Ayebulai 3:19 - Amazwi Yakwe Leza 2013

¹⁹ Lyene twalola vino yene yaposiwe kwingila mu kupuza kuku pano yatakweti utailo.

Ayebulai 3:19 ပူးပေါင်းရင်းမြစ်များ

Masamu 106:24

Yasuula impanga ya nsansa, pakukana zumila amazwi yakwe Leza.

Mako 16:16

Wino wensi alataila nu kuwatiziwa, wene alatuulwa. Lelo wino wensi atalataila alavunukwa ku mfwa.

Yoane 3:18

Wino wensi uwataila mu Mwana wene asyakupingulwa, lelo wino wensi asyataila mu Mwana wene wapingulwa mpiti, pano wene atataile Mwana wakwe Leza wino wavilwe wenga.

Yoane 3:36

Wino wensi akataila Mwana wene ali nu umi wape. Lelo wino wensi asyayela Mwana wene atalaya nu umi. Ukali wakwe Leza ulaya panoli.

Loma 11:23

Ayuda nao ndi yangazenzuka nu kutaila, yalaweziwa pa cifulo cino yalipo nkolelo. Pano Leza ali na maka yakuyawezya.

Malango 1:32

Lelo nanti namunenyile vii, nalyo kwene mutataile Yawe,

2 Tesalonika 2:12

Ni cilafumamo cakuti yao onsi atataila cumi, lelo yene yazangila mu kwifya, yalavunukwa.

Ayebulai 3:12

Mwe inane, cenjelini kuti umwi uwa munomuli ataya nu mwenzo uwiipe uwa kuntataila, nu kufutatila Leza wa umi.

1 Yoane 5:10

Wino wensi uwataila Mwana wakwe Leza, wene wakwata umboni uu mu mwenzo wakwe. Lelo wino wensi asyataila Leza, ala wene akulanda ukuti Leza uwa ntumpu pano wene atataila vino Leza walanda vya pa Mwana wakwe.

Yuda 1:5

Pano nanti mumanyile vyonsi vii, nkasi kumwiusya vino Mwene watuuzile aina Izlaeli kufuma mu Eguputo. Lelo pacisila alovya yano atataile.