Efeso 1:16 - Amazwi Yakwe Leza 2013

¹⁶ ntatala nata kutaizya Leza pamulandu winu. Nemo nkaiusya kumupepela nga

Efeso 1:16 ပူးပေါင်းရင်းမြစ်များ

Utandiko 40:14

Lelo ukanjiusye lino vyonsi vyakuzipila, nupya napapata ukaye nu luse kunondi apakutaka izina lyane kuli Falao, kuti ukalenge nani nkafume mu ng'anda ii yaminyololo.

Ezaya 62:6

Nemo ne Yawe, namaika yakalinda pa malinga yako. Nayo yataezya ukwikala cele usiku nu musanya. Yalinzile ukunjiusya apakukana ilila vino namulaya.

Kolose 1:3

Lyonsi lino tukamupepela, swemo tukataizya Leza Isi wa Mwene witu Yesu Klistu.

Kolose 1:9

Pamulandu kwene uu swemo tukamupepela, kufuma pa wanda uno tuvwile vya pali mwemwe. Tukulenga Leza kuti amupeelesye umanyililo wa kucita kulonda kwakwe, mu mano yonsi nu kuvwikisya vino Mupasi Wamuzilo akapela.

1 Tesalonika 1:2

Swemo tukatwalilila kutaizya Leza pamulandu winu mwensi nu kutaka Mwene lyonsi mu mapepo itu.

1 Tesalonika 5:17

pepini nsita zyonsi,

2 Tesalonika 1:3

Mwe ina itu, tulinzile kutaizya Leza nsita zyonsi. Catuzipila kucita cii, pamulandu wakuti utailo winu ukukula cuze nga nu kutemwana pakasi kinu kukukulilako.

1 Samueli 12:23

Nemo ne Samueli, cipelele ukutali ukwifya Yawe pa kuposiwa ukupepela mwemwe. Namamusambilizyanga imiyele isuma nupya iyampomvu.

1 Samueli 7:8

Alino iyanena Samueli iyati, “Ule utwalilile ukupepa kuli Yawe Leza witu kuti atutuule ku ina Filisti.”