Danieli 2:28 - Amazwi Yakwe Leza 2013

²⁸ Lelo kwaya Leza umwiyulu, wino akasokolola vya nkama. Wene watakulanga we mwene Nebukadineza ivilacitika mu manda akwiza. Lyene kankunene iciloto, icilolwa cino wakweti lino wakaswile.

Danieli 2:28 ပူးပေါင်းရင်းမြစ်များ

Utandiko 40:8

Nayo yaasuka yati, “Swensi cila muntu watalota ciloto, lelo pano pasi wakuti atwilwile viloto vitu.” Yosefu ati, “A Leza wenga sile akapeela ukwilula konsi ukwa viloto. Nenini viloto vinu.”

Utandiko 41:16

Yosefu azumila ati, “Nemo ntangacita cico, lelo Leza amapeela wilulo usuma kuli Falao.”

Utandiko 41:25

Yosefu anena Falao ati, “Viloto vyakwe Falao vyoili vikusenula icintu conga sile. Leza watakunena vino amacita.

Utandiko 49:1

Yakobo atuma umwi kuti aame ana yakwe onsi, nga lino yiiza ayanena ati, “Palamilini kunondi muleke munene vino cilamucitikila mu manda akwiza:”

Masamu 115:3

Ala swemo Leza witu waya umwiyulu, akacita na vyonsi vino atemilwe.

Ezaya 2:2

“Limwi umu manda akusyalikizya umwamba apa kuulilwa Ng'anda ikulu yakwe Leza iya kumpepelamo, ali lino ulatalimpisya ukuluta imyamba yuze yonsi. Na antu ya mitundu yuze ali kuno yalaomokela.”

Yelemiya 10:7

Wewe uli Mwene wa mitundu yonsi. Aweni fwandi atange akoope? Caticikulinga kuti yonsi yakucindika. Pano kusi nanti wenga uwaya wakwe wewe, pa antu yamano yonsi amu mitundu yonsi nanti pakasi kakwe yamwene yao.

Yelemiya 30:24

Icipyu cakwe Yawe icikali citalatala cizuke foo, suka sile ace atale afikilizye amapange yamu mwenzo wakwe. Antu yakwe yaluvwa muno ciile mu manda aliza ku nkolelo.

Yelemiya 48:47

Lelo kwene umu manda aliza ndawezezya Moabu isyuko lino wakweti,” Ivyalanda ne Yawe. Paa, apapelela upinguzi pa ina Moabu.

Ezekelo 28:3

Wemo ukwelenganya ukuti wewe wamano ukuluta Danieli cakuti kusi inkama izingafiswa kunuli.

Ezekelo 38:16

Uliza uzanze antu yane aina Izlaeli, ulakolana ni kumbi ilyati livimbilikizya impanga. Amanda kwene yayo, anene ndakuleta we Gogi, ukukwiza lwisya impanga yane, apakuti imitundu ikamanye, lino ndalanga ucindami wane pa manso yao muli wewe, we Gogi.

Ezekelo 38:8

Ndi papita amanda aingi, kulaya insita imwi ino ndakupeela isunde lya kuzanza impanga imwi, muno antu yaikalila uku matwi cele ukwaula inkondo, ukutandikila sile pano antu yakolonganile ukufuma umu mitundu yuze iingi, nu kwiza muno myamba yamu Izlaeli, ino yasiile amapooli apa nsita ntali.

Danieli 1:20

Mu vintu vyonsi ivikumile amano nu kwiluka vivyo vino umwene wayuzyanga, wazananga ukuti alumendo yaa yani yalusile amaila ikumi amamanyamano yonsi kumwi na yakasapoola amu wene wakwe onsi.

Danieli 10:14

Acino lyene natiniza kuti nkulondolwele ivilacitikila antu yako mu manda akwiza. Cilolwa ica manda akwiza.”

Danieli 2:18

Lyene Danieli ayakonkomezya kuti yapepe kuli Leza wa kwiyulu kuti aye na mizu kunoyali nu kumulenga kuti ayalondolwele inkama pakuti yatakomwa kumwi na yampandamano amu Babiloni.

Danieli 2:22

Wene akasokolola ivintu ivizike nupya vya nkama. Wene amanyile ivyafiswa mu mfinzi, nu luswepo lwamuzinguluka monsi.

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Danieli 2:45

Waliwalola vino iwe lyasozoka ukufuma pa mwamba ukunuke ukwaula kuti umwi alikumye nga navino lyalilyafwanta iciluwi capangilwa ni cela, nu mukuwa, ni ivu, na siluva, nga na zaabu. Leza Mukulu akukunena we musambazi ivilacitika mu manda akwiza. Ninkunena ukulingana na vivi kwene vino waliwalota, nga nu kukulondolwela iciloto cako muno calola.”

Danieli 2:47

Umwene avwanga ati, “Leza wako umukulu pali yaleza yonsi, umwene wakwe yamwene, nupya aliwe akaumbula inkama. Manyile cii pamulandu wakuti we Danieli watuumbula inkama.”

Danieli 4:5

Lelo nizile ndota iciloto cakundetela intete nga lino naizi ndola ni vilolwa vyakungoofya.

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Amosi 4:13

Wiyo kwene wino akapanga imyamba, nu kupanga icipunga, nu kuumbula ukwelenganya kwakwe ku muntu, aliwe kwene akasenula umusanya iuya usiku, aliwe kwene akapita pa kansonsi ka panonsi. Izina lyakwe a Yawe Wamaka yonsi!

Mpendwa 24:14

“Fwandi ndakai naswilila ku antu yane. Lelo tale ndanga intale nkusopesye vino umutundu uu uli nu kucitila antu yako mu manda ali nu kwiza.”

Mateo 6:9

Acino mwemo mwapepa mukuti, ‘Tata witu uwa mwiyulu, Izina lyako licindikwe,

Malango 31:19

“Ali cino fwandi wemo lemba ulwimbo luu. Ulusambilizye ku ina Izlaeli pakuti luce luye alukambone kunoyali.

Malango 4:30

Lino mulaya mu ucuzi nga na lino ivintu vii vyonsi vilamucitikila, lyene ali lino mulaseleukila kuli Yawe Leza winu nu kumuyela.

2 Timoti 3:1

Iusya ukuti mu manda akusyalikizya mulaya tusita tutale.

Ayebulai 1:1

Ku mpiti Leza wavwanzile ku vikolwe vitu umu nzila zipusanepusane na maila avule kupitila muli yakasema.

2 Petulo 3:3

Cankolelo, mulinzile kumanya ukuti mu manda yaa akusyalikizya antu yamwi yalaloleka yano umi wao ukatungululwa ni nsuna zyao. Yene yalamusoweka

Umbwilo 1:1

Mu lupapulo luu mwalembwa vicitwa vino Yesu Klistu waumbwile. Leza wamupile umbwilo pakuti alange aomvi yakwe vintu ivili nu kucitika zuwa. Klistu watumile mungeli wakwe ni landwe lya kuumbula kuli Yoane muomvi wakwe.