Danieli 11:24 - Amazwi Yakwe Leza 2013

²⁴ Wene alazanza umuputule wa mpanga imwi umu kwiukizya nupya alacita ivintu vino kusi nanti wenga umu vikolwe vyakwe uwatazile acita. Lyene alankanya visampwe ni vyuma kuli yayo akamulondela. Nupya alumana akapi na yamwi kuti alwisye imisumba ya malinga, lelo atalaya ni nsita ikalamba yakucita cico.

Danieli 11:24 ပူးပေါင်းရင်းမြစ်များ

Neemiya 9:25

Yapokolwile imisumba ya malinga, ni mpanga ivunde, amang'anda ni nkoma zya vyuma. Yapokolwile ni vifula vino yimba calimwi, imiolivi, imiti ya viseekwa, ni vyalo vya matingi. Yene yalyanga yikuta nga lyene pasi pakwina. Yene yailyokezyanga ivintu ivisuma vyonsi vino wayapile.

Mapinda 17:8

Akapeela amafukakanwa yakamuombela wi we lya mutengo, konsi kuno waya, umusyuke.

Mapinda 19:6

Umuntu mukankala, antu aingi yakamulyombeka, nupya umuntu kapekape acuza wakwe yonsi.

Mapinda 23:7

Limwi angakwama ati, “Iza kuno ndulye, nu kumwa kweneko.” Fwandi umu mwenzo wakwe ala muli kamwi akakumukolola.

Ezekelo 34:14

Ndazicemela umwaya umulemvwe usuma, mu myamba nu ku nguzi nu mu mpanga zyonsi zya mulemvwe, izyaya mu mpanga ya Izlaeli.

Ezekelo 38:10

Vii ivyalanda Yawe Simwandalali kuli Gogi, apa wanda ulya, amelenganyo yaliza umu mano yako, nu kuteyanya ulateyanya amapange aipe.

Danieli 11:23

Apacisila ca kuzumilizyanya na aliwe, wene alacita ucenjenzi, nga alaya na maka nanti angala alateeka sile antu incepelwa.

Danieli 7:25

Wene alavwanga amazwi yamiponto kuli Leza Wapapelapela nu kuzunya aswepe yakwe. Wene alezya kusenula insita na masunde ya upefi, nga antu yakwe Leza yalaya mu makasa yakwe apa myaka itatu na citika.

Mpendwa 13:20

Mulole impanga vino ikuloleka, ndi ya muvundo nanti foo, ndi ya miti nanti foo. Muombesye pa maka cakuti mukawele ni viseekwa vya mpanga ilya, vimwi vimwi.” (Insita kwene iya yali iya viseekwa vya nkolelo vya matingi.)

Mateo 9:4

Lino Yesu wamanya vino yakwelenganya mu myenzo yao ayauzya ati, “Uzye pacani mukwelenganya viipe mu myenzo inu?

Yakapingula 9:4

Iyamupeela ulupiya lwakwe siluva ukulingana amakumi cinimbali ukufuma mu ng'anda ikulu yakwe Baali Beliti. Ulupiya kwene lulo luli luno Abimeleki aomvya ku kulembelapo awelewele, yamapuzu akuti yamulondela.