Danieli 11:33 - Amazwi Yakwe Leza 2013

³³ “Intunguluzi zya antu zyamano zilapandana amano na antu yauze avule. Lelo pa kasita kanono yamwi muli alio yalakomwa umu nkondo nanti ukuyoca mpaka yafwe, nga na yamwi yalayiila ivintu nu kuyasumbila mu ng'anda ya minyololo.

Danieli 11:33 ပူးပေါင်းရင်းမြစ်များ

Danieli 12:10

Antu avule yalasangululwa. Yayo akacita vyaukakasi yatalasangululwa, lelo yalatwalilila ukuya aukakasi. Kusi nanti wenga muli yayo akacita vya ukakasi wino aliiluka, suka sile yayo akwata amano.

Malaki 2:7

“ ‘Yasimapepo yapeelwa umulimo wakusambilizya icumi capali Leza. Antu yalinzile ukuya kunoyali ku kusambilila ivintu vino nkalonda kuti yacita, pamulandu wakuti yasimapepo ali nkombe zyakwe Yawe Wamaka yonsi.

Mateo 10:21

Antu yalakoopa aina yao aonsi kuti yakomwe. Mu musango uli onga na yaisi yalakoopa ana yao. Ana yalakatukila akwasi yao nu kuyakomisya.

Mateo 13:11

Yesu nawe aasuka ati, “Mwemo mwapelwa amano ya kumanya nkama zya Wene wa mwiyulu, lelo yene yatapelwa.

Mateo 20:23

Yesu nawe ayanena ati, “Icacumi mungamwa mu lwako lwane. Lelo ntakweti nsambu yakusolola wino angikala kwi kasa lilunji nanti kwi mani lyane. Tata alapeela vifulo vii kuli yano wateyanyizizya.”

Mateo 24:9

“Lyene yalamulema, yalamuzunya nu kumukoma. Antu amu nko zyonsi yalamupata pamulandu wane.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Yoane 16:2

Yalamuzinga mu mang'anda ya mapepo, endi, na kasita kakwiza lino wino wensi wamukoma alelenganya vino pa kucita cii, akutumikila Leza.

Milimo 11:26

Lino wamuzana, amuleta ku Antioki. Lyene mwaka uwa onsi upuma oili kwene yakongana pamwi ni iuvi nu kusambilizya ali mwenemo. Ku Antioki akuno alondezi yatandike ukwamwa aina Klistu.

Milimo 14:21

Paulo na Banaba yakosola Ilandwe Lisuma mu Debe yalonka antu aingi yataila muli Yesu. Lyene yaswilila ku Lisitala, ku Ikoniamu, nu ku Antioki mu Pisidiya.

1 Kolinto 4:9

Pano kunondi caloleka ukuti Leza wapela cifulo cakusyalikizya kuli sweswe swe atumwa. Tuli wa antu avunukwa ku kukomwa pa swe, nupya tuli akutambwa ni viumbwa, asi antu yatupu, lelo na angeli kwene.

2 Timoti 1:12

Acino pamulandu kwene uu, nemo nkucula. Lelo nsi na nsonyi pano indi nu upaalilo cuze, pano manyile wiyo wino nataila. Nupya nkusininkizya ukuti wene akweti maka akucingilila cico cino wandasika, kufika na pa Wanda wa mpelelekezyo.

2 Timoti 4:6

Ndakai insita yatifika yakuti nkomwe wa mpolelwa. Nsita yatifika yakuti nemo insye umi uu.

Ayebulai 11:34

yazimizye moto uwipisye nu kutuulwa ku kukomwa ku lupanga. Nanti angala yali atonte yene yapilwe maka nga yaya akome. Mu nkondo yali na maka cuze, nupya yacimvizye vita vya inamasi.

Umbwilo 1:9

Nene Yoane mwina winu, nupya mulondezi wakwe Yesu. Nkakuma pamwi namwe mu wene wakwe Leza nu kuposya mu macuzi. Nemo nasumvilwe pa cilila ca Patimosi pamulandu wa kukosola mazwi yakwe Leza nga ni cumi cino Yesu waumbwile.

Umbwilo 17:6

Naweni ukuti mwanaci wakolike uwazi wa antu yakwe Leza nga nu wazi wakwe yao akomilwe pamulandu wa kuyela Yesu. Lino naweni mwanaci nzunguka cuze.

Umbwilo 2:13

Namanya kuno ukaikala akuno Ciwa wika cilimba cakwe ca wene. Mwemo mwaya akutailwa kunondi, nupya mutatala mwata kutaila nu mu nsita kwene ino Antipa kambone wane uwakutailwa wakomilwe kumwinu kuko kuno Ciwa akaikala.

Umbwilo 6:9

Lyene Mwana wa mfwele alematula cimanyililo calenga visano. Alino pisika lya kavuwa ndola mipasi yakwe yao akomilwe pamulandu wakuti yene yakosozile mazwi yakwe Leza na pamulandu wa umboni uno yapile. Yene yapunda ni zwi likulu yati,

Umbwilo 7:14

Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.