Ayebulai 9:19 - Amazwi Yakwe Leza 2013

¹⁹ Nkolelo Mose wanenyile antu masunde yonsi ndi vino Leza wamupile. Lyene atoola wazi wakwe yacipambasi ya ng'ombe nu wa mbuzi, atikanya na manzi, nga ausansa pa lupapulo lwa Masunde, na pa antu onsi, ala akuomvya kamuti kakwe isopu na mavumbu ya mfwele ayenzu.

Ayebulai 9:19 ပူးပေါင်းရင်းမြစ်များ

Masamu 51:7

Umfule na manzi yako, inswepe, umfule nu mwenzo wane uswepe na mpee.

Kufuma 12:22

Mukatole kamusambo kakwe isopu mukatimpike mu lweso lwa wazi wa nyama, alino mukapake uwazi umwi ku meema na pali pungwe wa ng'anda inu. Muntu nanti wenga atakafume mu ng'anda kufika katondo.

Ezaya 52:15

Ali vino alalenga ukuti imitundu iingi izunguke, na yamwene kwene yatalalanda apakulola icata cakwe, apakulola cino citatazile cilandwapo, nanti ukulola cino citatazile cuvwike.”

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Aina Levi 1:10

Muntu ndi cakuti akupeela uwila wakoca uwa mfwele nanti imbuzi, uwila uwo ulinzile ukuya a suuku nanti sawe uwaula ulema.

Aina Levi 3:6

“‘Muntu ndi akupeela uwila wa utandano kuli Yawe, ndi uwila uu a suuku nanti imfwele yakaci, yene ilinzile ukuya iyaula ulema.

Mpendwa 19:18

Alino umuntu asi uwa mulandu atoole musambo wa isopu nu kuutimpika mu manzi yao. Alino akupoolele api taalu na pa viya vyonsi kumwi na antu yonsi ali penepo, nupya alinzile akupoolele nu muntu kwene uwakumizye ukwi fupa nanti ku muntu wino yakomile, nanti pali wiyo uwakumizye ku muntu uwafwile imfwa Leza nanti pali wiyo uwakumizye ukwi lindi.

Mpendwa 19:6

Lyene simapepo atoole kamusambo ka cimuti ca mukelide, nu musambo wa isopu ukulunda penepo na tutonge nu kuvisumbila pa cininkwa ca moto uno yakocelapo indama iyo.

Mateo 27:28

Alino yamuzula vino wazwite, nga yamuzwika mwingila uyenzu,

Mako 15:17

Yamuzwika mwingila uyenzulukile, yaluka ingala ya myunga, yamuzwika ku mutwe.

Mako 15:20

Lino yamala kumusoweka, yamuzula mwingila uyenzulukile alino yamuzwika vizwalo vyakwe. Lyene yamusenda kunzi kuti yakamutane pa lupanda.

Yoane 19:2

Alino asilika yaluka ingala ya myunga, yamuzwika ku mutwe. Lyene yamuzwika mwingila uyenzulukile.

Yoane 19:5

Caleka Yesu afuma, ala azwite ingala ya myunga nu mwingila uyenzulukile. Lyene Pilato ayanena ati, “Lolini! Umuntu auwi!”

Ayebulai 1:1

Ku mpiti Leza wavwanzile ku vikolwe vitu umu nzila zipusanepusane na maila avule kupitila muli yakasema.

Ayebulai 10:22

Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.

Ayebulai 10:4

Pano wazi wakwe yacipambasi ya ng'ombe nu wa mbuzi vitangafumya maifyo.

Ayebulai 12:24

Mwati mwiza kuli Yesu wakukundanya antu na Leza mu upangano upya nga nu ku wazi wakwe wapongolwilwe nu kukanyiwa muno mwaya vintu visuma cuze vyalavilwe kuluta, ivyamu wazi wakwe Abeli.

Ayebulai 9:12

Lino Klistu wingile lyonga mwitaalu, nu kwingilila limwi mu Ncende Yamuzilo Kuluta wene atasenzile wazi wa mbuzi na yacipambasi ya ng'ombe kuti apeele impolelwa. Lelo wene wasenzile wazi wakwe umwisikulu nu kutulonkela ukuluzi.

Ayebulai 9:13

Wazi wa mbuzi na yacipambasi ya ng'ombe nga ni twi lya ndama vyonsi vikakanyiwa pa antu akowele kulingana ni mipepele ya Ciyuda. Mu musango uu amuno yakaswefiwa ku kukukowela kwa ku mwili.

Ayebulai 9:18

Uli mulandu uno nu upangano wankolelo kwene waombanga sile pa kuomvya uwazi.

1 Petulo 1:2

Mwemo Leza Tata wamusolwile kuti muye antu yakwe, nga nu Mupasi wakwe wamucita kuya amuzilo kuti mwayela Yesu Klistu na kuti mwaswefiwa nu wazi wakwe. Leza aye ni cikuku kunomuli, nupya amupeele mutende uvule cuze.