Efeso 1:18 - Amazwi Yakwe Leza 2013

¹⁸ Nkulenga kuti Leza akozya luswepo mu myenzo inu na kuti mumanyikisye upaalilo uno wamwamilako nga nu kumanya ukama wa lulumbi lwa kupyana vintu vino Leza walaya antu yakwe,

Efeso 1:18 ပူးပေါင်းရင်းမြစ်များ

Yobo 42:5

Mpiti nakumanyile ukupitila muli vino nuvwanga kuli yauze. Ilelo lyene, awe nakulola na manso yane ntontonto!

Masamu 119:18

Njulile amanso uleke ndole ivinjelengwe ivyaya umu masunde yako.

Ezaya 11:2

Alino Mupasi wakwe Leza aliza aikalilile penepo, Mupasi wa malango nu wa kwiluka. Mupasi wa kupanda amano nu wa maka, Mupasi wa kumanya ivintu nu koopa Yawe.

Ezaya 29:10

Pano Yawe wataleka ukuti mwemo mwasipula, mupone nu mutulo twa mfwa. Yakasema ali yano yalaatungulula antu, lelo Leza wene wayazyatika amanso.

Ezaya 29:18

Mu wanda ulya yacipuuli yalauvwa kuno yalawelenga ulupapulo longa. Ni mpafu zino pa manso pafita fititi, nazyo lyene zilalolekesya.

Ezaya 32:3

Lyene amanso yakwe yayo akalola yatalazyata awe, na makutwi yakwe yao alalondesya kuuvwa yalakomoka.

Ezaya 42:7

Ulapozya impafu amanso, nu kusapula anyepwe umu ng'anda yaminyololo, nu kuleka yayo aikala mu mfizi yaye antungwa.

Ezaya 6:10

Alino nupya anena ati, “Taa, leka antu yayo yaye muli sisi, yapulamike amakutwi, uyavimbe na pa manso, apakuti yatalola nu kuvwa yatuvwa, nupya yatailuka ni vintu. Pano limwi yangazenzuka nu kupola yapole.”

Mateo 13:15

pano mano yao yakupwa, nga yacilika na matwi yao, na manso yao yazyata. Pano limwi manso yao yangalola, na matwi yao yanguvwa, nu kumanya yangamanya ningo, nu kuzenzuka yangazenzuka, nani ningayapozya.’

Mako 10:17

Lino Yesu watandika kupita, umuntu asimula kunoli, aya afukama amuuzya ati, “Kasambilizya musuma, uzye icani cino ndinzile kucita kuti mpokelele umi wape?”

Luka 24:45

Lyene akupulula myenzo yao kuti yamanye malembelo.

Milimo 16:14

Wenga wamuli yao atuvwile wali a Lidya uwafumile ku Tiatila, kakazya wa nsalu zyakwe cikuwe. Wali umwanaci uwapepanga Leza, nu Mwene wayuzile amano yakwe kuti auvwe kuli vino Paulo wavwanganga.

Milimo 26:18

Uli nu kuyayula amanso, kuti yafume mu kanda iize ku luswepo, na kuti yafume mu maka yakwe Ciwa iize kuli Leza, na kuti maifyo yao yelelwe kupitila mu utailo wao munondi, nga yapokelele cifulo pamwi na antu yano Leza wasola ukuti yaye akwakwe.’

Loma 11:29

Pano Leza asyasenuka pali wino wasolola nu kupolelela.

Loma 2:4

Nanti uzye ukasula kuvula kwa luse lwakwe Leza na vino akatutekela mwenzo? Uzye utamanyile vino Leza ali nu luse kunuli kuti akutungulule ku kuzenzuka?

2 Kolinto 4:4

Yene yatataila, pano Satana wino ali leza uwa nsi ii, walesyanya kuti yatalola luswepo ululi Ilandwe Lisuma lya pali Klistu uwa lulumbi.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

Galatiya 5:5

Lelo swemo, upaalilo witu uwakuti Leza alatucita kuya aololoke pa manso yakwe. Na cii, acino tukulolela nu kusininkizya mukuomba kwakwe Mupasi Wamuzilo mu utailo witu.

Efeso 1:11

Vintu vyonsi vikacitwa kulingana na vino Leza wateyanya. Wene watusolwile kuti tuye antu yakwe muli Klistu. Wene wacisile cii pamulandu wi pange lyakwe, lino limikwa pali vino wasolwile kufuma nu ku utandiko.

Efeso 1:7

Pano Klistu wakomilwe pakuti wazi wakwe uye impolelwa yakutulenga kuya antungwa, cii cikusenula vino ndakai maifyo itu yelelwa. Klistu wacisile cii pamulandu wakuti Leza wali ni

Efeso 2:12

Mu nsita ilya mwemo mwali mutali mumanye vyapali Klistu. Mwemo mwali ainamasi pakasi ka ina Izlaeli, nupya mutali antu asololwe yakwe Leza. Mutakweti mbali imwi mu vipangano vino vimikwe pa malayo yakwe Leza ku antu yakwe. Nupya mwatenzi munonsi kwaula upaalilo nanti Leza.

Efeso 3:16

Nkalenga ukuti Leza, kulingana nu kucindama kwa ukama wa cikuku cakwe, amukomye na Mupasi wakwe kuti muye akomeleke mu myenzo.

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

Efeso 4:1

Caleka nemo, ne munyepwe pamulandu wa kutumikila Umwene, nkumupapata kuti wikazi nu umi winu viye kulingana nu mwata wa lwamo luno mwamilwe.

Efeso 4:4

Kwaya mwili onga nu Mupasi onga ndi vino kwaya upaalilo onga uno Leza wamwamileko.

Efeso 5:8

Mpiti mwali wa antu akaikala mu mfinzi, lelo ndakai mwemwe antu amu luswepo pano mwemwe antu ya Mwene. Acino mwacita vintu wa antu amu luswepo

Filipi 3:14

Caleka nkasimwila ulunga ni cikongwani kuti ince mpelwe cilambu kwiyulu, icili ulwamo lwakwe Leza muli Klistu Yesu.

Kolose 1:12

taizyini Leza Tata, wino uwamucita kuya alinge kukumako ku wankanyo wa upolelelo uno Leza wasungila antu yakwe mu nsi ya luswepo.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.

Kolose 1:5

Utailo nu kutemwa vyoili vimikwa pali cino mukapaalila cino Leza wamusungila kwiyulu. Muvwile pa upaalilo lino Ilandwe lya cumi, Ilandwe Lisuma lyakosozilwe nkolelo kuno muli.

Kolose 2:2

Nkucita cii kuti nkomelezye myenzo yao yalundana pamwi mu kutemwa, yene yalapolelelwa pa kupelwa kumanyikisya. Alino yalamanya Klistu ningo.

Kolose 3:15

Mutende uno Klistu akapeela uwa kutungulula myenzo inu. Leza wamusolwile kuti mwikale mu mutende kwene uu, pano mwemwe vilundwa vya mwili onga. Nupya mulinzile mwataizya.

1 Tesalonika 2:12

Swemo twamukomelizye, twamutekizye myenzo nu kutwalilila kumupapata kwikala umi uno ukazanzya Leza, wino uwa mwama kuti mukumeko ku Wene nga nu lulumbi lwakwe.

1 Tesalonika 5:8

Lelo swemo sweswe antu amu luswepo, nupya tutalinzile kukoleka. Tulinzile kukwata utailo nu kutemwa kuno kukoline wa cela ca kucingilila cisao. Alino upaalilo witu uwa kutuulwa nao ulinzile kukolana wa cimpompo.

2 Tesalonika 1:11

Uli mulandu uno tukamupepela lyonsi. Swemo tukalenga Leza witu kuti amucite kuya alingane kwikala umi uno wene wamwamako. Lekini Leza mu maka yakwe yonsi, afikilizye kulonda kwinu kwakucita visuma nga nu kuti utailo uleke mucite vivyo.

2 Tesalonika 2:16

Mwene witu Yesu Klistu, na Leza Tata wino watutemwa, nupya mu cikuku cakwe watupeela ukomelezyo nu upaalilo,

1 Timoti 6:12

Lwisya ulwi usuma wa kusunga utailo, kuti uilonkele umi wape. Pano ku umi uu akuno Leza wakwamile lilyo lino wemo kwaula kutwisika waizumilile utailo wako pa manso yakwe yakambone aingi.

Tito 2:13

lino tucili tukulolela Wanda upolelelwe uno tukupaalila, lilyo lino lulumbi lwakwe Leza mukulu na Katuula witu Yesu Klistu lulaloleka.

Tito 3:7

Leza wacisile cii pakuti mu cikuku cakwe amuno tungacitwa kuya aololoke pa manso yakwe na kuti tukwate umi wape uno tukapaalila.

Ayebulai 10:32

Iusyini vintu ivya mucitikile ku mpiti. Mu manda yaya, pacisila lino luswepo lwakwe Leza lwayengesile panomuli, mwemo mwacuziwe mu vintu vingi lelo mutacimviwe mukulwisya kwinu.

Ayebulai 6:4

Pano uzye yao afutatila utailo wao yangaweziwa uli nu kuzenzuka? Yene yapisile mu luswepo lwakwe Leza, nupya yapokelile uwila kufuma kwiyulu nu kuyankanyako Mupasi Wamuzilo.

1 Petulo 1:3

Lekini tutaizye Leza Isi wa Mwene witu Yesu Klistu! Wene watupeela umi upya pamulandu wa mizu yakwe akulu cuze. Wene wacisile cii lino walenzile kuti Yesu azyukuke kufuma ku afwe. Wene watupeela umi upya nga nu upaalilo uno usyasila.

1 Petulo 3:9

Mutawezezyanya viipe nanti ntipu. Lelo ndi umwi wamucitila ciipe, mwemo mumupolelele. Pano kupolelelwa akuno Leza wamulavile lino wamusolwile.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.