Ayebulai 9:26 - Amazwi Yakwe Leza 2013

²⁶ pano acita vivyo wange acule maila aingi kufuma ku kuumbwa kwa vintu vyonsi. Lelo ndakai, lino mpelelekezyo ya nsita zya mikulo yonsi yapalama, wene waloleka lyonga nupya calimwi kuti atufumizye maifyo kupitila mu mpolelwa ino umwisikulu waipile.

Ayebulai 9:26 ပူးပေါင်းရင်းမြစ်များ

2 Samueli 12:13

Davidi pali pakuvwanga ati, “Naifya kunuli we Yawe.” Natani nawe aasuka ati, “Yawe wakwelela. Utakufwa.

2 Samueli 24:10

Lelo pacisila lino Davidi wamala ukupenda antu, kampingu wakwe atandika ukucululuka, nga anena Yawe ati, “Natincita iifyo ilipisye apakucita icintu cii! Napapata unjelele. Nemo natincita icauwelewele.”

Yobo 7:21

Uzye kwene utange unjeleko uluse apakukwifya kuno nakwifya, nanti usule sile kuli vino nakuluvyanya? Ala nemo nasya mfwe yanzike nu kunzika. Ulandonda, lelo nemo ntalayapo.”

Masamu 103:12

Ndi vino ufumondaka watalukana nu uwondaka, avino nawe akafuntusya uyi kunotuli.

Ezaya 2:2

“Limwi umu manda akusyalikizya umwamba apa kuulilwa Ng'anda ikulu yakwe Leza iya kumpepelamo, ali lino ulatalimpisya ukuluta imyamba yuze yonsi. Na antu ya mitundu yuze ali kuno yalaomokela.”

Danieli 10:14

Acino lyene natiniza kuti nkulondolwele ivilacitikila antu yako mu manda akwiza. Cilolwa ica manda akwiza.”

Danieli 9:24

“Imyaka cinimbali amaila amakumi cinimbali ili nsita ino Leza wika iyakuleka antu yako kumwi nu musumba wamuzilo yaye antungwa ukufuma ku maifyo ni nkota. Amaifyo yalelelwa nu ulungi wa manda pe uye kweneko, apakuti cilolwa nu usemo vikafikiliziwe, nga ni Ng'anda ikulu yamuzilo yakwe Leza ikapelwe kuli Leza nupya.

Mika 4:1

Mu manda akwiza, umwamba apa kuulwa Ng'anda ikulu yakwe Yawe ulaya uutali ukuluta imyamba yonsi, usanzuke ukuluta imilundu yonsi. Antu amu nko zivule yalasimwilila kuno uli.

Mateo 13:39

Mwanisi wino watile kalolo akwimilila Ciwa. Uzombozi ukwimilila wanda wampelelekezyo ya nsi. Yakasinza nayo yakwimilila angeli.

Mateo 13:40

Caleka vino antu yakaipa yakolonganika kalolo nu kumoca mu moto, mu musango uli onga kwene avino cilaya pa wanda wampelelekezyo ya nsi ino.

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Yoane 17:24

“Tata! Wayampela, nga nani nkasi kuti yaye nani kunondi, kuti yangalola lulumbi lwane luno wampile. Pano wemo wantemilwe lino insi itali icitwe.

1 Kolinto 10:11

Vintu vii vyonsi vyacitikile vikolwe vitu kuti ciye ukusokwa, nupya vyalemvilwe kuti viye vyakutusambilizya swe muno tukulolela mpelelekezyo yakwe vyonsi.

Galatiya 4:1

Lelo ndakai nkulanda vii, mwana wino alapyana vyakwe isi, lino acili umwance yakamucita wa muzya nanti angala wene ali mwine wakwe vyonsi.

Efeso 1:10

Lyene lino insita ilafika, Leza alacita vyonsi vino wapanga kucita, nga Klistu nawe alakonganika pamwi vintu vyonsi ivya mwiyulu na pano nsi.

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Ayebulai 1:2

Lelo mu manda yaa akusyalikizya wene wavwanga kunotuli mu Mwana wakwe. Muli wikwene amuno Leza waumvile uumbo onsi, nupya wene wamusolwile kuti aye umweneco wa vintu vyonsi.

Ayebulai 10:10

Pamulandu wakuti Yesu Klistu wacisile vino Leza walondanga kuti wene acite, swemo swensi kwene twaswefiwa kupitila mu mpolelwa ino umwisikulu waipile lyonga nupya calimwi.

Ayebulai 10:12

Lelo Klistu wapile impolelwa yonga yakufumya maifyo, ni mpolelwa ii ikaomba manda pe. Lyene waile aikala kwi kasa lilunji lyakwe Leza.

Ayebulai 10:26

Pano ndi tukwifya ku mufulo nalino cumi cati cimanyikwa kunotuli lyene kutangaya impolelwa yakufumya maifyo itu.

Ayebulai 10:4

Pano wazi wakwe yacipambasi ya ng'ombe nu wa mbuzi vitangafumya maifyo.

Ayebulai 4:3

Lyene swe muno twataila tukaingila mu kupuza kuno Leza walavile. Cili wakwe vino wene wavwanzile ati, “Caleka nali musoke nu kulapa inti, ‘Yene yatalatala ingile mu mpanga ilya mu kupuza kuno nange njape!’” Wene wavwanzile vii nanti angala wamazile milimo yakwe ya kuumba insi.

Ayebulai 7:27

Wene atakolana na Simapepo Mukulu muze. Citakulondekwa kuti wene apeela impolelwa cila wanda, inkolelo zya pa maifyo yakwe nga ni zya pa maifyo ya antu asyala. Lino waipile lyonga umwisikulu, wene waipile kuya impolelwa yonga sile iya manda pe.

Ayebulai 9:12

Lino Klistu wingile lyonga mwitaalu, nu kwingilila limwi mu Ncende Yamuzilo Kuluta wene atasenzile wazi wa mbuzi na yacipambasi ya ng'ombe kuti apeele impolelwa. Lelo wene wasenzile wazi wakwe umwisikulu nu kutulonkela ukuluzi.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

1 Petulo 1:20

Leza wasolwile Klistu lino uumbo utali uyeko, nupya pakuti atuule mwemwe wene wasokolwile Klistu mu manda yaa akusyalikizya.

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

1 Petulo 4:7

Mpelelekezyo ya vintu vyonsi yatipalama. Mulinzile kuikanya, nupya pempulini kuti muye na maka akupepa.

1 Yoane 3:5

Mwamanya ukuti Klistu walolike kuti asende maifyo, nu kuti munoli mutaya iifyo.

1 Yoane 3:8

Wino wensi akatwalilila kwifya wene uwakwe Ciwa. Pano Ciwa wifizye kufuma ku utandiko kwene. Mwana wakwe Leza walolike pamulandu kwene uu, kuti aonone vino Ciwa wacita.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

Umbwilo 17:8

Cilyanyi cino ukulola, mpiti cali nu umi, lelo ndakai cafwa. Cili pipi nu kufuma mu ciwina caula impela nu kupita ku kononwa. Antu yonsi amu nsi yano mazina yao yatalemvilwe mu lupapulo lwa umi kufuma ku uumbo wa nsi yalazunguka cuze lino yalalola cilyanyi. Yalazunguka pa kulola ukuti cali nu umi nga ndakai cafwa. Lelo cilatutuluka nu kuloleka nupya.