Efeso 1:17 - Amazwi Yakwe Leza 2013

¹⁷ nu kuuzya Leza wa Mwene witu Yesu Klistu, Tata uwa lulumbi, kuti amupeele Mupasi Wamuzilo. Wiyo alalenga kuti mwemo muye na mano nupya alasokolola Leza kunomuli, pakuti namwe mungamumanyikisya.

Efeso 1:17 ပူးပေါင်းရင်းမြစ်များ

1 Milandu 29:11

We Yawe, wewe mukulu nupya uwamaka, uwalulumbi, nu usambazi. Pano ivintu vyonsi umwiyulu na pano nsi ivyakwako. Uwene uwakwako we Yawe. Wewe uli mukulu mpo pa vintu vyonsi.

Yobo 42:5

Mpiti nakumanyile ukupitila muli vino nuvwanga kuli yauze. Ilelo lyene, awe nakulola na manso yane ntontonto!

Masamu 24:10

Uzye fwandi Umwene walulumbi kwene wiyo aweni? Yawe Wamaka yonsi, ali Mwene wa lulumbi.

Masamu 24:7

Yulikini mwe mpongolo, yulikini mwe milyango yampiti, kuti umwene walulumbi aingilemo.

Masamu 29:3

Izwi lyakwe Yawe likuvwika pali yayemba. Leza wa lulumbi, umucindami akupangalansya, Yawe akuuvwika wa kupanta kwa mvula pali yemba mukulu.

Kufuma 28:3

Ama antu yonsi amanya kusuma, yano napeela amano, kuti yasumile Aaloni vyakuzwala pakuti angapaatulwa wakwe simapepo uwamu mulimo wane.

Mapinda 18:15

Umwenzo uno wiluka ukalundapo ukusambilila, ni kutwi lya mucenjele likalonda ukutailwa.

Mapinda 2:5

Ndi wacita vivyo, lyene uliluuka ukoopa Yawe vino kwaya, nu kuzana vino ukumanya Leza kwaya.

Ezaya 11:2

Alino Mupasi wakwe Leza aliza aikalilile penepo, Mupasi wa malango nu wa kwiluka. Mupasi wa kupanda amano nu wa maka, Mupasi wa kumanya ivintu nu koopa Yawe.

Yelemiya 2:11

Uzye kwatala kwaloleka umutundu uno ukakauzya tuleza twakweo utuluwi, nanti angala tusi utwampomvu?

Yelemiya 24:7

Ndayapeela umwenzo wakumanya ukuti nene indi Yawe. Yene yalaya antu yane, nga nani ndaya Leza wao, pano yalaweluluka kunondi ni myenzo yao yonsi.’”

Yelemiya 31:34

Alino kutalaya nu kusundana foo. Umwi atalanena umuze nanti umwina ukuti amanye Leza, pano yalamumanya yonsi pyu ukutandikila ku mucepesye ukufika nu ku asambazi kwene. Pasi pano ndayayela uluse ku maifyo yao. Ntalatala nupya niusye amaifyo yao.” Ivyalanda Yawe.

Yelemiya 9:24

Ndi umwi akasi kuyuvwa, alinzile wayuvwa apakumanya nene nu kwiluka vino naya, pamulandu wakuti nene indi Yawe wino akacita uluse. Nupya nkacita vyaulungami ni vyaololoke umu nsi, pano vii vili vintu vino vikanzanzya. Ivyalanda ne Yawe.”

Danieli 10:1

Mu mwaka wakwe citatu wakuteeka kwakwe Kilusi umwene waku Pesya, uumbwilo wapilwe kuli Danieli (wino watemilwe izina lyakuti Belitesyazali). Ilandwe lyauko lyali lyacumi lelo lyali ilitale wakwe cimwi ukuvwa. Lyene lyalondolwilwe kuli Danieli mu cilolwa.

Danieli 5:11

Mu wene wako muli umuntu wino akweti umupasi wakwe yaleza amuzilo. Mu manda yakwe so wene wazanyilwe ukuti umulamoke nupya umucenjele nu wa mano wakwe yaleza yaya. We Mwene Nebukadineza, so, wamulasike ukuya umukalamba wa mamanyamano, na yakasapoola, na yao akasambilila vikumile intanda na yao akauzya ku mipasi.

Mateo 11:25

Pa kasita kaka Yesu avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile.

Mateo 11:27

“Tata wampeela vintu vyonsi. Pasi nanti wenga uwamanya Mwana suka sile Tata, nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.

Mateo 16:17

Yesu amunena ati, “Walongo a wewe, Simoni mwana wakwe Yoane. Pano pasi umuntu uwataumbula cii kunuli. Lelo Tata uwa mwiyulu uwatakuumbwila.

Mateo 20:33

Nazyo zimunena ziti, “Mwene, tukulonda kuti twalola.”

Mateo 6:13

Utaleka tuponele mukweziwa kukome lelo ututuule ku Mwipe wilya.’

Luka 12:12

Pano Mupasi Wamuzilo alamumanyisya pa nsita ilya pali vino muli nu kuvwanga.”

Luka 2:14

“Ululumbi kuli Leza mwiyulu papelapela, nu mutende pali yano Leza akuzangilamo.”

Luka 21:15

pano ndamupeela mazwi nga na mano kuti patakaye nanti wenga uwamu anisi inu alakana nanti kupilika vino mulavwanga.

Yoane 14:17

Wene a Mupasi wa cumi, wino akasokolola cumi ca pali Leza. Antu atemwa sile vya nsi yatangamuzengela, pano yatangamulola nanti kumumanya. Lelo mwemo mwamumanya pano akaikala namwe, nupya amaikalanga munomuli.

Yoane 14:26

Lelo kaazwa, Mupasi Wamuzilo, wino Tata alatuma mwi zina lyane, wene alamusambilizya vintu vyonsi nu kumwiusya vyonsi vino namunena.

Yoane 16:3

Antu yalacita vintu vii kunomuli pano yatamanya Tata, nanti anene.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Yoane 20:17

Yesu amunena ati, “Utandemamo pano ntali nkwele inje kuli Tata. Lelo yanga ku inane ukayanene vino nkukwela inje kuli Tata, ali So, Leza wane nupya Leza winu.”

Milimo 6:10

Lelo yaposiwe kumutonsya pano Mupasi Wamuzilo wamupile amano yakuvwangilamo.

Milimo 7:2

Sitivini aasuka ati, “Inane na yatata, uvwini kunondi! Leza wa lulumbi walolike kuli Abulaamu cikolwe citu, lino wikalanga ku Mesopotamya, ala atali aye ku kwikala ku Halani,

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Loma 15:6

Lyene mwensi pamwi mwalumbanya Leza, Isi wa Mwene witu Yesu Klistu.

1 Kolinto 12:8

Mupasi Wamuzilo akapeela umuntu umwi maka akulanda vya mano, nga Mupasi Wamuzilo ali umwi kwene akapeela umuntu muze maka akulanda mazwi akusambilizya.

1 Kolinto 14:6

Caleka, inane, ndi naca niza kunomuli nu kulandila mu ndimi zitamanyika, uzye cingamwazwa uli? Awe, citangamwazwa, suka sile ndi namuletela umbwilo umwi kufuma kuli Leza nanti kumanya kumwi, nanti kusema kumwi, nanti usambilizyo umwi.

1 Kolinto 2:10

Lelo Leza wasokolola nkama yakwe kunotuli kupitila muli Mupasi Wamuzilo. Mupasi Wamuzilo wamanya vyonsi, vizike vya mapange yakwe Leza.

1 Kolinto 2:8

Kusi kateeka nanti umwi uwamanyile cimwi pa mano yaa. Ndi yakateeka yamanyile mano yaa, yatange yatane Mwene wa lulumbi pa lupanda.

2 Kolinto 12:1

Namaitumika, nanti angala musi cimwi cino ningalonka mukuitumika. Lelo ndakai namalanda pa vilolwa vino Mwene wampile nga ni vintu vino wene waumbula kunondi.

Efeso 1:3

Lekini tutaizye Leza nupya Isi wa Mwene witu Yesu Klistu! Pano muli Klistu amuno wene watupolelela pa kutupela upolelelo onsi uwa mupasi kufuma mwiyulu.

Efeso 3:5

Mu manda yampiti kutali umuntu nanti wenga uwamanyile nkama ii, suka lino Mupasi Wamuzilo waisokolwile ku atumwa na yakasema.

Efeso 4:13

Cii cilatwalilila kufika lino twalemana kupitila mu utailo nga nu mukumanyikisya Mwana wakwe Leza. Lyene tulaya afumaluke, ndi vino Klistu ali, nupya tulakolana na aliwe cuze.

Filipi 3:15

Swensi kwene swe muno twakula ku vya mupasi tulinzile kukwata kwelenganya kuu. Lelo ndi yamwi munomuli yakweti kwelenganya kuze, Leza alalenga kuti cii cimanyikwe paswe kunomuli.

2 Timoti 2:25

Uye mufuke lino ukulungika yao akukulwisya, pano limwi Leza angayapeela insita yakuzenzuka nu kumanya cumi.

Tito 1:1

Kalata kufuma kuli ne Paulo, muomvi wakwe Leza nupya mutumwa wakwe Yesu Klistu. Nasolwilwe nu kutumwa ku kwazwa antu yakwe Leza asololwe kuti njatungulule ku utailo, yamanye cumi cingayalanga vino yangatumikila Leza.

Yakobo 2:1

Inane, mwemo mwataila muli Yesu Klistu Mwene witu uwa lulumbi. Acino mutalinzile kukwata kasoozi pa antu kulingana na vino yakaloleka kunzi.

2 Petulo 1:3

Leza mu maka yakwe watupeela vyonsi vikalondekwa kuti mucumi twikale umi uwa kupepa. Cii cacitika apa kumanya kuno twamanya wiyo uwatwama kuti tukume ku lulumbi nga nu ku usuma wakwe.

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.

Umbwilo 7:12

“Ameni! Kulumbanyiziwa, lulumbi, mano, kutaizya, mucinzi, maka nu ulamba vyonsi ivyakwe Leza witu manda pe! Ameni!”