Danieli 5:27 - Amazwi Yakwe Leza 2013

²⁷ Tekeli: Wapimwa pa sikelo nu kuzanwa ukuti wangumpala wakwe cimwi.

Danieli 5:27 ပူးပေါင်းရင်းမြစ်များ

Yobo 31:6

Ndi cakuti Leza wali nu kumpima apa cipimilo icisitumpoka, wene angazana nu kusininkizya ukayele wane.

Masamu 62:9

Antu yonsi kwene yaya wa muza. Akama nayo yaya wa ufi, ndi cakuti kwali ukuyapima pali sikelo, yatange yanyome nanti panono, yali sile wa muza.

Mapinda 16:2

Inzila zyonsi izya muntu, umweneco akazilola wa zisuma, lelo kapima wa myenzo a Yawe.

Mapinda 21:2

Nanti angala umuntu akuitunga ukulungamika lyonsi, lelo Yawe aliwe akalengulula ivili umu mwenzo wakwe.

Yelemiya 6:30

Yene yakaamwa ukuti a siluva umusuulwe, pamulandu wakuti Yawe wayasuula.”

Ezekelo 5:1

Yawe wanenyile ati, “Mwana wa muntu, tola ulupanga ulunyoleke, aluno uomvye wa lwembe lwakwe kapela, uku kupela umutwe wako ni vilezu vyako. Nga alino utoole ivipimo nu kwankanya inyele mu mitumba itatu.

Naumi 1:14

Yawe wapeela ilamulo lyapali mwemwe, mwe ina Ninive, ati, “Mutalakwata amu mupanda akuti yatwalilile ukwimika umupanda winu. Nupya ndonona utuluwi twinu utuwaze nu twakwengulula utwaya mu ng'anda ikulu yakwe tuleza twinu. Nkumuteyanyizizya ilindi umwakuti ince muziike, pano mutalinzile kuya nu umi!”

1 Kolinto 3:13

Lelo umpomvu wa mulimo wakwe cila muntu ulaloleka lino Wanda wakwe Klistu ulausokolola. Pano pa Wanda ulya umoto uno Leza alatuma ulezya mulimo uo nu kulanga umpomvu wakweo vino uli.