Danieli 2:34 - Amazwi Yakwe Leza 2013

³⁴ Walanga ucili lolekesya, iwe likulu lisozoka apa mwamba ukunuke ukwaula umwi kulilema, nga litamola ingazo zya cela ni ivu, zya ciluwi cici, ilizivungola.

Danieli 2:34 ပူးပေါင်းရင်းမြစ်များ

Masamu 118:22

Iwe lino yakakuula yakanyile lyene lyacisilwe iwe lya pitungi lya ng'anda. Yawe uwacita vii, awe cene catuzungusya cuze.

Ezaya 28:16

Ali cino Yawe Simwandalali akuti, “Nemo namaimba umufula mu Zioni umucumi. Alino umufula kwene uo, namaika penepo iwe lyonga ilikome, ililemvilwe penepo amazwi akuti, ‘Uwazumila atalatenkana!’

Ezaya 60:12

Ali vino antu ya mitundu yuze yano yalakana ukukuombela yene cazipa yace yasyamilile, yalowelele.

Ezaya 8:9

Ali cino fwandi mucimanye mwe mitundu ndi vino yalamusyunola. Muvwikisye mwe mitundu yakutali. Swapilini ivyanzo vinu! Lelo kwene ale mwatimucimanya!

Ezekelo 32:28

“Fwandi ali vino na ina Eguputo yalaongoteka nu kulambalala pamwi na antu atasilamulwa, afwilile mu nkondo.

Ezekelo 47:5

Nupya apima na mamita yauze, awe lyene iluya uluzi luno ntangendambe, pasi pano uluzi lwasambela, amanzi yavulisya, yasi yakulamba suka sile ukowa.

Danieli 2:33

na maulu yakweco yapangilwe ni cela, nga ni ngazo zyakweco zyapangilwe ni cela ni ivu.

Danieli 7:27

Amaka nu ukulu wa mawene yonsi pano nsi ulapelwa ku antu yakwe Leza Wapapelapela. Amaka yao autesi yatalasila, nga na yakateeka yonsi pano nsi yalamutumikila nu kumuyela.”

Danieli 8:25

Alalenga ukuti usomvi ucitike pamulandu wakuti wene incenjezi. Wene alaya ni cilumba nga alonona antu avule ukwaula kuyasoka. Nupya alakatukila Umwene wakwe yonsi, lelo alononwa ukwaula kuomvya amaka ya muntu.

Zakaliya 12:3

Pa wanda kwene ulya umusumba wa Yelusalemu ndaucita wa ciliwe cinyome wakwe cimwi ku mitundu yonsi ya antu. Na antu yonsi alezya kucikatusya imisana yao ilavunika. Mitundu yonsi ya antu ya panonsi yaluminkana kuti yezye ukuwililila umusumba wa Yelusalemu.

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Mateo 16:18

Petulo nakunena vino wewe lwala, na pa lwala luu apano ndakuula iuvi lyane, nga nanti maka ya mfwa yatalalicimvya.

Yoane 1:13

Yene yatali ana yakwe Leza kupitila ku kuvyalwa ku akwasi. Lelo Leza umwisikulu uwayalenzile kuya ana yakwe.

Milimo 4:11

Yesu ali wino malembelo yakati, ‘Iwe lino mwe yakakuula mwakanyile lyene lyacisilwe iwe lya pitungi lya ng'anda.’

2 Kolinto 5:1

Umwili uno twakwata pano pansi waya wa mutanda. Twamanya vino umutanda ndi waca ononeka tukweti ng'anda yuze kwi yulu, yene itakulwa na makasa ya antu nupya iyape na pe.

Ayebulai 9:24

Pano Klistu atingile mu Ncende Yamuzilo ino iyapangwa nu muntu, nupya ino iyali ukukolanya kwakwe iyo ya cumi. Wene wingile mwiyulu kwene muno ndakai ali pamwi na Leza kuti atwazwa.

1 Petulo 2:7

Iwe lii ilyamutengo cuze kuli mwe muno mwataila. Lelo kuli yao atataila, kunoyali cili ndi vino malembelo yauze yakati, “Iwe lino yakakuula yakanyile, lyene lyacisilwe iwe lya pitungi lya nganda.”

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Umbwilo 17:14

Yalalwisya Mwana wa Mfwele. Lelo Mwana wa Mfwele alayacimvya, pano ali Mwene wakwe yamwene, kateeka wakwe yakateeka. Nupya antu yakwe aamwa, asololwe na a utailo yalacimvya pamwi nawe.”