Efeso 1:11 - Amazwi Yakwe Leza 2013

¹¹ Vintu vyonsi vikacitwa kulingana na vino Leza wateyanya. Wene watusolwile kuti tuye antu yakwe muli Klistu. Wene wacisile cii pamulandu wi pange lyakwe, lino limikwa pali vino wasolwile kufuma nu ku utandiko.

Efeso 1:11 ပူးပေါင်းရင်းမြစ်များ

Yobo 12:13

Lelo Leza aliwe waya na maka nga na mano. Tungapandwa amano nu kusambilila umpandamano kunoli.

Yobo 33:29

“Fwandi vivyo vyonsi, ali vino Leza wacitila antunze amaila avule umu wikazi wao.

Masamu 37:18

Yawe akawaka amanda ya muntu musuma, ni vyuma vino wapyana vilayelelela.

Mapinda 8:14

Nene ndi ciinda akapanda amano, umweneco wa mano ampomvu. Anene wakutaila pano nkauvwikisya ningo ivintu, nupya inkweti na maka avule cuze.

Ezaya 25:1

We Yawe, wewe uli Leza wane. Namakulumbanya nupya namalumbanyanga izina lyako. Pano wemo wacita ivintu vyakuzunguka, umu ufumacumi, ivintu vino wapanzile ukucita na mpiti.

Ezaya 28:29

Amano akuombela vivyo vyonsi wafumya kuli Yawe Wamaka yonsi. Vino Leza wateyanya ivyamano yatupu nupya vikaomba ningo insita zyonsi!

Ezaya 5:19

Apali ponga na yayo atemwa ukuvwanga yati, “Si Leza ale acincile ale, apitisye ukucita vino akalonda ukucita, uleke tumulozye. Leza wamuzilo uwa ina Izlaeli si alukucita vino wapanga ukucita! Katulole ivyaya mu mano yakwe.”

Yelemiya 23:18

Nga alino nani navwanzile inti, “Pasi nanti wenga pali yakasema yaa wino watala wamanya inkama zya melenganyo yakwe Yawe. Pasi nanti wenga wino watala uvwa nanti ukutezya ilamulo lyakwe, nanti sile ukuvwa nu kusumba amano kuli vino akavwanga.

Yelemiya 32:19

Kunuli wakula wakwe cimwi mu vicitwa vyako. Ala wewe musambazi mu vicitwa vyako vyonsi.

Zakaliya 6:13

Aliwe kwene alankuulila Ng'anda yane ikulu ne Yawe, nupya alacindama wa mwene wa muno nsi, wiyo alaateeka na antu yakwe. Alakwatapo simapepo wenga wino alaaimilila pa cilimba cakwe ca wene, yonsi yoili yalauvwana nu kuombela ca pamwi mu mutende.

Milimo 13:48

Lino Akulukuwa yuvwa cii, yazanga nu kutasya ilandwe lya Mwene. Na yao yonsi yano Leza wasolwile kuti yaye nu umi wape, yataila mu Mwene.

Milimo 2:23

Leza, ukulingana nu kulonda nga nu kumanya kwakwe, wasolwile mpiti kuti Yesu apelwe kunomuli, nga namwe mwamukomile apakuleka antu yankota yamutane pa lupanda.

Milimo 20:27

Pano ntamufisanga cimwi lelo namunena vyonsi vino Leza akalonda kuti mucite.

Milimo 20:32

“Lyene ndakai namwika mu makasa yakwe Leza, mwikale nu mwi Landwe lya cikuku cakwe, ilili nu kumukuula nu kumupeela upolelelo uno Leza wasungila antu yakwe onsi.

Milimo 26:18

Uli nu kuyayula amanso, kuti yafume mu kanda iize ku luswepo, na kuti yafume mu maka yakwe Ciwa iize kuli Leza, na kuti maifyo yao yelelwe kupitila mu utailo wao munondi, nga yapokelele cifulo pamwi na antu yano Leza wasola ukuti yaye akwakwe.’

Milimo 4:28

Yakongine kuti yacite vino wewe wemwisikulu wateyinye mpiti ku maka na mano yako, kuti vicitike.

Loma 11:34

Ndi vino calembwa mu malembelo cati, “Uzye aweni wamanya mano yakwe Leza? Uzye aweni angamupanda mano?

Loma 8:17

Lyene pano twaya ana yakwe Leza tulapokelela upolelelo uno walaya antu yakwe nu kwiza pokelela pamwi na Klistu vino Leza wamuteyanyizizya. Pano ndi twakuma ku kucula pamwi na Klistu ale tulakumako nu kululumbi lwakwe kwene.

Loma 8:28

Nupya twamanya ukuti mu vintu vyonsi Leza akaomba kuti vizipile yao amutemwa. Yao ali yano Leza waama pano lyali lili pange lyakwe.

Loma 8:29

Pano yano Leza wasolwile calimwi ayano wapaatula kuti yaye wa Mwana wakwe, pakuti Mwana aye iyeli lya ina aingi.

Loma 8:30

Caleka yano Leza wasolwile, ali yano waama. Na yao yano waama ayano wacita kuya aololoke pa manso yakwe, nga nu kuyapelako lulumbi lwakwe.

Loma 9:11

Lelo lino ana yaa yatali kuti yavyalwe nanti kucita cisuma nanti ciipe, Leza wanenyile Labeka ati, “Silenzi alatumikila muto.”

Galatiya 3:18

Pano ndi tukuyela Masunde pakuti tupokelele upolelelo wakwe Leza, lyene ale mu cumi upolelelo uwo utakupelwa kunotuli pamulandu wa ulayo wakwe Leza. Lelo cali apamulandu wa ulayo wakwe acino Leza wapile upolelelo kuli Abulaamu.

Efeso 1:14

Mupasi Wamuzilo ali cisininkizyo cakuti tulapokelela vintu vino Leza walaya antu yakwe, nupya cii cikusininkizya kunotuli ukuti Leza alapeela untungwa ufumaluke kuli yao akwakwe. Lekini tulumbanye lulumbi lwakwe!

Efeso 1:18

Nkulenga kuti Leza akozya luswepo mu myenzo inu na kuti mumanyikisye upaalilo uno wamwamilako nga nu kumanya ukama wa lulumbi lwa kupyana vintu vino Leza walaya antu yakwe,

Efeso 1:5

Leza wasolola mpiti kutucita ana yakwe kupitila muli Klistu. Cii camuzanzizye umwisikulu mwi pange lyakwe.

Efeso 1:8

cikuku civule kunotuli. Mano nga nu kumanyikisya kwakwe Leza, vyaya vikulu cuze,

Efeso 1:9

nga kupitila muli vino Klistu wacita, Leza watulanga mapange yakwe ankama.

Efeso 3:11

Leza wacita cii, kulingana nu kuteyanya kwa mwi pange lyakwe manda pe, lino wafikilizya muli Klistu Yesu, Mwene witu.

Malango 4:20

Lelo mwemo, Yawe wamutozile amufumya mu mpanga ya Eguputo, muno mwali kwati umwi lungu lya moto. Aliwe wamufumizye pakuti mungaya antu yakwe kololo, wakwe vino muli apilelo.

Kolose 1:12

taizyini Leza Tata, wino uwamucita kuya alinge kukumako ku wankanyo wa upolelelo uno Leza wasungila antu yakwe mu nsi ya luswepo.

Kolose 3:24

Mwiusye ukuti Mwene alamupeela icilambu, na cico upolelelo uno wasungila antu yakwe. Pano mucumi Klistu ali Musambazi wino mukatumikila.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Tito 3:7

Leza wacisile cii pakuti mu cikuku cakwe amuno tungacitwa kuya aololoke pa manso yakwe na kuti tukwate umi wape uno tukapaalila.

Ayebulai 6:17

Nakuli yao ali nukupokelela vino Leza walavile, umwisikulu walondanga kulanga paswe ukuti atalatala asenule pange lyakwe. Caleka waomvizye mulapo pa kulaya.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

1 Petulo 1:4

Caleka tukulolela kupokelela ukama wa upolelelo uno Leza wasungila antu yakwe. Kupolelelwa kuu konsi kwasungwa na aliwe mwiyulu, nupya kutangaola nanti kononeka nanti kulowa.

1 Petulo 3:9

Mutawezezyanya viipe nanti ntipu. Lelo ndi umwi wamucitila ciipe, mwemo mumupolelele. Pano kupolelelwa akuno Leza wamulavile lino wamusolwile.