Danieli 8:18 - Amazwi Yakwe Leza 2013

¹⁸ Lino acili akulanda, impona pansi ala na mano yatiyapaama. Lelo Gabilieli andema, ankatusya nimilila.

Danieli 8:18 ပူးပေါင်းရင်းမြစ်များ

Utandiko 15:12

Lino ilanzi lyatemba, Abulamu akasula cuze, nga, ku tulo ntete zyangofyo zimulema cuze.

Yobo 4:13

Cali kwati umu nsita ya usiku, lino iviloto vikapoka umuntu amano nu tulo itumulalikizya.

Ezekelo 2:2

Lino akulanda nani, Mupasi wiza wingila munondi nu kunjimika apa ngazo zyane, nga alino nuvwa akulanda kunondi,

Danieli 10:16

Lyene mungeli wilya, uwalolike wa muntu, atambika ikasa lyakwe nu kunkumya apa milomo. Alino nani ntandika kuvwanga, imunena inti, “Musambazi, cilolwa cii caticintembola cakuti ntangata ukuzakaza.

Danieli 10:18

Nupya kwene umungeli wilya ankumya, nga nani inkoma ukuluta.

Danieli 8:17

Lyene lino Gabilieli wizile aimilila apipi na pano naimi, nuvwile intete wakwe cimwi nga impona pansi. Alino anena ati, “We mwana wa muntu, iluka ukuti icilolwa cikumile insita ya mpelelekezyo.”

Danieli 8:27

Ne Danieli natembosile nu kulambalala amanda avule ala nene mulwale. Lyene inkatuka nu kuya ku kuomba umulimo uno umwene wampile. Lelo icilolwa campezizye amano nupya naposiwe ukwiluka muno calola.

Zakaliya 4:1

Lyene umungeli wino twalanzile nawe pakutandika, wizile nupya nu kwiza njiukizya ne Zakaliya, kwati umuntu wino yazyula ku tulo.

Luka 22:45

Lino wata kupepa, akatuka awela ku alondezi azana yakaswile, ala yati yanyomelwa na malanda.

Luka 9:32

Petulo na auze yano wali nao ala yati yanyomelwa nu tulo. Lelo lino yazyuka yalola kuyengesa kwa lulumbi lwakwe Yesu na antu yaili aimi nawe.

Milimo 26:6

Acino ndakai nimilila nu kupingulwa pamulandu wa upaalilo uno nakwata mu ulayo uno Leza wacisile ku vikolwe vitu,

Umbwilo 1:17

Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.