Danieli 6:27 - Amazwi Yakwe Leza 2013

²⁷ Wene akapususya nu kutuula. Wene akacita ivizungusyo ni vinjelengwe. Wene watatuula Danieli kuli yacisama yatamukoma.’”

Danieli 6:27 ပူးပေါင်းရင်းမြစ်များ

Yobo 36:15

Lelo Leza akapususya yao akucula uku ucuzi wao. Wene akalanda kunoyali umu ntazi zyao. Akaleka kuti yacule, apakuti umu kucula kwao amuno yapule amalango.

Masamu 145:13

Uwene wako uwene wa muyayaya, nga utesi wako uwa manda pe. Yawe wene akafikilizya amalayo yakwe, wene akalanga icikuku ku viumbwa vyakwe vyonsi.

Masamu 18:48

Aliwe uwampususya uku anisi yane. Aliwe wantumpula apapela pali yayo akandwisya. Nu kunkulula uku muntu wa lukang'ansi.

Masamu 18:50

Leza akapeela ucimvyo ukulu ku mwene wakwe, wene akalanga kutemwa kwa pe ku musololwe wakwe, kuli Davidi na amu mupanda wakwe umuyayaya.

Masamu 32:7

Awewe uli cele lyane, awewe ukancingilila umu ntazi. Nemo awewe nkaimbila inyimbo zya ufyusi, pano ukancingilila.

Masamu 35:17

We Mwene uzye mpaka lilaci, lino umalolekesyanga sile? Pususya umwenzo wane uku ukali wao, nu umi wane uwo uwaya sile onga, kuli yacisama yaa.

Masamu 97:10

Yawe watemwa antu yano yapata iviipe, akasungilila imyenzo ya antu yakwe, nu kuyapususya umu minwe ya aipe.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Danieli 4:31

Lino atali amamule akanwa nu kulanda amazwi yaa, izwi lyuvwika ukufuma umwiyulu liti, we mwene Nebukadineza, uvwa vino nkulanda! Ndakai amaka yako awene yapokololwa kunuli.

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Danieli 6:20

Lyene lino wafika apipi ni ninga ilya, apunda ni zwi ilisakamale ati, “We Danieli, umuomvi wakwe Leza waumi! Uzye Leza wako, wino ukatumikila lyonsi nu mwenzo onsi, watakutuula kuli yacisama?”

Yoane 4:48

Yesu nawe amunena ati, “Kusi umwi uwa munomuli angataila, suka ndi walola vilangililo ni vizungusyo.”

Milimo 4:30

Ololola ikasa lyako nu kupozya alwale, zumilizya kuti vizungusyo ni vinjelengwe vyacitika kupitila mwi zina lya muomvi wako Yesu uwamuzilo.”

Ayebulai 2:4

Leza walunzileko umboni wakwe pakucita vinjelengwe ni vizungusyo vya misango yonsi nu kupeela mawila ya Mupasi kulingana nu kulonda kwakwe.

1 Samueli 17:26

Davidi auzya aonsi aimi pipi na aliwe ati, “Uzye icani cino yali nu kucitila umuntu alakoma umwina Filisti wi, pa kufumya akalanda nu kuzewana kwa ina Izlaeli? Umwina Filisti wi, wino atasilamulwa, icani cino angacuzizya ivita vyakwe Leza wa umi nu kuvituka?”