Danieli 5:18 - Amazwi Yakwe Leza 2013

¹⁸ “Iye mwene, ala Leza wapapelapela walasike so Nebukadineza pa cilimba ca wene, aya umwene mukulu amupeela na amaka nu lulumbi nu usambazi.

Danieli 5:18 ပူးပေါင်းရင်းမြစ်များ

2 Yamwene 25:28

Evili Melodaki atamucuzyanga foo. Wamupile nu mucinzi ukulu sana apa wene wakwe ukuluta vino wacindike yamwene yonsi yano yali nawe umu Babiloni.

Masamu 47:2

Mukwatile Yawe Wapapelapela icoopo, pano ali Mwene Mukalamba, akateeka impanga zyonsi.

Masamu 7:17

Endi nemo namalumbanyanga Yawe pamulandu wa ulungi wakwe. Namaimbililanga Yawe Wapapelapela, inyimbo zyakumulumbanya.

Masamu 9:2

Namaimbilanga ni nsansa pamulandu wako. Namaimbilila ni zina lyako, we Leza Wamaka yonsi.

Masamu 92:8

Pano we Yawe, wewe mukulu kuluta vyonsi mpaka umuyayaya.

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Yelemiya 27:5

“Uku maka yane ataikulila, na pakukonzolola ikasa lyane apa kuumba antu, impanga ni myamba ya pano nsi nu kupeela nkapeela wino natemwa.

Yelemiya 27:7

Imitundu yonsi lyene ili nu kumutumikila aliwe, umwana wakwe nu mwizikulu wakwe, mpaka insita ya mpanga yakwe nayo ice ifikile lino imitundu yuze ikulu ilamuluta amaka nu kumucita umuzya.

Nyimbo zya ndosya 3:35

Ukukanapela insambu ku muntu zino Leza Wapapelapela wamupeela, nako kwene asilonda.

Nyimbo zya ndosya 3:38

Uzye asi api lamulo lyakwe Leza Wapapelapela pano ivisuma ni viipe vikacitika?

Ezekelo 31:11

nemo naupiile mu makasa ya ntunguluzi ya antu ya mitundu yuze, kuti iyapezye ukulingana ni micitile yao iyankota.

Danieli 4:17

Kuu kuli kupingula kwa angeli awakanga nu kucevya. Acino lyene, lekini antu yonsi konsikonsi yamanye ukuti Leza wapapelapela wakwata amaka apa mawene yonsi ya antu cakuti angapeela uwene kuli wensi wino akasi. Wene angapeela uwene nu ku muntu musulwe kwene.’

Danieli 4:19

Lyene Danieli, wino izina lyakwe nalyuze a Belitesyazali, cimamusakamika wakwe cimwi cakuti aposiwa kuvwanga cili consi. Caleka umwene avwanga ati, “Belitesyazali, utaleka iciloto na muno ciile vikusakamike wakwe cimwi.” Belitesyazali aasuka umwene ati, “Musambazi, si cangecizipe ciloto cii na muno ciile ale vikumile anisi yako, lelo vitakuma wewe.

Danieli 4:2

Caticinzanzya kuti munene ivinjelengwe ni vizungusyo vino Leza Wapapelapela wancitila.

Danieli 4:32

Wemo yalakufumya apakasi ka antu nupya ulikala pamwi ni nyama zya mpanga. Pa myaka cinimbali ulalya isote wa ng'ombe ni mbuzi apanzi. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Danieli 5:21

Yamufumizye pakasi ka antu, nga aelenganya wa nyama. Wikalanga pamwi na yacoolwa, nu kulya isote wa ng'ombe, nga nu kulala apa swe ukwaula cimwi cakucingilila umwili ku lumi. Umu kusyalikizya asuka azumila ukuti Leza Wapapelapela aliwe waya na maka apa mawene ya antu yonsi nupya angapeela uwene ku muntu ali wensi wino akasi.

Danieli 6:22

Leza wane waliwatuma umungeli wakwe, nga nawe wali wafumpika imilomo yakwe yacisama apakuti yatanduma. Wene watacita cico apamulandu wa kuzana ukuti nene wakaele apa manso yakwe nupya ntiifya kunuli, we mwene.”

Milimo 26:13

Cali mu nzila, Mwene wa kwisaci, lino ilanzi lyafika umutwe papela indola luswepo luyengese kuluta ilanzi lufuma mwi yulu, lunzinguluka pamwi na yano twali nao.

Milimo 26:19

“Acino mwene Agilipa, ntakanyile kuyela icilolwa cino Leza wandanzile kufuma kwiyulu.

Milimo 7:48

“Nanti cingaya vi Leza wapapelapela asiikala mu mang'anda akulwa na antu, wakwe vino kasema wavwanzile ati,

Malango 32:8

Leza wapapelapela wapeela inko impanga zyao. Aliwe wapimila antu imipaka umwakwikala Ukulingana ni mpendwa ya ana yakwe Izlaeli