Danieli 9:15 - Amazwi Yakwe Leza 2013

¹⁵ “Caleka ndakai twatitwifya kunuli, we Mwene Leza witu, wemuno walumbwike lino wafumizye antu yako umu Eguputo, ku maka yako akulu, nga antu yacili iusya amaka yako.

Danieli 9:15 ပူးပေါင်းရင်းမြစ်များ

1 Yamwene 8:51

Pano yao kwene ali antu yako, yano wafumizye mu Eguputo muno mwali kwati umwi lungu lya moto.

2 Yamwene 21:15

Fwandi ali vino indi nu kucitila antu yane pakunjifya kuno yanjifwa. Nupya yakansomba nu kunsosya umwenzo, ukutandikila sile uku vikolwe vyao, lino navifumizye mu Eguputo ukufika na pilelo kwene.”

2 Milandu 6:37

lyene mumu kwene umu mpanga muno yali umu uzya ndi yazenzuka nu kuvwanga yati, ‘Twatitwifya, nupya twatituluvyanya apakucita ukakasi,’ yatandika nu kukupepa umu cumi, yalaizya ukuti yata, yapapata pano yaluvyanya, ala we Yawe uwauvwa ipepo lyao.

Neemiya 1:10

“We Yawe, ala yaa aomvi yako nupya antu yako kololo, yano we mweneco wakulwile uku maka yako nu ku makasa yako.

Neemiya 1:6

Fwandi we Yawe kutika, uteye amatwi yako kunotuli. Yula amanso utulolekesye. Uvwa ukupapata kwakwe nene ne muomvi wako lino inkupepela aomvi yako, aina Izlaeli, usiku nu musanya. Nkuilongwela na maifyo itu, swe ina Izlaeli. Nene ne mwisikulu pamwi ni ng'anda yonsi yakwe tata, ala twifya.

Neemiya 9:10

Lyene wemo ali pakucita ivinjelengwe ni vizungusyo, ivyakulwisya Falao, aomvi yakwe pamwi na antu yonsi amu mpanga yakwe, pamulandu wa ukakasi uno yayacitile. Wemo waicitile ululumbi lwako luno ucikweti na pilelo kwene.

Masamu 106:8

Lelo wene wayapuswisye pamulandu wa ulayo wakwe apakuti alanga amaka yakwe alulumbi.

Kufuma 13:14

“Mu manda akwiza, ana inu yalamuzya yati, ‘Uzye cii cikusenula cani?’ Mulayaasuka muti, ‘Pakuti tufume mu Eguputo kuko kuno twali mu uzya, Yawe waomvizye maka yakwe akulu.

Kufuma 13:16

Lutambi lu lulaya wa ciusizyo kunotuli, lulaya wa cimanyililo icanyepelelwa ku makasa itu nanti icanyepelelwa pa mpumi zitu wa mupango, cakutwiusya ukuti Yawe watufumizye mu Eguputo ku maka yakwe akulu.”

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 13:9

Lutambi kwene lu lulaya wa cimanyililo cino canyepelelwa kwi kasa nanti wa ciusizyo icanyepelelwa pa mpumi zinu wa mupango. Mu musango kwene uu mulasunda yauze vyamu usambilizyo wakwe Yawe, pano aliwe wamufumizye mu Eguputo ku maka yakwe akulu.

Kufuma 14:18

Lino ndacimvya vita vyao, alino aina Eguputo yalamanya ukuti Nene indi Yawe.”

Kufuma 32:11

Lelo Mose apapata kuli Yawe ati, “Mwe Yawe, pacani cino mwasokela antu inu musango uu, antu yano mwafumizye mu uzya mu Eguputo, ku maka inu akulu nu kwi kasa linu lya maka?

Kufuma 6:1

Lelo Yawe aasuka Mose ati, “Ndakai umalola vino namacita kuli Falao. Namamupatikizya ate antu yane yapite. Endi namamupatikizya kuti ayafumye mu mpanga yakwe.”

Kufuma 6:6

Caleka nena aina Izlaeli ukuti Yawe wavwanga wati, ‘Nene indi Yawe, nga ndamukulula ukufuma ku uzya wa milimo ikome ino aina Eguputo yamutwika. Ndaomvya maka yane nu kuvunuka aina Eguputo pakulu cuze. Nupya ndamutuula.

Kufuma 9:16

Lelo pakuti nkulange maka yane kuti uye umumi pakuti antu munsi yonsi yandumbanye.

Ezaya 55:13

Apakamela imyunga palamela imilemo imipaini. Alino apakamela lwenya palamela cipupa ca muti ununkile wakwe cisu. Na vivyo vyonsi vilaletela Yawe ululumbi. Cilaya icintu cimwi cakwiusya pee, cino citalafuma penepo.

Ezaya 64:4

Awe cumi, kutatala kwaya umuntu wino walola nanti ukuvwa Leza umwi uwaya na maka wakwe wewe. Wiyo angacitila antu yano yamutaila ivintu ivyaya wakwe vii.

Yelemiya 14:20

Ala swemo lyene twailongwela amaifyo itu, twazumila nu ufi wa vikolwe vitu kwene. Umu cumi swemo twakwifya.

Yelemiya 32:10

Ali vino nalemvile umulandu uu uwa kukala icalo namupeela na kalata wa umboni, nafwantapo ni nsimbi. Nalonda yakambone, namupendela ni mpiya namupeela nu kumupeela.

Nyimbo zya ndosya 3:42

“We Mwene, ala twifya kunuli nupya twakusangukila, nga nawe utatuyelu luse, awe.

Ezekelo 5:6

Lelo Yelusalemu wii, wene wakana ukulondela amasunde yane, waipisya ukuluta imitundu yuze, watalama ukuluta ni mpanga zyuze zino zyamuzinguluka. Yelusalemu wakana ukusunga vipope vyane na masunde yane.

Danieli 9:5

“Silola vino twifya nu kucita inkota. Twakutalamila nu kufutatila amalamulo na masunde yako.

Luka 15:21

Umwana nawe amunena ati, ‘Tata, Niifya kuli Leza uwa mwiyulu na kunuli. Ntaine ukwamwa umwana wako nupya.’

Luka 18:13

Lelo kasonkisya aimilila katalamukila. Lyene ainamika usyu wakwe pansi kwaula nanti kulingamila mwiyulu, lelo ayuma pa cifuwa cakwe nga avwanga ati, ‘Leza uye na mizu kunondi ne kaifya.’”

2 Kolinto 1:10

Wene watutuuzile ku mazanzo aipisye a mfwa, Leza alatutuula. Tukweti upaalilo munoli wakuti alatutuula nupya.

Malango 5:15

Uwiusye ukuti watazile uya umuzya mu mpanga ya Eguputo, nu kuti Yawe Leza wako wakufumizye mwenemo ku maka yakwe ataikulila ni kasa lyakwe livunguluke. Caleka Yawe Leza wako watakupeela ilamulo kuti wacindika uwanda wi Sabata.