Danieli 5:28 - Amazwi Yakwe Leza 2013

²⁸ Pelesi: Wene wako watiwankanikana nu kupelwa ku ina Mede na ina Pesya.”

Danieli 5:28 ပူးပေါင်းရင်းမြစ်များ

2 Milandu 36:23

“Kilusi umwene waku Pesya wavwanga wati, ‘Yawe, Leza wa mwiyulu wampeela amawene yonsi apanonsi, nupya wansonta kuti imukuulile Ng'anda ikulu umu Yelusalemu umu mpanga ya Yuda. Umuntu ali wensi uwa munomuli nupya uwamu antu yakwe Leza, angaswilila kweneko. Yawe Leza umwene wakwe aye na aliwe.’ ”

Ezaya 13:17

Ndayatumila aina Medi, kuti yakalwe na ina Babiloni. Yene yatasakamala siluva nupya yasuulila kumwi na zaabu kwene.

Ezaya 21:2

Ne Ezaya natindola icilolwa conga apa vintu ivikalale: wiyo akukoopa, akukoopa, wiyo akonona, akonona. Mwe vita vyaku Elamu, katusyini inkondo! Mwe vita vyaku Medya, mulizizye imisumba iyo. Nene ne Yawe ndamala ucuzi onsi uno waletwa na ina Babiloni.

Ezaya 47:11

Ala nkukunena umupamba ulakuponela, uno wemo ulaposiwa nu kuutuka, uno ni vizimba vyako vilaposiwa ukuomba. Uzanzo ulakuponela cakuti patalaya icakukukulula. Impungo ya ononyi ilakupumikizya, ino wemo utatala welenganya umu mano yako.

Yelemiya 25:13

Antu amutundu ulya nemo ndayacita vyonsi vino nayapangila. Vyonsi pyu vyalembwa mu lupapulo luu, vino Yelemiya wavwanga.

Yelemiya 51:28

Teyanyini antu amu nko akuti yamulwisye. Amini umwene waku Medesi, na yamusika yakwe ukwikapo na alasi nga ni ntunguluzi, nga ni viya vya mpanga yonsi ivyaya mu mawene yao.

Danieli 2:32

Umutwe wa ciluwi cico wapangilwe na zaabu muswefiwe. Icisao na makasa yakweco vyapangilwe na siluva. Umusana na yanamfyumfyu yakweco vyapangilwe nu mukuwa,

Danieli 2:39

“Apacisila cako kuliza uwene nauze, lelo utalaya ukulu wa wene wako. Alino kulalondelelapo uwene wakwe citatu, uwa mukuwa, uno ulateeka insi yonsi.

Danieli 5:31

Nga Dalyusi umwina Mede, wino apa nsita ilya wali ni myaka yakuvyalwa amakumi mutanda, apoka cilimba ca wene.

Danieli 6:28

Acino Danieli aya nu longo mu manda ya utesi wakwe Dalyusi na wakwe Kilusi umwina Pesya.

Danieli 6:8

Acino, we mwene, si pela icipope nu kucilemba apakuti citangalembululwa, iviine na masunde ya ina Mede na ina Pesya yano yatangasenulwa.”

Danieli 8:20

“Suuku wino waweni akweti impembe ziili calola ku mawene yaili, uwene wa Medya nu wa Pesya.

Danieli 9:1

Mu mwaka wakwe conga wakuteeka kwakwe Dalyusi umwana umonsi wakwe Aasuwelo, uwalasikwe uwene waku Babiloni,

Milimo 2:9

Yamwi munotuli yafuma ku Patiya, ku Medya, ku Elamu, ku Mesopotamya, ku Yudeya, nga nu ku Kapadokiya. Yamwi nao yafuma ku Ponto nu ku Asiya,