Efeso 2:11 - Amazwi Yakwe Leza 2013

¹¹ Caleka mwiusye vino mwemo mpiti mwali Akulukuwa. Nupya Ayuda yano akaitumika pano yasilamulwa yene yamanga mwemwe ukuti “Atasilamulwa.”

Efeso 2:11 ပူးပေါင်းရင်းမြစ်များ

Ezekelo 20:43

Alino mulaiusya ivintu vyonsi vyawinyi vino mukacita, navino mukaikowezyako mwe eneco. Ku mwenzo kulasalokwa pamulandu wa vintu viipe vyonsi vino mukacita.

Ezekelo 36:31

Alino mulaiusya imipitile inu iipe yampiti, ni micitile inu yampiti iipe, alino lyene namwe kwene mulavipata pamulandu wa uyi wakwevyo nu winyi wakwevyo.

Mateo 20:7

Nao yamwasuka yati, ‘Pano kusi umwi wakutulemba incito.’ Nawe ayanena ati, ‘Namwe kwene yangini mukaomba mu calo cane ca matingi.’

Loma 11:17

Misambo imwi ya muolivi uno antu yalema yene yaputulwa, nga pa viposi vya misambo iyo palematikwa misambo ya muolivi uwamu mpanga. Mwe Akulukuwa mukoline wa misambo ya muolivi uwamu mpanga ino yalematikweko, nga ndakai mwati mukumako kukupolelelwa kwakuya vilundwa ku Ayuda.

Loma 2:26

Mukulukuwa wino atasilamulwa ndi akayela Masunde, uzye Leza wene atalamulola wa muntu wiya uwasilamulwa?

Loma 2:27

Acino mwe Ayuda mulavunukwa nu muntu wensi atasilamulwa ku mwili, wino akayela Masunde yakwe Leza. Pano musyayela Masunde nanti angala mwasilamulwa ni sunde mukwetu.

1 Kolinto 12:2

Mwamanya ukuti lino mwali antu atataila, mwaponziwe umu nzila zingi mu kupepa tuluwi tusivwanga.

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

Galatiya 2:15

Mu cumi sweswe Ayuda kucivyalilwa nga tusi “Akulukuwa yakaifya,” ndi vino yakaamwa.

Galatiya 6:12

Antu yano akwezya kumupatikizya kusilamulwa yakailanga nu kuitasya. Nupya yakacita vii pakuti yatazunyiwa pamulandu wakukosola vya pa lupanda lwakwe Klistu.

Efeso 2:2

Mwemo mwalondelile misango iipe iya muno nsi. Mwayelanga wino akateeka insi, nupya wakwata maka pa muntu wensi wino asyayela Leza.

Efeso 5:8

Mpiti mwali wa antu akaikala mu mfinzi, lelo ndakai mwemwe antu amu luswepo pano mwemwe antu ya Mwene. Acino mwacita vintu wa antu amu luswepo

Malango 15:15

Mwaiusya ukuti mwemo mwali azya mu mpanga ya Eguputo nga Yawe Leza winu wamukulwile nga imuya antungwa. Uli mulandu uno ndakai nkumupeela ilamulo lii.

Malango 16:12

Mwaiusya ukuti mwali azya mu mpanga ya Eguputo, ali cino fwandi mulinzile ukulondela amalamulo yaa ningo.

Malango 5:15

Uwiusye ukuti watazile uya umuzya mu mpanga ya Eguputo, nu kuti Yawe Leza wako wakufumizye mwenemo ku maka yakwe ataikulila ni kasa lyakwe livunguluke. Caleka Yawe Leza wako watakupeela ilamulo kuti wacindika uwanda wi Sabata.

Malango 8:2

Mwaiusya vino Yawe Leza winu wamutungulwile mu lwendo luu lutali nzila yonsi mu lwanga pa myaka iyapita amakumi yani, ala akumutumila intazi kuti amwezye nga alole ndi mumayelanga amalamulo yakwe.

Malango 9:7

“Mwaiusya cii nupya mutaca mwilile vino mwalenzile Yawe Leza winu ukusoka mu lwanga. Ukufuma sile pa wanda uno mwafumile mu Eguputo kufika na pa wanda uno mwafisile kuno mwemo mwasangukila Yawe.

Filipi 3:3

Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.

Kolose 1:21

Pa nsita imwi mwemo mwali kutali cuze kufuma kuli Leza nupya mwali anisi yakwe pamulandu wa vintu viipe vino mwacitanga na vino mwelenganyanga.

Kolose 2:11

Muli aliwe mwaya kwati mwasilamulwa kusi kusilamulwa, kwa untu, lelo kuzula mikalile iipe kuli kusilamulwa kuno Klistu akacita.

Kolose 2:13

Pa nsita imwi mwemo mwali afwe ku mupasi pamulandu wa maifyo, inu na pamulandu wakuti mwemo mwali atasilamulwa mu myenzo inu, mwali Akulukuwa aula Masunde. Lelo Leza waleka kuti Klistu amucite kuya aumi, lilyo lino watwelezile maifyo itu yonsi.

Kolose 3:11

Kusi upusano pa Akulukuwa nanti Ayuda, musilamulwe nanti asi musilamulwe, mututu, nkakasi, azya nanti antungwa. Lelo Klistu ali vyonsi, wene akaikala muli vyonsi.

1 Samueli 17:26

Davidi auzya aonsi aimi pipi na aliwe ati, “Uzye icani cino yali nu kucitila umuntu alakoma umwina Filisti wi, pa kufumya akalanda nu kuzewana kwa ina Izlaeli? Umwina Filisti wi, wino atasilamulwa, icani cino angacuzizya ivita vyakwe Leza wa umi nu kuvituka?”

1 Samueli 17:36

Nemo nakoma yacisama ni vinyama ivyakolana ni viuli, nga ndacita icili cimwi kwene ku mwina Filisti wii atamanya Leza, nupya wino wasausya ivita vyakwe Leza.