Danieli 5:29 - Amazwi Yakwe Leza 2013

²⁹ Lilyo kwene Belisyazali apeela ilamulo ku yaomvi yakwe kuti yazwike Danieli umwingila wa yene uyenzulukile nga na kamunyololo kakwe zaabu umu nsingo aka kumucindamikila kweneko. Nga amucita ukuya kateeka wakwe citatu umu wene wakwe.

Danieli 5:29 ပူးပေါင်းရင်းမြစ်များ

Utandiko 41:42

Falao azula imbalaminwe yakwe ya cimanyililo ca usambazi, azwika Yosefu ku munwe, amuzwika nu mwingila usuma nga atoola munyololo wakwe zaabu amukoweka mu nsingo.

Esita 10:3

Modekai Umuyuda wilya wali uwakwe ciili uku mwene Aasuwelo, wiyo wino na antu yakwe Ayuda yatemwisizye nu kucindika wakwe cimwi, pamulandu wakusakamala sana ivingazipila antu yakwe. Wene wacingililanga Ayuda yonsi pyu.

Mapinda 1:9

Pano amasunde yao yalakuyemvya nu kusenula imiyele yako iye isuma, uce ucindame ungati icisote cawene nanti ciukasi cakuzwala umu nsingo.

Danieli 2:48

Lyene umwene alasika Danieli icifulo cicindame wakwe cimwi, amupeela na mawila avule nupya. Wene aleka kuti ateeka mu muputule onsi wa mpanga ya Babiloni nu kumucita kangalila mukalamba wakwe yampandamano yonsi akwi sano.

Danieli 5:16

Lyene nemo nuvwa ukuti wemo ungaumbula ivyafiswa nu kulondolola inkama. Acino ndu ngawelenga ivilembo vii nu kunena muno viile, ale lyene umazwikwa imingila iyenzulukile yaku wene, na kamunyololo kakwe zaabu umu nsingo aka kukucindamikilako, nga ulaya kateeka wakwe citatu mu wene wane.”

Danieli 5:7

Lyene umwene apunda kuti umwi amwamile amamanyamano, na yao akasambilila vikumile intanda, na yao akauzya ku mipasi. Nayo lino yiza, umwene ayanena ati, “Ali wensi wino angawelenga ivilembo vii nu kundondolwela muno viile alazwikwa umwingila usuma wa ene, na kamunyololo kakwe zaabu umu nsingo, nga alalasikwa apa cifulo cakwe kateeka wakwe citatu umu wene wane.”

Danieli 6:2

Ukulunda pali yayo, wene wasonsile Danieli nayauze yaili kuti yaangalila alasi yaya nu kuwaka ivintu vya mwene.