Danieli 2:37 - Amazwi Yakwe Leza 2013

³⁷ We musambazi, wewe uli mwene mukalamba pali yamwene yonsi. Leza wa mwiyulu wakulasika pa wene, wakupeela na maka nu ulamba nga nu lulumbi.

Danieli 2:37 ပူးပေါင်းရင်းမြစ်များ

1 Yamwene 4:24

Pano wene wateekanga amawene yonsi ayela lwaku uwondaka wa luzi lwaku Yufulate, ukutandikila ku Tifisa mpaka ukufika ku Gaza, nupya mwali umutende mu mpanga yakwe ni mpanga zyonsi izyamuzingulwike.

2 Yamwene 25:28

Evili Melodaki atamucuzyanga foo. Wamupile nu mucinzi ukulu sana apa wene wakwe ukuluta vino wacindike yamwene yonsi yano yali nawe umu Babiloni.

2 Milandu 36:23

“Kilusi umwene waku Pesya wavwanga wati, ‘Yawe, Leza wa mwiyulu wampeela amawene yonsi apanonsi, nupya wansonta kuti imukuulile Ng'anda ikulu umu Yelusalemu umu mpanga ya Yuda. Umuntu ali wensi uwa munomuli nupya uwamu antu yakwe Leza, angaswilila kweneko. Yawe Leza umwene wakwe aye na aliwe.’ ”

Ezila 1:2

“Lii ilamulo lyakwe Kilusi, umwene waku Pesya. Yawe, Leza wa kwiyulu, watampela amaka akuteeka impanga yonsi. Watanena ukumukuulila Ng'anda ikulu uku Yelusalemu mu mpanga yakwe Yuda.

Ezila 7:12

Mwali amazwi akuti, “Ukufuma kuli Alitakisesi umwene mukalamba. Nalemba kuli Ezila, simapepo, kalemba wa masunde yakwe Yawe Leza wa mwiyulu.

Masamu 62:11

Kwaya sile icintu conga cino Leza akakonkowezya penepo, cino nani namasambilila mwenemo ivintu viili. Acico icakuti, wewe Leza uli mweneco wa maka,

Mapinda 8:15

Akaazwilizya yamwene ukuteeka, ni ntunguluzi ukupeela amasunde alungame anene kwene.

Ezaya 10:8

Wene akaitanka nu kuitanka ati, “Nemo yamusika ya vita vyane yonsi a yamwene!

Ezaya 47:5

Wene akunena Babiloni ati, “Ikala sile cele, umu mfinzi, we mukazyana mwali. Antu yatalatala yakwame ukuti wewe namwene wa mawene, awe.

Yelemiya 28:14

Yawe Wamaka yonsi, Leza wakwe Izlaeli watavwanga ndi vino amakulika amakoli yavyela ku mitundu ii yonsi, nu kuti yatumikila umwene Nebukadineza waku Babiloni. Watavwanga nu kuti alaleka inyama zya mpanga nazyo kwene zyamutumikila.”

Yelemiya 34:1

Lino Nebukadineza, umwene waku Babiloni, ni vita vyakwe vyonsi pamwi nu wene wakwe onsi uno watekanga pano nsi, walwisyanga umusumba wa Yelusalemu ni misumba yakweo yamu mbali, izwi lyakwe Yawe lyafikile Yelemiya iliti,

Ezekelo 26:7

Pano Yawe Simwandalali wavwanga wati, “Silola, nkutumila aina Tuli umwene waku Babiloni, umwene wakwe yamwene, wene alafuma ku ntunga yaku katutu, aliza ni mfwalasi na maceleta na akapita pa mfwalasi nga ni umba lya vita ilikulu.

Danieli 1:2

Nawe Yawe wapile Yeoyakimu umwene waku Yuda mu makasa yakwe Nebukadineza, kumwi ni viya vino yafumizye mu Ng'anda ikulu yakwe Leza. Nawe avisenda avitwala ku ng'anda ikulu yakwe kaleza kakwe ku Babilonia nga aviika mu ng'anda ya cipao cakwe leza wakwe.

Danieli 2:31

“We musambazi, mu cilolwa cako waweni nga inkolelo paimi iciluwi icikulu wakwe cimwi, iciyengese, nupya cakoofya mukuloleka.

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Danieli 4:19

Lyene Danieli, wino izina lyakwe nalyuze a Belitesyazali, cimamusakamika wakwe cimwi cakuti aposiwa kuvwanga cili consi. Caleka umwene avwanga ati, “Belitesyazali, utaleka iciloto na muno ciile vikusakamike wakwe cimwi.” Belitesyazali aasuka umwene ati, “Musambazi, si cangecizipe ciloto cii na muno ciile ale vikumile anisi yako, lelo vitakuma wewe.

Danieli 4:22

“Musambazi, wewe uli cimuti cici, citali nupya camaka. Wemo watuya umukulu wakwe cimwi cakuti ukulu wako wafika nu mwiyulu, na maka yako autesi yafika nu ku mpanga zyakutali umu nsi yonsi.

Danieli 4:25

Wemo yalakufumya apakasi ka antu nupya ulikala pamwi ni nyama. Pa myaka cinimbali ulalya isote wa ng'ombe ni mbuzi apanzi, kuko kuno ulumi lulakukunga. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 4:3

Ala ivizungusyo vino Leza watulanga ivikulu! Ala ivinjelengwe vino wene akacita ivyamaka! Leza ali mwene wa manda pe. Wene amateekanga insita zyonsi.

Danieli 4:32

Wemo yalakufumya apakasi ka antu nupya ulikala pamwi ni nyama zya mpanga. Pa myaka cinimbali ulalya isote wa ng'ombe ni mbuzi apanzi. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Danieli 5:18

“Iye mwene, ala Leza wapapelapela walasike so Nebukadineza pa cilimba ca wene, aya umwene mukulu amupeela na amaka nu lulumbi nu usambazi.

Danieli 7:14

Wene wapilwe amaka, ululumbi nu utesi, kuti misango yonsi ya antu, na antu amu nko zyonsi ni ndimi, yangamutumikila. Amaka yakwe autesi yalatwalilila amanda pe, nu wene wakwe utalasila.

Oseya 8:10

Nanti angala yene yalemana na antu amu nko zyuze, ndayakolonganya nu kuyonona. Zuwazuwa yene yalondoloka wakwe cimwi apa kuzunyiwa nu utesi wa mwene waku Asilya.

Mateo 6:13

Utaleka tuponele mukweziwa kukome lelo ututuule ku Mwipe wilya.’

Yoane 19:11

Yesu amunena ati, “Utangaya ni nsambu panondi, suka ndi nsambu yapeelwa kunuli kufuma kuli Leza. Caleka wino uwatapela nene kunuli ali ni iifyo likulu kuluta.”

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu

Umbwilo 17:14

Yalalwisya Mwana wa Mfwele. Lelo Mwana wa Mfwele alayacimvya, pano ali Mwene wakwe yamwene, kateeka wakwe yakateeka. Nupya antu yakwe aamwa, asololwe na a utailo yalacimvya pamwi nawe.”

Umbwilo 19:16

Pa mwingila wakwe na pa lupamba lwakwe palemvilwe zina lino likati, “Kateeka wakwe yakateeka nu Mwene wakwe yamwene.”

Umbwilo 4:11

“We Mwene Leza witu! Wemo wazipilwa kupelwa lulumbi, mucinzi na maka, pano wewe waumvile vintu vyonsi. Ku kulonda kwako walenzile vyonsi kuti viyeko, nupya wewe waviumvile.”

Umbwilo 5:12

Nupya imvile lwimbo ni zwi likulu yati, “Mwana wa mfwele wino uwakomilwe wene wazipilwa ukupelwa maka, icuma, mano, ulamba, mucinzi, lulumbi nu kulumbanyiziwa!”