Efeso 2:19 - Amazwi Yakwe Leza 2013

¹⁹ Caleka mwe Akulukuwa mutacili ainamasi nanti aenyi. Lelo mwemwe akaya pamwi na antu yakwe Leza onsi, nupya mwaya vilundwa vyamu n'ganda yakwe Leza.

Efeso 2:19 ပူးပေါင်းရင်းမြစ်များ

Mateo 10:25

Calinga ukuti kasambilila alingane na kasambilizya wakwe, muomvi nawe alingane nu mwene wakwe. Mwine wa ng'anda ndi akaamwa ukuti a Belezebu, uzye yauze amu ng'anda yalaamwa uli?

Galatiya 6:10

Caleka tulinzile kucita visuma ku muntu wensi vino tungacita nu kuluta kuli yao ali alondezi yakwe Klistu.

Efeso 2:12

Mu nsita ilya mwemo mwali mutali mumanye vyapali Klistu. Mwemo mwali ainamasi pakasi ka ina Izlaeli, nupya mutali antu asololwe yakwe Leza. Mutakweti mbali imwi mu vipangano vino vimikwe pa malayo yakwe Leza ku antu yakwe. Nupya mwatenzi munonsi kwaula upaalilo nanti Leza.

Efeso 3:15

Viumbwa vyonsi vya mwiyulu na pano nsi vikapelwa umi kufuma kuli aliwe.

Efeso 3:6

Nkama ii, iyakuti Ilandwe Lisuma lyapali Klistu lyalenga kuti Akulukuwa yakume ku malayo yano Leza walavile Ayuda. Nupya Leza wazumilizye Akulukuwa kuya vilundwa vya mwili onga.

Filipi 3:20

Lelo sweswe ikazi ya mwiyulu nupya tukulolela Katuula witu Mwene Yesu Klistu.

Ayebulai 11:13

Mu utailo amuno yaa yonsi yafwilile. Yene yatapokelile vintu vino Leza wayalavile. Lelo yavilolile kutali nu kuvizengela. Nupya yazumile paswe vino yali wa enyi nupya ainamasi muno nsi.

Ayebulai 13:14

Pano kusi musumba ukulu pano pansi uwakuti twikalililemo. Swemo tukulonda musumba ukulu uno uliza.

1 Petulo 2:11

Mwe yacuza yane, mwemwe enyi nupya mbutusi muno nsi. Acino nkumupapata kuti mutalondela nsuna zya mili, zino lyonsi zikalwisyanya nu mupasi winu.

1 Yoane 3:1

Elenganyini vino Tata watutemwa! Kutemwa kwakwe ukukulu cuze cakuti swemo twaamwa ana yakwe. Nu mu cumi avino tuli. Uu uli mulandu uno amu nsi yatatumanya, pano yene yatamanya Leza.