Danieli 6:24 - Amazwi Yakwe Leza 2013

²⁴ Lyene umwene apeela ilamulo kuti yaleme antu yalya yonsi apile Danieli umulandu, nga aleka yayasumbila mu ninga yakwe yacisama, kumwi na aci yao na ana yao kwene. Lino yatatala yapona pansi umu ninga, yacisama yayanka nu kuyakokota amafupa yao yonsi.

Danieli 6:24 ပူးပေါင်းရင်းမြစ်များ

2 Yamwene 14:6

Lelo ana yao yene atayakomile foo, apa kulondela isunde ilya lembwa mu lupapulo lwa Masunde yakwe Mose mumo muno Yawe akuti, “Yaisi ya ana yatalinzile kukomwa pa maifyo ya ana yao, nanti ana nayo yatalinzile kukomwa pa maifyo yakwe yaisi. Cila muntu alinzile wafwa apa maifyo yakwe umwisikulu.”

Esita 7:10

Fwandi ali vino yakulike Hamani uku cimuti cino wateinye ukukulikila Modekai. Lyene umwene Aasuwelo umwenzo iwikala.

Esita 9:10

Alino ukwika penepo na ana aonsi yakwe Hamani umwana umonsi wakwe Hamedata, umwanisi wa Ayuda. Lelo yatasenzile ivisampwe vyonsi foo.

Esita 9:25

Lelo walanga namwene Esita watwala umulandu uo ku mwene, umwene nawe avino wapile ilamulo mu malembelo, ilyakuti Hamani pamwi na ana yakwe yakulikwe uku vimuti.

Masamu 54:5

Uyi wa anisi yane ungayaswililila, Umwene wa cisinka angayalovya.

Mapinda 11:8

Antu akacita vyaololoke yakatuulwa ku ntazi zyao, lelo antu aipe alio yakaponelamo.

Mapinda 19:9

Kambone waufi yatalamupanya umu cilye, nu muntu umutumpe nawe kwene atalapusuka foo.

Ezaya 38:13

Napunzile uwaca nu wiila, ala lilyo nkufuteeka sile, wakwe cisama akupwazola amafupa. Natangi sile, apakuti ule uce ale Leza wamalilila.

Yelemiya 34:17

Caleka lyene Yawe wavwanga wati, “Mwatimukana ukunguvwa, mwakana nu kupeela untungwa cila muntu uku anyonko nu ku auzo. Icisuma fwandi, nemo namamusunkilizya umu nkondo, uku mpungo nu ku cipowe. Namamuletela na kasokonda uku wene uli onsi uwa pano nsi.

Danieli 3:22

Lyene pamulandu wakuti umwene wapile ilamulo nu kukonkomezya ukuti yapembelele ilungu mpaka likaye wakwe cimwi, icimbilimbili ca moto cosile yakalinda yaya yano yatwazile Syadilaki, Mesyaki na Abedinego kwi lungu lya moto.

Malango 24:16

“Akwasi yatalinzile ukukomwa pamulandu wa nkota zya ana yao, na ana nayo yatalinzile ukukomwa pamulandu wa nkota zya akwasi yao. Cila muntu alinzile ukukomwa pa nkota zyakwe.