Efeso 2:17 - Amazwi Yakwe Leza 2013

¹⁷ Acino Klistu wizile akosola Ilandwe Lisuma ilya mutende kuli mwe Akulukuwa, mwe muno mwali kutali na Leza. Nupya wizile akosola Ilandwe Lisuma ilya mutende kuli swe Ayuda swe muno twali na Leza.

Efeso 2:17 ပူးပေါင်းရင်းမြစ်များ

Masamu 148:14

Wene walenga antu yakwe ukuya na maka, apakuti aswepe yakwe yonsi yamulumbanya. Ali ina Izlaeli, yano watemwisya wakwe cimwi! Lumbanyini Yawe!

Masamu 75:1

Twakutaizya we Leza, twakutaizya! Tukulumbilizya vino ucindami wako waya nu kulanda ivintu ivyakuzunguka vino wacita!

Masamu 85:10

Ukutemwa na ucumi vilakomenkana. Uololoke nu mutende vilazengelana.

Ezaya 27:5

Lelo ndi cakuti anisi ya antu yane yakulonda ukuzina kunondi, kaize tuvwane nayo ivyakwikala umutende, pakuti paye umutende pali alio nani.”

Ezaya 52:7

Iye mwe, vino ingazo zya nkombe yi landwe lisuma zyayemba lino akutelemuka ukufuma ku myamba. Waleta ilandwe lya longo ni nsansa. Wasowela ukuluzi nu kunena Zioni vino Leza wakwe akuteeka.

Zakaliya 9:10

Yawe wavwanga wati, “Mu mpanga ya Izlaeli ndafumyamo amaceleta ya nkondo, nu mu musumba wa Yelusalemu ndafumyamo imfwalasi zyakulwilapo inkondo, na malapwa akulwilako umu nkondo nayo yalakontolwa. Umwene winu alateeka nu longo antu amu mitundu yonsi. Uteko wakwe ulatandikila kuli yemba wenga mpaka ukuyafika na kuli yemba muze, ukufuma uku Luzi lwa Yufulate ukuyafika nu kwapelela insi yonsi.”

Mateo 10:13

Ine ya ng'anda ndi yamuzengela, mutende winu ulaya panoyali, lelo ndi yakana kumuzengela, mutende winu ulamuwelela.

Luka 15:8

“Nanti mwanaci umwi ndi wali ni mpiya ikumi lelo waponzya longa, uzye akacita uli? Uzye atangakozye lukozyo, apyele ng'anda yakwe, nu kulonda monsi kwene, suka aluzane?

Luka 2:14

“Ululumbi kuli Leza mwiyulu papelapela, nu mutende pali yano Leza akuzangilamo.”

Milimo 10:36

Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

Milimo 2:39

Pano ulayo uno Leza walavile uli pali mwemwe na pa ana inu, na pali yano yonsi ali kutali, yano Umwene Leza witu alaama kunoli.”

Loma 10:14

Uzye lyene yangamulenga uli kuti ayazwe ndi yatamutaile? Uzye yangamutaila uli ndi yatuvwa ilandwe lya pali aliwe? Uzye yanguvwa uli ilandwe lya pali aliwe ndi kusi wakuti akosole?

Loma 5:1

Caleka pano twati tuya aololoke pa manso yakwe Leza pamulandu wa utailo, lyene tukweti mutende pakasi kitu na Leza, kupitila mu Mwene witu Yesu Klistu.

2 Kolinto 5:20

Twatumilwe kuya nkombe zyakwe Klistu, Leza umwisikulu akumupapata kuti mupange mutende pakasi kinu na aliwe.

Efeso 4:21

Mwemo muvwa vya pali aliwe. Acino wa alondezi yakwe, mwemo mwasambiliziwe cumi icaya muli Klistu.

Malango 4:7

“Kusi umutundu uze nanti onga, nanti ungakula uli, uno wakwata Leza wao mu pipi wakwe vino Yawe Leza witu waya kunotuli. Wene akatwasuka lyonsi lino twamulaizya.