Danieli 9:19 - Amazwi Yakwe Leza 2013

¹⁹ We Mwene, ule utuvwe! Mwene utwelele! Mwene, uvwa kunotuli nu kucitapo cimwi! Si cincila apakuti umuntu wensi amanye ukuti wewe uli Leza! Umusumba uu uwakwako kumwi na antu kwene yaa.”

Danieli 9:19 ပူးပေါင်းရင်းမြစ်များ

2 Milandu 6:21

Uwauvwa amapepo yane na mapepo ya antu yako aina Izlaeli lino yamaizanga mwenemo uku kupepa. Na lino uvwa amapepo yao, uwaelela.”

2 Milandu 6:39

wemo uwauvwa amapepo yao nu kupapata kwao, ukwako kuko ukwiyulu kuno wikala. Uwaelela antu yako, yano yakwifya.

Ezaya 43:7

Ya yonsi yakaamilwa kwi zina lyane, nene nayaumvile kuti yampela ululumbi, nayapanzile nu kuyapeela umi.”

Yelemiya 14:7

Antu yane yakundilila, yati, “Nanti angala amaifyo itu yakutusinila, we Yawe ule utwazwilizye sile ndi muno walavile. Twifya wakwe cimwi kunuli, na ucisanguka witu wapitilila.

Yelemiya 14:9

Pacani cino wayela wa muntu uwataulizya amano, nanti wa musambazi wino atakweti amaka akutupususya? We Yawe, cumi kwene wemo waya apakasi kitu? Swemo sweswe antu yako, utatutazyela, awe.”

Yelemiya 25:29

Pano lyene natandikila ukuleta ulanda pa musumba uwatemelwa izina lyane, uzye mwati mwemwe mumasyala ukwaula kupeziwa? Cumi cumi nkumunena mutalasyala ukwaula ukufululwa, pano indi nu kutuma inkondo pakasi ka antu yonsi panonsi, ivyalanda ne Yawe Wamaka yonsi.”

Ezekelo 20:14

Lelo nupya nasuzile sile pano nga nailetile sile nenga insonyi ku antu amitundu, alolanga kuno nayafumyanga mu Eguputo.

Ezekelo 20:22

Lelo nupya kwene nasuzile sile, pano nga nailetile sile insonyi ku antu amitundu aweni kuno nafumizye aina Izlaeli mu Eguputo.

Ezekelo 20:9

Lelo nacindikanga izina lyane, naleka nu kuti litazewana pa manso ya mitundu muno yikalanga mwenemo. Pano nanenyile imitundu iyo inti ndafumya mutundu wane mu mpanga ya Eguputo pa manso inu.

Ezekelo 36:22

“Fwandi lyene nena aina Izlaeli uti, Yawe Simwandalali akuti mwe ina Izlaeli ala asi pamulandu winu uno nacisile vii, lelo apamulandu sile wi zina lyane lino mwasawisye mu mitundu muno mwasalanganile.

Ezekelo 39:25

“Yawe Simwandalali wavwanga wati, ‘Fwandi lyene namawezezya amu mupanda wakwe Yakobo, aina Izlaeli, namasakamala ang'anda yakwe Izlaeli yonsi, namasakamala ni zina lyane lyamuzilo.

Danieli 9:18

Teya ikutwi we Leza, nu kuvwa. Si celecensya pano tuli nu kulola intazi zino zyatuponela nu ucuzi uli mu musumba uno ukaamilwako izina lyako. Tukupepa kunuli pamulandu wakuti wewe Leza wa mizu, asi pamulandu wakuti twacita ivyaololoke, awe.

Amosi 7:2

Lino naweni ukuti makanta wilya walya ivimelwa vyonsi vyamu mpanga ilya, imvwanga inti, “We Yawe Simwandalali, si ungala uwelele antu yako! Uzye antu yakwe Yakobo yangaposya uli? Yene anono nupya atembokele.”

Mpendwa 14:19

Fwandi ndakai, we Yawe, ukulingana nu lukundo kwako ulukulu, napapata elela iifyo lya antu yaa ndi vino wacisile ukutandika sile lino yafumile ku Eguputo kufika na pi lelo kwene.”

Mpendwa 6:27

Alino Yawe avwanga ati, “Ndi yataka izina lyane ukuya upolelelo pa ina Izlaeli, indayapolelela.”

Luka 11:8

Namunena ukuti nanti atangakatuke nu kumupeela cili consi pano wene acuza wakwe, lelo pamulandu wa muzonda wakwe wene angakatuka kuti amupeele consi cino akulonda.

Milimo 15:17

Alino na antu yauze yonsi yalalonda Mwene, pamwi na Akulukuwa yonsi yano nama kuya antu yane.

Efeso 1:12

Wene wacisile cii, pakuti swe muno twali ankolelo kupaalila muli Klistu tulumbanye lulumbi lwakwe.

Efeso 1:6

Lekini tulumbanye Leza pa cikuku cakwe ca lulumbi, na pa wila uno watupeela mu Mwana wakwe mukundwe!

Efeso 3:10

Lyene Leza angaomvya iuvi kuti lilange maka ni ntunguluzi zya mwiyulu ukuti Leza wakwata mano aingi aiyele.