Danieli 9:26 - Amazwi Yakwe Leza 2013

²⁶ Alino apa mpela ya nsita ilya Musololwe Wilya wakwe Leza alakomwa mu kufyengwa. Umusumba kumwi ni Ng'anda ikulu yakwe Leza yalavyonona ku vita vya mwene wa maka vino viliza. Impela iliza wa mukuku, nga ilaleta inkondo nu ononesi vino Leza wateyanya.

Danieli 9:26 ပူးပေါင်းရင်းမြစ်များ

2 Samueli 21:5

Nayo yaasuka umwene yati, “Saulo walondanga ukutukoma ukwaula kusya umwi umupuma apali ponsi mu mpanga ya Izlaeli.

Masamu 22:15

Icikolomilo cane caticuma wa lukungu, nu lulimi lwane lwatilulematila ku kanwa. Watunsya wa mufwe umu lukungu lwa mfwa.

Ezaya 28:2

Yawe alipo na umwi wiyo wamaka wino amatuma ku kuyazanza. Amaiza kunoyali wa mvula ya mawe, wa mvula ya cipunga nupya yakwe mulamba uwatauwa nu kwiza unzya impanga.

Ezaya 28:22

Ali cino fwandi mwemo mutaseka kwati ivintu vimwi ivyamyawe, vino nemo nkumunena! Ndi cakuti mumacita vivyo, awe cumi cilamucuzya ukulola umwakupusukila. Nemo ne Ezaya natinjuvwila kuno umusambazi Umwene Wamaka yonsi akupanga ukonona insi yonsi.

Ezaya 53:8

Yamulemile sile nu kumupingwila ukufwa, ukwaula nanti umwi uwakumuvwangila. Yamukomile pa maifyo itu.

Ezaya 8:7

acino Mwene wasya ayaletele umwene waku Asilya ni vita vyakwe, yayo aliza wa mukuku wa manzi ya Luzi lwa Yufulate nu kwiza yapongwela.

Yelemiya 46:7

“Aweni wiya uwakatuka ungati a Nailo, ungati inguzi zya manzi akasambela uku vituntu?

Yelemiya 51:42

Yemba watakatukila Babiloni na maimbi yakwe yano yatiyakatuka yakumutuwizya.

Danieli 11:10

“Ana yakwe aonsi yalaiteyanya ku kulwa inkondo nu kukolonganika impuka ya vita ikulu. Umwana wenga pali yayo alafuma watauwa wa mukuku nga alwisye umusumba wa anisi uwa malinga.

Danieli 11:17

“Umwene waku Silya alaya ni lango lya kuweluluka, ala akuomvya impuka yakwe yonsi ya vita. Lyene apakuti angonona uwene wa mwanisi wakwe, wene alalemana pamwi na aliwe nu kumupomela umwanakwe umwanaci. Lelo ilango lyakwe litalafikiliziwa.

Danieli 11:22

Ali wensi wino alamusangukila, nanti angaya a Simapepo Mukulu wakwe Leza, wene yalamukoma nu kumulovya.

Danieli 11:36

“Umwene waku Silya alacita ndi vino akasi. Wene alaitakizya ukuti umukulu kuluta Leza ali wensi, nupya alusile Leza Wapapelapela. Wene alacita cico ukufika lino Leza alamuvunuka. Leza alacita ndi mumu kwene muno wetetwile ukucita.

Danieli 9:27

Kateeka wilya alacita cipangano ningo na antu avule pa myaka cinimbali, nga lino citika wa nsita ii wapita, wene alaleta impela ku kupeela kwa mpolelwa na mawila. Caononyi Cawinyi cene cilimikwa pa kansonsi ka Ng'anda ikulu yakwe Leza nga cilasyala papa kwene ukufika lino impela ino Leza wamuteyanyizizya ilafika.”

Oseya 1:9

Lyene Yawe anena Oseya ati, “Mutemele izina uti, ‘Asi antu yane,’ pano mwe ina Izlaeli musi antu yane, nani insi Leza winu.”

Amosi 8:8

Acino insi ilatenkana, nga nu muntu wensi mu mpanga alanyunguluka! Impanga yonsi ya pansi ilasunkana wa Luzi lwa Nailo, yene ilakatuka nu kupona wa luzi lwa Nailo waku Eguputo.”

Amosi 9:5

“Mwene, Yawe Wamaka yonsi, akakumya insi nga nayo itenta, nga yonsi aikala mwenemo iyalila. Insi yonsi ikatuka nu kupona wa luzi lwa Nailo.

Naumi 1:8

Lelo wakwe mulamba uwa mukuku, Yawe akalovya anisi yakwe. Na yao akamusangukila wene akayazingila ku mfwa.

Mateo 22:2

“Uwene wa mwiyulu wakolana ni cacitike lino mwene umwi wacitile mwana wakwe cimulo ca winga.

Mateo 22:7

Lelo Mwene asoka cuze, nga atuma asilika yakwe kuya koma inkomi zizyo nu kooca misumba yao iikulu.

Mateo 23:38

Acino Ng'anda inu ikulu yakwe Leza ilasyala citotela.

Mateo 24:2

Lelo Yesu ati, “Endi, mukulola vikulwa vii vyonsi. Cumi namunena, vino kutalaya iwe nanti lyonga ililasyala pi we lyuze. Yonsi kwene yalomoolwa.”

Mako 13:2

Yesu amunena ati, “Uzye walola vikulwa vii vikulu cuze? Kutalaya iwe nanti lyonga ililasyala pi we lyuze. Yonsi kwene yalomoolwa.”

Mako 13:7

Lino muluvwa nkondo nga ni mpupilizi zya nkondo kutali, mutakasakamale. Vintu vii vilinzile kucitika, lelo visikulanga ukuti mpelelekezyo yatifika.

Mako 9:12

Yesu nawe aasuka ati, “Cumi, Eliya akwiza inkolelo kuti alungike vintu vyonsi. Uzye pacani amalembelo yakati Mwana wa Muntu ali nu kucula cuze nga nu kuzewana?

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Luka 21:6

“Kasita kaliza kakwe vii vyonsi vino mukulola lino kutalaya iwe nanti lyonga ililasyala pi we lyuze. Yonsi kwene yalomoolwa.”

Luka 24:26

Uzye citalondekwanga ukuti Katuula uwalavilwe acule mu vintu vii nga alino aingile mu lulumbi lwakwe?”

Luka 24:46

Alino ayanena ati, “Calembwa ukuti, Katuula uwalavilwe alinzile kucula. Na pa wanda wakulenga yatatu alazyukuka kufuma ku afwe,

Yoane 14:30

Ndakai ntangalanda namwe pa nsita ntali pano kateeka wa nsi ii akwiza. Wene asi na maka munondi.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

1 Petulo 2:21

Leza uwamusolwile kuti mupite mu macuzi lino mukulondela mu ntampulo zyakwe Klistu. Wene wamupeela cilangililo ca kucula kwakwe pamulandu winu.

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.