Danieli 8:15 - Amazwi Yakwe Leza 2013

¹⁵ Lino ne Danieli nalolekisye icilolwa nu kwezya ukwiluka, lilyo kwene kuloleka umwi ala aimi apa nkolelo yane.

Danieli 8:15 ပူးပေါင်းရင်းမြစ်များ

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Danieli 10:16

Lyene mungeli wilya, uwalolike wa muntu, atambika ikasa lyakwe nu kunkumya apa milomo. Alino nani ntandika kuvwanga, imunena inti, “Musambazi, cilolwa cii caticintembola cakuti ntangata ukuzakaza.

Danieli 10:18

Nupya kwene umungeli wilya ankumya, nga nani inkoma ukuluta.

Danieli 10:5

Insanzula amanso nga ndola umuntu umwi ala azwite insalu isuma itelepelele nga nu musipi wakwe zaabu.

Danieli 12:8

Nani inuvwa vino wene walanda, lelo ukwaula kuti niluke. Acino imuzya inti, “Musambazi, uzye icintu cii cilafika uli uku mpela?”

Danieli 7:13

Lino naweni ivintu vii usiku mu cilolwa, naweni umwi uwalolike wa muntu. Wene ala akwika na makumbi amwiyulu. Alino aiza kuli wiyo uwaliko ku katalili nga yauze yamutwala kunoli.

Danieli 7:28

Kuu kuli kumalila kwa ulondolozi. Nuvwile intete cakuti nu usyu wane walolike usakamale, lelo ntanenyile umwi umulandu uu.

Danieli 8:1

Mu mwaka wakwe citatu uwakuteeka kwa mwene Belisyazali, nakweti icilolwa cakwe ciili.

Danieli 8:19

Alino avwanga ati, “Nkukulanga vino ivilatumbuka mu ukali wakwe Leza vilaya. Icilolwa cikumile insita iyasontwa yampelelekezyo.

Zakaliya 1:9

Alino nani imuzya inti, “Musambazi, uzye imfwalasi zii calola mwi?” Umungeli wilya nawe aasuka ati, “Namakulondolwela muno calola.”

Mateo 13:36

Lyene Yesu asya iumba, aingila mu ng'anda. Alondezi yakwe iiza kunoli yamunena yati, “Tunene vino mulumbe wakwe kalolo ukusenula.”

Mateo 24:15

“Mulalola ‘Ca winyi ca ononyi’ cino kasema Danieli wavwanzile, cimilila mu Ng'anda ikulu yakwe Leza.” (Kawelenga ailuke vino ci cikusenula.)

Mateo 24:30

Pa nsita ilya, cilangililo ca Mwana wa Muntu cilaloleka mwiyulu. Na antu amu nko zyonsi mu nsi yalalosya lino yalalola Mwana wa Muntu akwiza mu makumbi na maka nu lulumbi lukulu.

Mako 13:14

“Lelo lino mulalola ‘Ca winyi ca ononyi’ cimilila pa cifulo cino citalinzile kuyapo.” (Kawelenga ailuke vino ci cikusenula!) Lyene yonsi ali mu Yudeya yakuutukile ku myamba.

Mako 4:12

pakuti, ‘Kulola yangalola, lelo yatangailuke. Nu kuuvwa yanguvwa, lelo yatangamanya ningo. Pano iyamanya yangazenzuka, nga Leza ayelele.’”

Yoswa 5:14

Nawe amwaasuka ati, “Awe, insi ku lusansa ululi lonsi! Nemo indi pano wakwe musika mukalamba uwa vita vyakwe Yawe.” Yoswa afukama pansi afupime, nga akomela na makufi ati, “Musambazi, nene muzya kunuli. Uzye lyene icani cino ukulonda kuti incite?”

Umbwilo 1:13

lyene pakasi ka vyakutekapo inyali cinimbali pali wino walolike wa mwana wa muntu, ala azwite umwingila uwafisile na pa ngazo zyakwe, nupya wazwite cimusipi cakwe zaabu pa cifuwa.

Umbwilo 13:18

Mulinzile kuomvya mano kuti mwiluke. Wino wensi mucenjele angapituluka nu kuzana vino mpendwa ya cilyanyi ikusenula, pano mpendwa ikaimilila izina lya muntu. Ni mpendwa yakwe myanda mutanda na makumi mutanda na mutanda (666).