Danieli 3:29 - Amazwi Yakwe Leza 2013

²⁹ “Caleka ne mwene nkupeela ilamulo lyakuti umuntu ali wensi uwamu luko luli lonsi nanti indimi wino wavwanga amazwi amisuula kuli Leza wakwe Syadilaki, Mesyaki, na Abedinego, wene alinzile kuputolwa mu vimpilinsya ni ng'anda yakwe itamolwe mpaka iye citalang'anda. Pano kusi leza muze wino angatuula wakwe vino wii akacita.”

Danieli 3:29 ပူးပေါင်းရင်းမြစ်များ

2 Yamwene 10:27

Fwandi ali vino yononyile ulucesi lulo ulucindame kumwi ni ng'anda ikulu yakwe Baali, nga na antu yaisangula icimbusu ukufika na pilelo kwene.

Ezila 6:11

Ukulunda pali cico, nupya nkukonkomezya nu kuti ndi cakuti kwala kwaya umwi uwakana ukuyela isunde lii, yace yasomole ulusondo ukufuma ku ng'anda yakwe kwene, alino yace yausongozye nga yamutunge kweneko nu kumulelemvya apapela. Alino ng'anda yakwe kwene ice isyale icitumba, apamulandu na aliwe kwene.

Masamu 3:8

Ukukululwa kukafuma sile kuli Yawe, upolelelo wako ungala uye apa antu yako.

Masamu 76:10

Cumi kwene, ukali wako apa antu ukalenga kuti yakulumbanye, Yao akapusuka uku zya nkondo yalatwalilila ukwiusya amanda akulu akwako.

Danieli 1:19

Umwene nawe pali pakulandana nayo, nga azana ukuti kusi nanti wenga muli yaya asyala uwalingine na Danieli, na Hananiya, na Azaliya. Acino yatandika ukutumikila umwi sano.

Danieli 1:7

Cilolo mukalamda apali pakuyatemela amazina apya ali ndi yaa: Danieli yati a Belitesyazali, Hananiya yati a Syadilaki, Misyaeli yati a Mesyaki, na Azaliya yati a Abedinego.

Danieli 2:17

Alino lyene Danieli aya ku ng'anda ukwakwe nga alondolwela yacuza yakwe umulandu uu, Hananiya, Misyaeli, na Azaliya.

Danieli 2:47

Umwene avwanga ati, “Leza wako umukulu pali yaleza yonsi, umwene wakwe yamwene, nupya aliwe akaumbula inkama. Manyile cii pamulandu wakuti we Danieli watuumbula inkama.”

Danieli 2:49

Ukuluta pali cico, Danieli alenga umwene kuti alasike Syadilaki, Mesyaki, na Abedinego pa wangalizi wa milimo imwi yamu muputule wa mpanga ya Babiloni. Lelo Danieli wene wasile akutumikila mu musolo wakwisano.

Danieli 2:5

Umwene nawe pali pakuyanena ati, “Nemo natimpingula ukuti mulinzile munene iciloto nga na muno ciile. Ndi cakuti mutangacita cico, ale lyene namamuputola mu vimpilinsya nu kusenula amang'anda inu yaye amatongwa.

Danieli 3:12

Kuli Ayuda yamwi yano we mwene wika apa wangalizi mu muputule wa mpanga ya Babiloni. Antu yaa, a Syadilaki, Mesyaki, na Abedinego, yayo akukana ukuyela amalamulo yako we musambazi. Yene yasipepa nanti ukufukamila iciluwi cakwe zaabu cino wika kuku.”

Danieli 3:15

Lyene, zuwazuwa lino muvwa ukulila kwa ntandala, imitolilo, ivisekese, amapango, ni viombelo vyuze vya kulizya nu kwimba, mulinzile ukufukama nu kupepa iciluwi cakwe zaabu. Ndi cakuti mwakana ukucita cico, lyene zuwazuwa yamamusumbila mwi lungu lya moto. Uzye mukwelenganya ukuti akunoli leza wino angamutuula?”

Danieli 3:17

Ndi cakuti Leza wino tukatumikila akweti amaka akututuula ku moto wa mwi lungu nu ku maka yako, ale lyene amacita cico.

Danieli 3:28

Lyene umwene Nebukadineza avwanga ati, “Lumbanyini Leza wakwe Syadilaki, Mesyaki, na Abedinego! Wene wali watuma umungeli wakwe nu kupususya antu yaa yano yakamutumikila nupya yataila munoli. Antu yaa yali yakana ukuyela amalamulo yane nupya yatemwa ukufwa ukuluta kupepa nanti kutumikila kaleza kali konsi suka sile Leza wao aisikulu.

Danieli 6:28

Acino Danieli aya nu longo mu manda ya utesi wakwe Dalyusi na wakwe Kilusi umwina Pesya.

Malango 32:31

Anisi yao, yamanya ukuti tuleza twao tutakwata amaka, nupya tusi utwaulamba wakwe Leza wa ina Izlaeli.