Danieli 3:28 - Amazwi Yakwe Leza 2013

²⁸ Lyene umwene Nebukadineza avwanga ati, “Lumbanyini Leza wakwe Syadilaki, Mesyaki, na Abedinego! Wene wali watuma umungeli wakwe nu kupususya antu yaa yano yakamutumikila nupya yataila munoli. Antu yaa yali yakana ukuyela amalamulo yane nupya yatemwa ukufwa ukuluta kupepa nanti kutumikila kaleza kali konsi suka sile Leza wao aisikulu.

Danieli 3:28 ပူးပေါင်းရင်းမြစ်များ

Utandiko 9:26

Alumbanyiwe Yawe, Leza wakwe Syemu! Kenani alaya muzya wakwe Syemu.

1 Milandu 5:20

Leza wayazwilizye apa nsita ino yalwanga inkondo, nga yacimvya aina Hagili pamwi na yonsi yano yalemine nayo. Yene yataile muli Leza. Acino apa nsita ino yakulwa yapepa kunoli nga nawe auvwa amapepo yao nu kuyapeela ucimvyo pa ina Hagili na yayo alemine nayo.

2 Milandu 20:20

Lyene antu kwene yayo iyazyuka katondotondo nu kulungama ku mutengo wakwe Tekoa. Lino yakufuma, Yeosafati aimilila pa mulyango ati, “Tuini tuvwe swe antu aku Yuda na swensi swe ikazi amu Yelusalemu. Tailini Yawe Leza winu, nupya musipe. Tailini yakasema yakwe alino muli nu kucimvya.”

2 Milandu 32:21

Yawe nawe ali pakutuma umungeli, uwakomozile asilika mu nkambi ya ina Asilya. Fwandi ali vino umwene waswilile uku Asilya ala ni nkopyo zyatizilambalala uku nsonyi. Uwanda umwi ala ali umu ng'anda ikulu yakwe leza wakwe, ana yakwe yamwi yano waivyalile umwisikulu, ali yano yamutotozile na masumo, afwa nu kufwa.

Ezila 1:3

Umuntu ali wensi uwamu antu yakwe, si Leza angaya nawe. Lekini aye ni nsambu iya kuswilila kumwao ku Yelusalemu, umu mpanga yakwe Yuda, aye akakuulile Yawe Ng'anda ikulu, Leza wino yakapepa mu Yelusalemu.

Ezila 6:11

Ukulunda pali cico, nupya nkukonkomezya nu kuti ndi cakuti kwala kwaya umwi uwakana ukuyela isunde lii, yace yasomole ulusondo ukufuma ku ng'anda yakwe kwene, alino yace yausongozye nga yamutunge kweneko nu kumulelemvya apapela. Alino ng'anda yakwe kwene ice isyale icitumba, apamulandu na aliwe kwene.

Masamu 103:20

Lumbanyini Yawe, mwe angeli yakwe mwensi, mwe yacindami yamaka mwemuno mukafikilizya amasunde yakwe, mwemuno mukayela amazwi yakwe ndi wamwama.

Masamu 147:11

Lelo Yawe akasansamukila muli yayo akamucindika, muli yayo ataila mu kutemwa kwakwe ukwa pe.

Masamu 33:18

Lelo Yawe akawaka yayo akamuyela, yayo ataila mu kutemwa kwakwe ukwa pe.

Masamu 33:21

Muli aliwe umwayela insansa zitu, nu mwi zina lyakwe ilyamuzilo amuno twataila.

Masamu 34:22

Yawe aliwe amatulanyanga aomvi yakwe. Icacumi antu akazina kunoli yalapusuka.

Masamu 62:8

Mwe antu yane, lyonsi sile mwataila muli Leza! Mwamutula amacuzi inu lyonsi, pano ali muno tukapusukilamo.

Kufuma 20:5

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Ezaya 37:36

Lyene umungeli wakwe Yawe aya mu nsakwe ya asilika ya ina Asilya. Akoma mwenemo asilika ukulingana 185,000. Cino waca sile akatondo, awe antu yalola ivyala vyao vyativilala ntangali ntangali.

Ezaya 50:10

Uzye aweni uwa munomuli akaoopa Yawe, nu kuyela amazwi ya muomvi wakwe? Wiyo wensi akapita umu mfinzi, wino atakweti uluswepo, kapaalile mwi izina lyakwe Yawe, nu kusintilila muli Leza wakwe.

Danieli 2:47

Umwene avwanga ati, “Leza wako umukulu pali yaleza yonsi, umwene wakwe yamwene, nupya aliwe akaumbula inkama. Manyile cii pamulandu wakuti we Danieli watuumbula inkama.”

Danieli 3:25

Lyene umwene avwanga ati, “Lolini! Uzye pacani cino nkulola antu yani yakulyatokela mu moto, ala yatanyefilwe, nga na wakwe cini nawe akuloleka wa mungeli?”

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Danieli 6:16

Caleka umwene apeela ilamulo kuti yaleme Danieli nu kumusumbila mu ninga yakwe yacisama. Umwene anena Danieli ati, “Si Leza wako, wino ukatumikila lyonsi, ale akutuule.”

Danieli 6:26

Nemo nkupeela ilamulo lyakuti umuntu wensi umu wene wane onsi alinzile ukoopa nu kucindika Leza wakwe Danieli. ‘Wene ali Leza waumi, nga amateekanga amanda pe. Uwene wakwe utalatala ononwe, nu utesi wakwe utalatala usile.

Mateo 4:10

Yesu amunena ati, “Senka pano Ciwa, pano calembwa mu malembelo cati, ‘Wapepa Mwene Leza wako, wene wenga sile awino uwatumikila.’ ”

Milimo 4:19

Lelo Petulo na Yoane yaasuka yati, “Mwemwe pingulini icilungame pa manso yakwe Leza, ukuyela mwemwe nanti Leza.

Milimo 5:19

Lelo usiku kwene ulya mungeli wa Mwene ayula visasa vya ng'anda yaminyololo, nu kufumya atumwa, ayanena ati,

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

1 Kolinto 13:3

Ningapela vyonsi vino nkweti nu kupeela mwili wane kuti antu yawoce. Lelo ndi ntakweti kutemwa, ale pasi usuma umwi.

Filipi 1:20

Cintu cino nkalonda nu kupaalila icakuti ntacitisya Klistu insonyi, nkupaalila kuya muposye ndakai ndi vino naya lyonsi kuti Klistu acindikilwe munondi lino indi nu umi nanti mufwe.

Ayebulai 1:14

Uzye lyene angeli aweni? Yene ali mipasi ino ikatumikila Leza, akaituma pamulandu wa antu alapokelela ufyusi.

Ayebulai 11:37

Yamwi yatamilwe na mawe, yamwi nao mili yao yaputwilwe pakasi na mukalalu, nga yamwi nao yakomwa ku lupanga. Yene yapitananga ala yazwite vizwalo vyapanzilwe ku mpapa zya mfwele nanti zya mbuzi. Yali apina, yazunyiwe nu kucuziwa cuze.

1 Petulo 1:21

Klistu uwalenzile kuti mutaile muli Leza, wino wamuzyukwile kufuma ku afwe. Nupya wamupile lulumbi. Acino utailo nga nu upaalilo winu vyaya muli Leza.

Umbwilo 12:11

Aina itu yamucimvizye ku wazi wa Mwana wa mfwele, nu ku mazwi ya umboni uno yapile. Yene yaipezile cuze cakuti yatoopanga nanti kufwa.