Ayebulai 2:2 - Amazwi Yakwe Leza 2013

² Ilandwe lino Leza wavwangile mu angeli lyali lya cumi, icakuti wiyo atalyuvwile nanti uwalisuzile, wavunwikwe ndi vino camulingine.

Ayebulai 2:2 ပူးပေါင်းရင်းမြစ်များ

Masamu 68:17

Yawe wafumile uku Sinai na maceleta amazimbi na mazimbi, ukwiza mu mucifulo camuzilo, icicindame.

Mpendwa 11:33

Lino inkwale zicili mu tunwa twao, yatacili yazisyete nu kuzimila, icipyu cakwe Yawe icivundukila antu nga ayaponyezya impungo imwi ikulu cuze.

Mpendwa 16:49

Impendwa ya antu afwile yali 14,700, kufumyako yao afwile mu kutalama kwakwe Kola.

Mpendwa 21:6

Lyene Yawe nawe atuma inzoka izya usungu uwipisye pakasi kao. Nazyo iziyalumola cakuti aina Izlaeli afwile yali aingi.

Mpendwa 25:9

Antu yano yafwile pa nsita ya mpungo iyo yali amazimbi amakumi yaili na yani (24,000).

Milimo 7:53

Amwemwe mwapokelile masunde yakwe Leza lino angeli yalesile, lelo mwakana ukuyayela.”

Galatiya 3:19

Uzye lyene Masunde yakwata mulimo cii? Masunde yapilwe pakuti yatulange vino tukaifya, lelo yali akuti yaomba kufika nu kukwiza kwa cizikulula cakwe Abulaamu wino ulayo wapilwe kunoli. Angeli ayano yalesile Masunde ku muntu uwali nu mulimo wakukundanya.

Malango 17:12

Umwi ndi wacita imisuli kuli kapingula nanti kuli simapepo wino ali pa luti, wene alinzile ukukomwa. Umu kucita cii ali muno mungafumya ulukota luu mu ina Izlaeli.

Malango 17:2

“Limwi munguvwa ukuti mu musumba onga pa misumba inu umonsi nanti umwanaci umwi wataifya kuli Yawe Leza winu pakonona upangano,

Malango 17:5

muce musende umuntu wiyo ukunzi ya musumba nu kumutama na mawe mpaka afwe.

Malango 27:26

“ ‘Katipwe kuli Leza wiyo wensi alakana ukuyela amasunde yonsi na masambilizyo yakwe Leza.’ “Lyene antu yonsi yalalanda yati, ‘Ee mukwai! Kaciye vivyo kwene!’

Malango 32:2

Usambilizyo wane ukulakata sile wa malakasi ya mvula alino iyavimbilikizya pa musili kwati ulumi. Amazwi yane yalalakata wa kutonya kwa mvula pa vilimwa vinu, kwati atuswelelele pa mulemvwe.

Ayebulai 1:1

Ku mpiti Leza wavwanzile ku vikolwe vitu umu nzila zipusanepusane na maila avule kupitila muli yakasema.

Ayebulai 10:28

Muntu wensi wino asyakuyela Masunde yakwe Mose ndi yamusinila kuli yakambone yaili nanti kuluta, ala wene amapingulwa kukomwa kwaula luse.

Ayebulai 10:35

Lekini kuposya kwinu kutanenuka, pano kulamuletela cilambu cikulu.

Ayebulai 11:26

Wene welenginye ukuti kusulwa pamulandu wakwe Mesiya kwacindama kuluta vyuma vyonsi vyamu Eguputo, pano wene walolekesyanga pa cilambu cilapelwa mu manda akwiza.

Ayebulai 11:6

Kusi umwi angazanzya Leza kwaula kukwata utailo. Pano wino wensi akaiza kuli Leza alinzile ataile ukuti Leza akuno waya nupya akalambula yao akamulondalonda.

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

2 Petulo 1:19

Acino twasininkizya cuze ukuti ilandwe lino yakasema yakosozile lyene ilya cumi. Ndi mwasumba mano kunolili ale mwacita ningo, pano lyene likoline wi lampi lino likwaka nu kuyengesa mu cifulo cimwi mu mfinzi. Mulinzile kutwalilila kwikako mano kufika lino kwaca nga na lino namukokola watunka mu myenzo inu.

Yuda 1:5

Pano nanti mumanyile vyonsi vii, nkasi kumwiusya vino Mwene watuuzile aina Izlaeli kufuma mu Eguputo. Lelo pacisila alovya yano atataile.