunde yakwe Mose.

Loma 5:10

Twali anisi yakwe Leza, lelo mu mfwa ya Mwana wakwe watuwikizyanya nawe. Lyene vino twaya yacuza yakwe Leza, cumi Klistu alatutuula pano wene umumi.

Loma 5:9

Ndakai twacitwa kuya aololoke pa manso yakwe Leza mu mfwa yakwe Klistu. Caleka kuluta pali cii, alatutuula nu ku ukali wakwe Leza.

Loma 6:12

Caleka mutaleka maifyo yateeka mu mili inu ino ili nu kufwa, nu kulenga kuti mwalondela ulunkumbwa lwa untunze winu.

Loma 7:18

Namanya na vino usuma utaya munondi, kuli kuti mu untunze wane. Pano nanti angala nkulonda kucita cisuma, nkaposiwa kucicita.

Loma 9:22

Na Leza kwene avino waya. Akalonda kuti alange ukali wakwe nu kulanga maka yakwe kuli yao angaloviwa. Lelo mu cifulo cakwe cii Leza akayatekela mwenzo.

1 Kolinto 4:7

Uzye aweni uwakwisile kuya mukulu kuluta pa auzo? Uzye Leza atakupile vyonsi vino wakwata? Uzye lyene ungaitumika uli kwati cino wakwata cisi uwila?

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

Galatiya 3:22

Lelo calembwa mu malembelo ukuti iifyo lyateeka antu yonsi uzya. Caleka uwila uno Leza walaya uwakwe wino wensi uwataila muli Yesu Klistu

Efeso 2:2

Mwemo mwalondelile misango iipe iya muno nsi. Mwayelanga wino akateeka insi, nupya wakwata maka pa muntu wensi wino asyayela Leza.

Efeso 4:22

Caleka tiini kucita micitile iipe iyampiti, ni miyele yakweyo yonsi ino ingamulovya.

Kolose 1:21

Pa nsita imwi mwemo mwali kutali cuze kufuma kuli Leza nupya mwali anisi yakwe pamulandu wa vintu viipe vino mwacitanga na vino mwelenganyanga.

1 Tesalonika 4:13

Mwe ina itu, tukulonda kuti mumanye cumi pamulandu wakwe yao afwa, kuti mutaya nu ulanda, wa antu asi nu upaalilo.

1 Tesalonika 5:6

Caleka lyene, swemo tutalinzile kukasula wa antu yauze. Tulinzile kulola nu kupempula.

1 Timoti 6:9

Lelo yao akulonda kuya akama yene yakaponela mu kweziwa nupya yalemwa mu citeyo ca vilondwa vya kutumpa nupya vya uzanzo. Vii vikayatwala ku kononeka, nu ku ulovyo.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

1 Petulo 1:14

Mwayela Leza. Mutaleka kuti umi winu walondelela vilondwa vinu viipe wakwe lino mwali atutu.

2 Petulo 2:14

Yene yakaelenganya sile kulongozya. Imbunu yao yakwifya itakwata impela. Yene yakasomba antu mu citeyo cao. Myenzo yao yasambilila kuya nu lwiswa nupya yali ni citipu cakwe Leza.

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

1 Yoane 2:16

Pano vintu vyonsi vyamu nsi, kutandika pa vilondwa viipe vino mili ikalonda, ni vintu vya lunkumbwa lwa manso nu kuitumika ku vyamu nsi, vyonsi vii visyafuma kuli Tata, lelo ku wikalo uwipe uwamu nsi.

1 Yoane 2:8

Lelo isunde lino nkumulembela ndakai, lyene ilipya, pamulandu wakuti cumi caliko cikaloleka muli Klistu nga na munomuli. Pano mwati mulola ukuti mfinzi ikupita, nga nu luswepo lwa cumi nalo lwati lutandika mpiti kuyengesa.