Danieli 3:1 - Amazwi Yakwe Leza 2013

¹ Umwene Nebukadineza wapanzile iciluwi cakwe zaabu, cino mu utali cali amafiti amakumi fundimbali nu mu kusalala namo cali amafiti fundimbali, nga alino aciika mu nyika ya Dula mu muputule wa mpanga ya Babiloni.

Danieli 3:1 ပူးပေါင်းရင်းမြစ်များ

1 Yamwene 12:28

Pacisila ca kwelenganya vivyo, umwene wilya ali pakupanga utwana twa ng'ombe twiili twakwe zaabu. Alino anena antu yakwe ati, “Palengela sana mwemo mwalamwaya ku Yelusalemu ku kupepa. Mwe ina Izlaeli mwe, ala tuleza twinu aetu, utwamufumizye mu mpanga ya Eguputo!”

Esita 1:1

Mu manda yakuteeka kwakwe Aasuwelo, umwene waku Pesya wateekanga vitungu 127 vya mpanga ukutandikila ku India mpaka ukufika nu ku Kusyi.

Masamu 135:15

Tuleza tuluwi utwa mitundu yuze ya antu twapangilwa sile kuli siluva na zaabu, twapangwa uku makasa ya antu.

Kufuma 20:23

Mutaipangila tuleza twakwe siluva nanti zaabu kuti mwatupepa pamwi nani.

Kufuma 32:31

Lyene Mose aswilila kuli Yawe aya avwanga ati, “Antu yaa, yatiyacita iifyo lipe cuze. Yene yaipangila leza wakwe zaabu nu kumupepa.

Ezaya 2:20

Umu wanda ulya antu yalavwintila utuluwi twao, twakwe siluva na zaabu kuli yatunko nu tususu, utuluwi tuno yaipangile ni minwe yao ukuti yangatufukamila.

Ezaya 30:22

Utuluwi twinu tuno yapomela na siluva, na tuno yapomelela na zaabu mulatutoola nu kutusumba ungati avino yakasumba usaali, ala mukuti, “Yangini ukutali mwe vintu vya ciwelewele mwe!”

Ezaya 46:6

Antu yamwi yakasapula imifuko yao nga yafukumulamo zaabu, nga yapima siluva pa masikelo. Alino yalemba musyanyi umwi incito, nga nawe ayapangila tuleza utuluwi. Lyene nayo yatufukamila nu kutupepa.

Yelemiya 10:9

Tuluwi twao yatupomela siluva ukufuma ku Tasyisyi na zaabu ukufuma ku Ufazi. Vyonsi vivyo vikapangwa sile kuli yafundi na yamusyanyi. Nupya yavizwika insalu ziyenzulukile ni ziyenzu, zino zyapikulwa ningo kuli yakapikula

Yelemiya 16:20

Uzye antu yangaipangila tuleza? Awe, ndi yacisile cico, ale lyene tutangaya a tuleza.”

Danieli 2:48

Lyene umwene alasika Danieli icifulo cicindame wakwe cimwi, amupeela na mawila avule nupya. Wene aleka kuti ateeka mu muputule onsi wa mpanga ya Babiloni nu kumucita kangalila mukalamba wakwe yampandamano yonsi akwi sano.

Danieli 2:49

Ukuluta pali cico, Danieli alenga umwene kuti alasike Syadilaki, Mesyaki, na Abedinego pa wangalizi wa milimo imwi yamu muputule wa mpanga ya Babiloni. Lelo Danieli wene wasile akutumikila mu musolo wakwisano.

Danieli 3:14

Alino ayanena ati, “Syadilaki, Mesyaki, na Abedinego, uzye icacumi ukuti mwemo mukukana kufukamila nu kupepa iciluwi cane cakwe zaabu cino nika kuku?

Danieli 3:30

Lyene umwene alasika Syadilaki, Mesyaki na Abedinego apa vifulo mu muputule wa mpanga ya Babiloni.

Danieli 5:23

Wemo wasangukile Umwene wa mwiyulu. Wapile ilamulo kuti yakuletele ingako ni ngeso ukufuma mu Ng'anda ikulu yakwe Leza. Alino wewe, na yacilolo yako, na aci yako, na aci yako apa mbali yamwelile waini mu viya vii nu kulumbanya tuleza utwapangilwa na siluva na zaabu, nu mukuwa, ni cela, ni mbao nga na mawe, vivyo ivitangalola nanti ukuvwa. Lelo utacindike Leza wino wafumbata umi wako umwi kasa lyakwe kumwi na vyonsi vino ukacita.

Danieli 5:4

nu kulumbanya tuleza utwapangilwa na zaabu, siluva, umukuwa, ni cela, imiti na mawe.

Oseya 2:8

Wene atamanyile ukuti anene nkamupeela ingano, waini umupya nga na mafuta. Wene atamanyile ukuti anene nkamupeela siluva na zaabu umuvule wakwe cimwi, vivyo vino antu yayo yakapangila amaunkolanya yakwe Baali.

Oseya 8:4

Yene yakaisolwela yamwene ukwaula ukulonda kwane. Yakaisontela yakateeka ukwaula kuti inzumilizye. Yakaipangila amaunkolanya yakwe siluva na zaabu, lelo yakuyonona sile aisikulu muli cico.

Habakuku 2:19

Kalanda ku muntu wino akanena umuti ati, ‘Zyuka!’ Nanti iciliwe ati, ‘Katuka!’ Uzye akaluwi nako kangamunena icakucita? Nanti angala antu yangakapomela siluva na zaabu, lelo musi umi muno kali.

Milimo 17:29

“Caleka pano sweswe ana yakwe Leza, tutaelenganya vino umwata wakwe Leza ukoline wa ciluwi cakwe zaabu nanti cakwe siluva nanti iwe, icapangwa nu muntu umulamoke.

Milimo 19:26

Ndakai, mukuuvwa nu kuilolela mweisikulu vino umuntu wi Paulo akucita. Akuti yaleza apangwa na makasa ya antu yasi yaleza awe, nupya wataongola nu kupuulula antu aingi, muno mu Efeso na konsi mu muputule wa mpanga ya Asiya.

Malango 7:25

Mulinzile ukoca utuluwi twao. Mutaca mwezye kukumbwa nanti ukusenda siluva nanti zaabu wino yakoweka utuluwi tuto. Ndi mwaca mwacita vivyo, ale lyene mungailetelela sile, pamulandu wakuti Yawe wapata ukupepa utuluwi.

Umbwilo 9:20

Antu yonsi asyala yano atakomilwe ku vilumbelo vii, yatazenzwike ku milimo ya makasa yao. Yene yatatile kupepa mipasi yankota, nanti tuluwi twakwe zaabu, siluva, nanti mukuwa, nanti twa mawe, nanti twa vimuti tuno tutange tulole nanti kuvwa nanti kupita.